मालेगावसह नाशिक शहर आणि जिल्ह्यात दिवसभरात २१ जण कोरोना पॉझिटिव्ह आढळले. उद्यापासून उद्योगधंदे अंशत: सुरू होत आहेत. या दिलासादायक बातमीच्या पार्श्वभूमीवर रुग्णसंख्येतील वाढ चिंताजनक आहे.
विशेष प्रतिनिधी
नाशिक : करोनाचा नाशिक जिल्ह्यात वाढता फैलाव सगळ्यांना चिंतेत टाकणारा आहे. आज नाशिक जिल्ह्यात नवीन २१ नवीन रूग्ण आढळून आले असून यात मालेगावात १५ नाशिक शहरात ५ आणि सिन्नरमध्ये एक रूग्णाला करोनाचा संसर्ग झाला आहे. पहिल्यांदाच एकाच दिवशी जिल्ह्यात २१ रूग्ण आढळल्याने खळबळ उडाली आहे.
काही तासाआधी मालेगाव शहरातील एकूण ५ रुग्ण करोना बाधित आढळले होते. यात आताच प्राप्त अहवालानुसार आणखी १० नवीन रुग्णांची वाढ झाली असून शहरातील रुग्णांची संख्या ७७ झाली आहे. यातील ४ रुग्णांचा मृत्यू झाला आहे. त्यातच २ करोना संशयित रुग्णाचा देखील मृत्यू झाल्याने मालेगाव शहराची चिंता वाढली आहे.