Navratri 2021 : ७ ऑक्टोबरपासून देशभरात नवरात्रोत्सवाला सुरुवात होत आहे. या मालिकेतून आम्ही देवी दुर्गेची ९ प्रमुख रूपे आणि त्यांची पौराणिक आख्यायिका देत आहोत. Navratri 2021 Navdurga Mahatmya Devi skandamata worshiped on Fifth Day Of Navratri, Know Historical Story
हा सण माता भगवतीची उपासना, संकल्प, साधना आणि सिद्धीचा दिव्य काळ आहे. शरीर आणि मन निरोगी ठेवण्याची आणि सकारात्मक ऊर्जा मिळवण्याचीही ही एक संधी आहे. देवी भागवतानुसार, सृष्टीचे त्रिदेव -ब्रह्मा, विष्णू आणि महेश यांच्या रूपात विश्वाची निर्मिती, देखभाल आणि नाश करणारी देवी आहे. महादेवाच्या सांगण्यावरून माता पार्वतीने रक्तबीज शुंभ-निशुंभ, मधु-कैटभ इत्यादी राक्षसांचा वध करण्यासाठी असंख्य रूपे धारण केली, परंतु देवीच्या मुख्य नऊ रूपांची पूजा केली जाते. नवरात्रीचा प्रत्येक दिवस देवीच्या विशिष्ट स्वरूपाला समर्पित असतो. श्रद्धावंतांच्या मते, प्रत्येक स्वरूपाची पूजा केल्याने वेगवेगळ्या इच्छा पूर्ण होतात.
स्कंदमाता स्नेहाची देवी, पूजेला विशेष महत्त्व
चैत्र नवरात्रीच्या पाचव्या दिवशी स्कंदमाता देवीची पूजा केली जाते, असे मानले जाते की ही आई भक्तांच्या सर्व इच्छा पूर्ण करते. मोक्षाची दारे उघडणारी आई म्हणून तिची पूजा केली जाते. स्कंदमातेचे रूप मनाला आकर्षित करणारे आहे. देवीला चार भुजा आहेत, दोन हातांत कमळाचे फूल धरलेले दिसते. एका हातात स्कंद मुलाच्या रूपात बसलेले आहेत आणि दुसऱ्या हातात आईने बाण धरलेला दिसतो. देवी कमळाच्या आसनावर बसते. म्हणूनच तिला पद्मासन देवी या नावानेही ओळखले जाते, सिंह हे तिचे वाहन आहे. सिंहावर स्वार होऊन देवी दुर्गा आपले पाचवे रूप स्कंदमातेच्या रूपात भक्तांच्या कल्याणासाठी सदैव तत्पर असते.
स्कंदमातेचे रूप
स्कंद म्हणजे कुमार कार्तिकेय अर्थात माता पार्वती आणि महादेवाचा मोठा पुत्र कार्तिकेय, या भगवान स्कंद हेसुद्धा नाव आहे. यामुळेची देवीलाही स्कंदमाता हे नाव मिळाले. स्कंदमातेला चार हात आहेत त्यापैकी आई तिच्या दोन हातात कमळाचे फूल धरून आहे. तिचा एक हात वर उचलून ती भक्तांना आशीर्वाद देते आणि एका हाताने ती तिचा मुलगा स्कंदला मांडीवर घेऊन बसते. माता स्कंदमातेच्या पूजेचे महत्त्व शास्त्रात सांगितले आहे. देवीची पूजा केल्याने भक्ताच्या सर्व इच्छा पूर्ण होतात. भक्ताला मोक्ष मिळतो, सूर्यमालेची अधिष्ठात्री देवता असल्याने देवीचा उपासक अलौकिक तेजस्वी बनतो. अशाप्रकारे, जो साधक किंवा भक्त मन एकाग्र आणि शुद्ध ठेवून या देवीची पूजा करतो, त्याला विश्वाचा महासागर ओलांडण्यात कोणतीही अडचण येत नाही. याशिवाय, स्कंदमातेच्या कृपेने मुले होण्यास इच्छुक असलेल्या जोडप्याला अपत्यसुख मिळते, अशी भाविकांची श्रद्धा आहे.
आजचा रंग
नारंगी
नारंगी रंग तेज, ज्ञान आणि शांततेचेही प्रतीक आहे.
स्कंदमातेचा मंत्र
सिंहासनगता नित्यं, पद्माश्रितकरद्वया।
शुभदास्तु सदा देवी, स्कंदमाता यशस्विनी।।
Navratri 2021 Navdurga Mahatmya Devi skandamata worshiped on Fifth Day Of Navratri, Know Historical Story
महत्त्वाच्या बातम्या
- एअर इंडिया पुन्हा टाटांकडे आल्यावर इंदिरा – जेआरडी यांच्यातील हृदयस्पर्शि पत्रव्यवहार व्हायरल
- ‘पानिपत’कार विश्वास पाटील यांना राजीव सारस्वत सन्मान प्रदान; साहित्य‍िक हस्तिमल हस्तीदेखील राज्यपालांच्या हस्ते सन्मानित
- फार्मास्युटिकल ग्रुपच्या ६ राज्यांमधील ५० जागांवर प्राप्तिकर विभागाचे छापे, ५५० कोटी रुपयांची बेहिशेबी मालमत्ता उघड
- काश्मिरात अल्पसंख्याकांची हत्या करणाऱ्यांविरुद्ध केंद्राचे मोठे पाऊल, शोधमोहीम राबवून दहशतवाद्यांचा खात्मा करण्याचे सैन्याला निर्देश
- Cruise Drugs Case : ड्रग्जप्रकरणी अभिनेता शाहरुख खानच्या ड्रायव्हरलाही बोलावले, एनसीबी कार्यालयात चौकशी सुरू