Asansol Former Dy mayor : पश्चिम बंगालमध्ये बनावट आयएएस अधिकारी देबंजन देवच्या वतीने अनेक बनावट लसीकरण शिबिरे घेण्याची प्रकरण नुकतेच चर्चेत आले होते. परंतु आता लसीकरणाबाबत असाच एक वाद सुरू झाला आहे. बंगालच्या सत्ताधारी पक्षाच्या तृणमूल कॉंग्रेसच्या नेत्याने स्वत: डॉक्टर नसतानाही एका महिलेला लस दिली आहे. West Bengal TMC Leader Asansol Former Dy mayor Gives Vaccine to a Women in Vaccination Camp
विशेष प्रतिनिधी
कोलकाता : पश्चिम बंगालमध्ये बनावट आयएएस अधिकारी देबंजन देवच्या वतीने अनेक बनावट लसीकरण शिबिरे घेण्याची प्रकरण नुकतेच चर्चेत आले होते. परंतु आता लसीकरणाबाबत असाच एक वाद सुरू झाला आहे. बंगालच्या सत्ताधारी पक्षाच्या तृणमूल कॉंग्रेसच्या नेत्याने स्वत: डॉक्टर नसतानाही एका महिलेला लस दिली आहे.
तृणमूल नेत्याच्या या वर्तनावर भारतीय जनता पक्षाने हल्ला चढवला आहे. भाजपच्या महिला मोर्चाच्या अध्यक्षा आणि पूर्व बर्दवान जिल्ह्यातील आसनसोल दक्षिणच्या आमदार अग्निमित्रा पाल यांनी व्हिडिओ प्रसिद्ध करून या तृणमूल नेत्याला लस देण्याचा अधिकार कुणी दिला असा सवाल विचारला आहे.
शनिवारी आपल्या ट्विटर हँडलवर अग्निमित्रा पाल यांनी एक व्हिडिओ प्रसिद्ध केला. यात आसनसोल महानगरपालिकेच्या माजी उपमहापौर तबस्सुम आरा लसीकरण शिबिरात गेलेल्या दिसत आहेत. त्यांच्यासमोर एक महिला लस घ्यायला बसली होती. नर्स लस देत असतानाच तृणमूल नेत्या तबस्सुम आरा यांनी त्यांच्या हातातून सिरिंज घेतली आणि स्वत: त्या महिलेला टोचली.
तबस्सुम यांनी सुई टोचल्यावर त्या जागी कापसाचा बोळाही लावला नाही. लस दिली आणि सुई लगेच काढून टाकली. नर्सनी त्यांना कापूस दिला, मग त्यांनी तो आपल्या हातावर ठेवला.
हा व्हिडिओ प्रसिद्ध करताना अग्निमित्रा पाल यांनी लिहिले आहे की, तृणमूल कॉंग्रेस लोकांच्या जिवाशी खेळत आहे. ज्या व्यक्तीचा वैद्यकीय क्षेत्राशी काही संबंध नाही, त्या डॉक्टर किंवा नर्स नाहीत, तरीही लोकांना लस देत आहेत. हे भयंकर आहे.
West Bengal TMC Leader Asansol Former Dy mayor Gives Vaccine to a Women in Vaccination Camp
महत्त्वाच्या बातम्या
- केंद्रीय कृषी कायद्यांच्या बाजूने पवार, पण काँग्रेसला वाटतेय अडचण; थोरात म्हणाले – राज्यासाठी आम्ही दुसरा कायदा आणणार!
- तरुण नैराश्यात जात आहेत, स्थगित MPSC परीक्षा त्वरित घ्या आणि प्रलंबित नियुक्त्याही द्या – रोहित पवार
- सीएम केजरीवाल यांची पंतप्रधान मोदींना मागणी, या वर्षी डॉक्टरांना देण्यात यावा भारतरत्न
- भाजप नेत्यांशी भेटीवर संजय राऊत म्हणाले, महाराष्ट्राचे राजकारण भारत-पाकिस्तानसारखे नाही
- फिलिपाइन्समध्ये मोठी विमान दुर्घटना, ९२ जणांना घेऊन जाणारे लष्कराचे विमान कोसळले, १७ जण ठार