West Bengal Bypolls : पश्चिम बंगालच्या मुख्यमंत्री ममता बॅनर्जी यांनी भवानीपूर विधानसभा मतदारसंघातून पोटनिवडणुकीसाठी अर्ज दाखल केला आहे. मुख्यमंत्री बॅनर्जी उमेदवारी अर्ज दाखल करण्यासाठी अलीपूर सर्व्हे बिल्डिंगमध्ये पोहोचल्या होत्या. यापूर्वी, 2011 आणि 2016 मध्ये त्या भवानीपूर मतदारसंघातूनच विजयी झाल्या होत्या. परंतु 2021 मध्ये त्या नंदीग्राम मतदारसंघातून शुभेंदू अधिकारी यांच्याकडून पराभूत झाल्या. West Bengal bypolls CM Mamata Banerjee file nomination for by polls to Bhabhanipur seat
विशेष प्रतिनिधी
कोलकाता : पश्चिम बंगालच्या मुख्यमंत्री ममता बॅनर्जी यांनी भवानीपूर विधानसभा मतदारसंघातून पोटनिवडणुकीसाठी अर्ज दाखल केला आहे. मुख्यमंत्री बॅनर्जी उमेदवारी अर्ज दाखल करण्यासाठी अलीपूर सर्व्हे बिल्डिंगमध्ये पोहोचल्या होत्या. यापूर्वी, 2011 आणि 2016 मध्ये त्या भवानीपूर मतदारसंघातूनच विजयी झाल्या होत्या. परंतु 2021 मध्ये त्या नंदीग्राम मतदारसंघातून शुभेंदू अधिकारी यांच्याकडून पराभूत झाल्या.
ममता बॅनर्जी नंदीग्राममधून पराभूत झाल्यानंतर शोभनदेब चट्टोपाध्याय यांनी भवानीपूरची जागा रिक्त केली होती. ममता बॅनर्जींनी पोटनिवडणुकीसाठी त्यांची मोहीम सुरू केली आणि विधानसभा पोटनिवडणुकीच्या तारखा जाहीर होताच, भाजपने आपल्या पक्षाच्या नेत्यांना लक्ष्य करण्यासाठी केंद्रीय संस्थांचा वापर केल्याचा आरोप केला.
तृणमूलकडे 213 जागांचे बळ
गत आठवड्यात, निवडणूक आयोगाने पश्चिम बंगालमधील भवानीपूर, जंगीपूर आणि समसेरगंज या तीन विधानसभा जागांवर 30 सप्टेंबर रोजी पोटनिवडणूक जाहीर केली. 294 सदस्यीय पश्चिम बंगाल विधानसभेत 213 जागा जिंकून तृणमूलने मोठा विजय नोंदवला. भाजपने निवडणूक गमावली, पण 77 जागांसह दुसरा सर्वात मोठा पक्ष म्हणून उदयास आला.
भाजपच्या प्रियांका टिबरेवाल यांचे ममता बॅनर्जींना आव्हान
पश्चिम बंगाल विधानसभा पोटनिवडणुकीत भाजपच्या प्रियंका टिबरेवाल भवानीपूर विधानसभा मतदारसंघातून मुख्यमंत्री ममता बॅनर्जी यांच्याविरोधात लढणार आहेत. पक्षाने समसेरगंज मतदारसंघातून मिलन घोष आणि जंगीपूर मतदारसंघातून सुजित दास यांना उमेदवारी दिली आहे. निवडणुकीनंतर झालेल्या हिंसाचाराच्या प्रकरणात प्रियांका टिबरेवाल यांनी कोर्टातून ममता सरकारला सातत्याने घेरले आहे. त्या भाजप नेते बाबुल सुप्रियो यांच्या कायदेशीर सल्लागार राहिल्या आहेत. सुप्रियोंच्या सल्ल्यानंतरच त्या ऑगस्ट 2014 मध्ये भाजपमध्ये दाखल झाल्या.
2015 मध्ये त्यांनी भाजप उमेदवार म्हणून प्रभाग क्रमांक 58 (एंटली) मधून कोलकाता नगरपरिषदेची निवडणूक लढवली, पण तृणमूल काँग्रेसच्या स्वपन समदार यांच्याकडून पराभूत झाल्या. भाजपमध्ये त्यांच्या सहा वर्षांच्या कार्यकाळात त्यांनी अनेक महत्त्वाची कामे हाताळली आणि ऑगस्ट 2020 मध्ये त्यांना पश्चिम बंगालमध्ये भारतीय जनता युवा मोर्चा (BJYM) चे उपाध्यक्ष बनवण्यात आले.
West Bengal bypolls CM Mamata Banerjee file nomination for by polls to Bhabhanipur seat
महत्त्वाच्या बातम्या
- भाजप प्रवक्ते संबित पात्रा यांचा राहुल गांधींवर पलटवार, म्हणाले – नेहरूंच्या तुष्टीकरणामुळे काश्मीरची समस्या कायम
- मोठी बातमी : मथुरेतील श्रीकृष्ण जन्मस्थळाचा दहा चौरस किमी परिसर तीर्थक्षेत्र म्हणून घोषित, मांस आणि मद्यविक्रीवर बंदी
- स्पेनमध्ये धार्मिक सौहार्दाचे उदाहरण, गणपती बाप्पाची मिरवणूक चर्चमध्ये दाखल, विवेक अग्निहोत्रींनी शेअर केला व्हिडिओ
- ममता सरकारच्या छळ आणि धमक्यांमुळे पत्रकाराचा बंगाल सोडून दिल्लीत आश्रय, नुपूर शर्मा यांनी व्यक्त केल्या वेदना
- काँग्रेस नेते कपिल सिब्बल यांचा गंभीर आरोप, म्हणाले- यूपी निवडणुकीत केंद्र सरकार अफगाणिस्तान संकटाचा फायदा घेणार!