West Bengal Violence : पश्चिम बंगालमधील निवडणूक निकालानंतर झालेल्या हिंसाचाराची चौकशी करणार्या राष्ट्रीय मानवाधिकार आयोगाच्या (एनएचआरसी) समितीने आपला अहवाल कलकत्ता उच्च न्यायालयात सादर केला आहे. एनएचआरसी समितीने आपल्या अहवालात हिंसाचारात घडलेल्या ‘खून आणि बलात्कारासारख्या भयंकर गुन्ह्यांची’ सीबीआय चौकशी करण्याची मागणी केली आहे. West Bengal Violence NHRC report says CBI should probe rape and murder cases, prosecute cases outside the state
विशेष प्रतिनिधी
कोलकाता : पश्चिम बंगालमधील निवडणूक निकालानंतर झालेल्या हिंसाचाराची चौकशी करणार्या राष्ट्रीय मानवाधिकार आयोगाच्या (एनएचआरसी) समितीने आपला अहवाल कलकत्ता उच्च न्यायालयात सादर केला आहे. एनएचआरसी समितीने आपल्या अहवालात हिंसाचारात घडलेल्या ‘खून आणि बलात्कारासारख्या भयंकर गुन्ह्यांची’ सीबीआय चौकशी करण्याची मागणी केली आहे.
तसेच या प्रकरणांवरील खटले राज्याबाहेर चालवावेत, असे समितीने आपल्या शिफारशीत म्हटले आहे. समितीने राज्यातील परिस्थितीला “कायद्याच्या राज्यापेक्षा राज्यकर्त्याच्या राजवटीचे प्रदर्शन” असे संबोधले.
काय म्हणाल्या मुख्यमंत्री ममता?
एनएचआरसीच्या अहवालावर मुख्यमंत्री ममता बॅनर्जी म्हणाल्या की, ही समिती प्रसारमाध्यमांकडे आपले निष्कर्ष देऊन भाजपच्या राजकीय सूडावर काम करत आहे. त्या म्हणाल्या की, ही समिती राज्य सरकारच्या मताची दखल न घेता थेट निर्णयावर पोहोचली, हे आश्चर्यकारक आहे.
काय आहे एनएचआरसी अहवालात?
हायकोर्टाच्या पाच न्यायाधीशांच्या खंडपीठाच्या निर्देशानुसार एनएचआरसीच्या अध्यक्षांनी गठित केलेल्या समितीने असेही म्हटले आहे की, या प्रकरणांवरील खटले राज्याबाहेर चालवावेत. अहवालात म्हटले आहे की, हिंसक घटनांच्या विश्लेषणानंतर पीडितांच्या दु:खाबद्दल राज्य सरकारची भयावह उदासीनता दिसून येते.
13 जून रोजी न्यायालयात सादर केलेल्या अहवालात समितीने शिफारस केली आहे की, खून, बलात्कार यासारख्या भयंकर गुन्ह्यांचा तपास सीबीआयकडे सोपवावा आणि या प्रकरणांवरील खटले राज्याबाहेर चालवावेत.
उच्च न्यायालयात दाखल केलेल्या अनेक जनहित याचिकांमध्ये असे म्हटले आहे की, बंगालमधील मतदानानंतर झालेल्या हिंसाचारात लोकांवर हल्ला करण्यात आला आणि त्यांना घरे सोडून जाण्यास भाग पाडण्यात आले, त्यांच्या मालमत्ताही नष्ट करण्यात आल्या.
एनएचआरसी समितीने तीव्र टीका करताना म्हटले आहे की, “सत्ताधारी पक्षाच्या समर्थकांनी केलेला हिंसाचार मुख्य विरोधी पक्षाच्या समर्थकांना धडा शिकवण्यासाठी करण्यात आला होता.”
West Bengal Violence NHRC report says CBI should probe rape and murder cases, prosecute cases outside the state
महत्त्वाच्या बातम्या
- GST Compensation : जीएसटी नुकसान भरपाईपोटी केंद्राकडून राज्यांना 75,000 कोटी रुपये वितरीत, महाराष्ट्राला 6501.11 कोटी
- मुंबईतील उद्यानाला टिपू सुलतानच्या नावामुळे वादाची ठिणगी, सपा नगरसेविकेविरोधात हिंदुत्ववादी संघटनांचा आक्रमक पवित्रा
- सैन्याला भाजीपाला पुरवणाराच निघाला ISI चा हेर, चौकशीतून धक्कादायक माहिती उघडकीस येण्याची शक्यता
- मोठी बातमी : ओबीसी आरक्षणाचा राज्यांना मिळणार अधिकार, पावसाळी अधिवेशनात सामाजिक न्याय मंत्रालय आणणार विधेयक
- Gaganyaan Mission : इस्रोच्या गगनयानच्या विकास इंजिनचे परीक्षण यशस्वी, एलन मस्क यांनीही केले अभिनंदन