विशेष प्रतिनिधी
नवी दिल्ली : देशातील सर्वसामान्य जनता सतत महागाईच्या झळा सोसत असतानाच आज पुन्हा पेट्रोल-डिझेलच्या दरात वाढ झाली आहे. दिल्लीत आता पेट्रोलचे दर प्रतिलिटर १०३.८१ रुपये, तर डिझेलचे दर ९५.०७ रुपये झाले आहेत. Today again petrol-diesel price hike
कोलकातामध्ये पेट्रोलचे दर आता प्रतिलिटर ११३.४५ रुपये, तर डिझेलचे दर ९८.२२ रुपये प्रति लिटरवरून वाढले आहेत. मुंबईत पेट्रोलचा दर ११८.८३ रुपयांवर तर डिझेलचा दर १०३.०७ रुपयांवर पोहोचला आहे. त्याच वेळी, चेन्नईमध्ये पेट्रोलचा दर १०९.३४ तर डिझेलचा दर ९९.४२ आहे.
दिल्ली-एनसीआरमध्ये पुन्हा एकदा सर्वसामान्यांना महागाईचा झटका बसला आहे. १२ तासांत दुसऱ्यांदा पेट्रोल-डिझेलनंतर आता सीएनजीही महाग झाला आहे. दिल्लीत सोमवारी सकाळी सीएनजी २.५० रुपयांनी महागला.
दिल्लीत आज पेट्रोल आणि डिझेलची किंमत अनुक्रमे १०३.८१ रुपये प्रति लिटर आणि ९५.०७ रुपये प्रति लिटर (४० पैशांनी वाढ) आहे. त्याचवेळी सोमवारी सकाळी सीएनजीच्या दरात किलोमागे अडीच रुपयांनी वाढ करण्यात आली आहे.
आता राजधानी दिल्लीत एक किलो सीएनजीची किंमत ६४.११ रुपये आहे. नवीन दर आजपासून लागू झाले आहेत. याआधी रविवारी रात्री उशिरा सीएनजीच्या दरात ८० पैशांनी वाढ करण्यात आली होती. दिल्लीला लागून असलेल्या नोएडा आणि गाझियाबादमध्ये एक किलो सीएनजी ६६.६८ रुपयांना मिळत आहे. याशिवाय गुरुग्राममध्ये एक किलो सीएनजीसाठी ७२.४५ रुपये मोजावे लागतात.
पाच राज्यांतील निवडणुकांमुळे मोदी सरकारने तेल कंपन्यांना किमती वाढवण्यापासून रोखल्याचा आरोप सरकारच्या राजकीय विरोधकांनी केला. आंतरराष्ट्रीय बाजारात कच्च्या तेलाचे दर प्रति बॅरल ११२ डॉलरवर पोहोचल्यानंतर तेल कंपन्यांनी रविवारी डिझेलच्या मोठ्या खरेदीदारांसाठी प्रति लिटर २५ रुपयांनी वाढ केली. हळूहळू किरकोळ दरात वाढ केली जाईल, असे तेल विक्रेत्यांचे म्हणणे आहे.
दिल्लीतील एका कॅब चालकाचे म्हणणे आहे की, सीएनजीच्या किमतीत झालेली वाढ पाहता आम्ही प्रवाशांसाठी कॅबचे एअर कंडिशनर सुरू करण्याच्या बाजूने नाही. वाढलेल्या किमतीचा फटका आमच्या बजेटला बसला आहे.
Today again petrol-diesel price hike
महत्त्वाच्या बातम्या
- Sri Lanka : पंतप्रधान महिंदा राजपक्षे यांच्या राजीनाम्याचे वृत्त खोटे, देशाच्या पीएमओने फेटाळले, म्हणाले- अशी
- बीरभूम हिंसाचार : तृणमूल नेत्याची हत्या करणाऱ्या आरोपीच्या घरावर सीबीआयचा छापा, मातीत पुरलेले सापडले बॉम्ब
- सरन्यायाधीशांनी CBI वर लावले होते प्रश्नचिन्ह, किरेन रिजिजू म्हणाले- आता तपास यंत्रणा पिंजऱ्यातील पोपट नाहीत!
- अफगाणिस्तानात अफूवर बंदी : तालिबानचे नवे फर्मान- अफूची लागवड आणि अमली पदार्थांच्या तस्करीवर बंदी, उल्लंघन केल्यास कठोर शिक्षा