• Download App
    Two peoples arrest for giving information

    लष्कराची गोपनीय माहिती पाकिस्तानला देणाऱ्या दोघांना अटक

    विशेष प्रतिनिधी

    नवी दिल्ली : पाकिस्तानची गुप्तचर संस्था आयएसआयला भारतीय लष्कराची गोपनीय माहिती देणाऱ्या हस्तकासह दोघांना दिल्ली पोलिसांनी अटक केली. यात लष्करी सेवेतील एका कर्मचाऱ्याचा समावेश आहे. हबीबुर रेहमान (वय ४१) आणि परमजित सिंह असे दोन आरोपीची नावे असून त्यांची चौकशी सुरू आहे. Two peoples arrest for giving information

    हबीबुर रेहमान हा कंत्राटदार असून तो पोखरण येथे लष्करी छावण्यांना भाजीपाला पुरवठा करण्याचे काम करायचा. राजस्थानच्या पोखरण येथे हबीबुर रेहमान याच्या घरी दिल्ली पोलिसांनी छापा घातला असता तेथे लष्करासंबंधीचे संवेदनशील कागदपत्रे आढळून आली. परमजित सिंह हा सध्या आग्रा येथील छावणीत लिपिक म्हणून काम करत आहे.



    तत्पूर्वी तो पोखरण येथील लष्करी कार्यालयात काम करायचा. तेथे हबीबुर रेहमानशी संपर्क आल्यानंतर त्यांची मैत्री वाढली. रेहमानने त्याला लष्कराचे गोपनीय कागदपत्रे देण्याची मागणी केली आणि त्या बदल्यात हवालामार्गे पैसा दिला जाईल, असे सांगितले.
    नायक लिपिक परमजित याने हबीबुर रेहमानला लष्करासंबंधीची गोपनीय माहिती, प्रशिक्षणाशी निगडित माहिती, गुप्त ठिकाणांचे नकाशे, गुप्त कागदपत्रे उपलब्ध करून दिली होती. ही माहिती हबीबुर रेहमान हा पाकिस्तानात असलेल्या आपल्या म्होरक्यांना व्हॉटसअपद्वारे पाठवत होता.

    परमजित सिंहला आतापर्यंत पाकिस्तानकडून सुमारे ९ लाख रुपये मिळाले आहेत. या नेटवर्कमध्ये आणखी काही जण सामील असू शकतात, असा पोलिसांना संशय आहे.

    Two peoples arrest for giving information

    महत्त्वाच्या बातम्या

    Related posts

    RSS Chief Mohan Bhagwat : सरसंघचालक म्हणाले- भाजप-RSS मध्ये कोणताही वाद नाही; आम्ही सरकारसाठी निर्णय घेत नाही, फक्त सल्ला देतो

    PM SVANidhi : PM स्वनिधी योजनेची मुदत 31 मार्च 2030 पर्यंत वाढवली; कर्जाची रक्कमही ₹15,000 पर्यंत वाढली

    Supreme Court : केंद्राने म्हटले- राज्ये सुप्रीम कोर्टात रिट याचिका दाखल करू शकत नाहीत; राष्ट्रपती-राज्यपाल यांच्या निर्णयांसाठी न्यायालये जबाबदार नाही