उत्तर प्रदेशातील इटावा येथील लायन सफारीतील दोन सिंहिणींना कोरोनाची बाधा झाली आहे. त्यांची प्रकृती गंभीर झाली आहे. गेल्या अकरा दिवसांपासून त्यांनी खाणे-पिणे सोडले आहे. Two lions from Uttar Pradesh are in critical condition due to corona, Gauri and Jennifer from Etawah Lion safari eat
विशेष प्रतिनिधी
इटावा : उत्तर प्रदेशातील इटावा येथील लायन सफारीतील दोन सिंहिणींना कोरोनाची बाधा झाली आहे. त्यांची प्रकृती गंभीर झाली आहे. गेल्या अकरा दिवसांपासून त्यांनी खाणे-पिणे सोडले आहे.
गौरी आणि जेनीफर या दोन सिंहिणींना कोरोनाची बाधा झाल्याचे दिसून आले होते. कोरोना झाल्यावर दोघींनी खाणे-पिणे सोडले आहे. त्यांना सलाईनद्वारे अन्न दिले जात आहे. सूप आणि ग्लुकोज सुरू करण्यात आले आहे. त्याचबरोबर त्यांच्यावर उपचारही सुरू आहेत.
लायन सफारीचे संचालक कृष्णकुमार सिंह यांनी सांगितले की, गुजरात, हैद्राबाद, डेहराडूनसह उत्तर प्रदेशातील तज्ज्ञ डॉक्टरांच्या मदतीने या सिंहिणींवर उपचार सुरू आहे. ऑनलाईन आणि व्हिडीओ कॉलींगद्वारे त्यांच्यावर औषधोपचार सुरू आहे. काही खातच नसल्याने त्यांची प्रकृती ढासळत आहे.
गौरी आणि जेनीफर यांनी ३० एप्रिलपासून खाणे सोडले होते. त्यामुळे प्रशासनाने येथील १८ सिंह-सिंहिणींची कोरोना चाचणी केली. यामध्ये गौरी आणि जेनीफर यांना कोरोना झाल्याचे स्पष्ट झाले. बाकी सर्व प्राण्यांची चाचणी निगेटिव्ह आली. याठिकाणी सिंहांसह हरणे, अस्वल, बिबटे हे प्राणीही आहेत. त्यांना कोरोनाची बाधा झालेली नाही.
यापूर्वी हैद्राबाद येथील प्राणीसंग्रहालयातील सिंहांना कोरोनाची बाधा झाल्याचे उघड झाले होते. मात्र, त्यांनी कोरोनावर मात केली आहे. त्यांची प्रकृतीही बिघडली नव्हती.
Two lions from Uttar Pradesh are in critical condition due to corona, Gauri and Jennifer from Etawah Lion safari eat
महत्वाच्या बातम्या
- आक्रमक सोलापुर पुढे राष्ट्रवादी नमली, उजनीतले पाणी पळवण्याचा आदेश रद्द
- दिवसभरात शेअर बाजारात गुंतवणुकदारांनी कमावले तब्बल तीन लाख कोटी, सेन्सेक्स पुन्हा ५० हजारांच्यावर
- ‘लिव्ह-इन’ संबंध अस्वीकारार्ह असल्याचे पंजाब-हरियाणा उच्च न्यायालयाचे निरीक्षण
- चक्रीवादळाने गुजरातमध्ये रात्रभर हाहाकार, किनारपट्टीवर प्रचंड नुकसान
- पतीला इंजेक्शन न मिळाल्याने सैरभेर झालेल्या पत्नीची जीव देण्याची धमकी, मुख्यमंत्र्यांना व्हिडिओ पाठवल्याने खळबळ
- आयएनएक्स मीडिया भ्रष्टाचार प्रकरणी पी. चिदंबरम यांना धक्का