Union Minister Prakash Javadekar : केंद्रीय माहिती व प्रसारण मंत्री प्रकाश जावडेकर यांना कोरोनाची लागण झाली आहे. त्यांना कोरोनाची लागण झाल्याचे जावडेकर यांनी शुक्रवारी सांगितले. मागच्या दोन-तीन दिवसांत त्यांच्या संपर्कात आलेल्या सर्वांनी टेस्ट करण्याचे आवाहनही त्यांनी केले आहे. Union Minister Prakash Javadekar Test Positive For Covid 19
विशेष प्रतिनिधी
नवी दिल्ली : केंद्रीय माहिती व प्रसारण मंत्री प्रकाश जावडेकर यांना कोरोनाची लागण झाली आहे. त्यांना कोरोनाची लागण झाल्याचे जावडेकर यांनी शुक्रवारी सांगितले. मागच्या दोन-तीन दिवसांत त्यांच्या संपर्कात आलेल्या सर्वांनी टेस्ट करण्याचे आवाहनही त्यांनी केले आहे.
प्रकाश जावडेकर हे पर्यावरण, वन आणि हवामान बदल, माहिती व प्रसारण, अवजड उद्योग आणि सार्वजनिक उपक्रम अशा महत्त्वाच्या मंत्रालयांची जबाबदारी सांभाळत आहेत. त्यांनी एका ट्विटद्वारे स्वतःला कोरोनाची लागण झाल्याची माहिती दिली. ते म्हणाले, “आज मी कोरोना पॉझिटिव्ह असल्याचे आढळले. गेल्या दोन-तीन दिवसांत जे माझ्या संपर्कात आले आहेत, कृपया त्यांनी आपली टेस्ट करून घ्यावी.”
योगी आणि येदियुरप्पांनाही संसर्ग
उत्तर प्रदेशचे मुख्यमंत्री योगी आदित्यनाथ आणि कर्नाटकचे मुख्यमंत्री बी. एस. येदियुरप्पा यांनाही नुकतीच कोरोना विषाणूची लागण झाल्याचे आढळले आहे. देशात कोरोना महामारीच्या दुसऱ्या लाटेने आता रौद्ररूप धारण करायला सुरुवात केली आहे. कोरोनाचे आता दररोज विक्रमी संख्येने रुग्ण आढळत आहेत. दरम्यान, केंद्र सरकारने महामारीच्या पार्श्वभूमीवर रेमडेसिव्हिर इंजेक्शनच्या उत्पादनात वाढ, राज्यांना पुरेपूर ऑक्सिजन पुरवठा व्हावा यासाठी महत्त्वाचे निर्णय घेतले आहेत. याचबरोबर देशभरात लसीकरणही जोरदार सुरू आहे. सध्या 45 वर्षे वयापुढील सर्वांना ही लस उपलब्ध आहे. लवकरच इतर वयोगटांनाही लस खुली करण्यासाठी सरकारने प्रयत्न चालवले आहेत.
Union Minister Prakash Javadekar Test Positive For Covid 19
महत्त्वाच्या बातम्या
- Maharashtra Lockdown 2021 : राज्यात लॉकडाऊन पण रुग्णसंख्या वाढतीच, पहिल्यांदाच 24 तासांत 64 हजारांहून जास्त बाधितांची नोंद
- CBSE नंतर आता ICSE आणि ISC बोर्डाच्या परीक्षाही स्थगित, नव्या तारखांबाबत जूनमध्ये निर्णय
- Tesla Cars India : टेस्लाने भारतात कारचे उत्पादन केले, तर आम्ही मदतच करू! – केंद्रीय मंत्री नितीन गडकरी
- Nirav Modi Extradition : ब्रिटन सरकारच्या मंजुरीनंतरही लांबू शकते नीरव मोदीचे प्रत्यार्पण, हे आहे कारण
- योगी सरकारचे जबरदस्त निर्णय, कोरोनाच्या निर्बंधांसोबतच गरिबांना रोख मदत, मोफत रेशनचीही सोय