वृत्तसंस्था
नवी दिल्ली : पश्चिम बंगालमधील शिक्षक भरती घोटाळ्याप्रकरणी ईडीने शुक्रवारी तृणमूल काँग्रेस (टीएमसी) युवा प्रदेशाध्यक्ष सयोनी घोष यांची 11 तास चौकशी केली. त्या मध्यरात्री 12 वाजता ईडी कार्यालयातून बाहेर पडल्या.TMC leader Sayoni Ghosh interrogated for 11 hours by ED; Case related to Bengal teacher recruitment scam
ईडी कार्यालयातून बाहेर आल्यानंतर, सयोनी म्हणाल्या, त्यांनी केंद्रीय तपास संस्थेला सहकार्य केले आहे आणि त्या पुढेही करत राहील.
सयोनी पुढे म्हणाल्या, मी काही कागदपत्रे सादर केली आहेत, मला वाटते की ते (ईडीचे अधिकारी) समाधानी आहेत. त्यांनी मला विचारले तर मी पुन्हा येईन.
टीएमसीचे राष्ट्रीय सरचिटणीस अभिषेक बॅनर्जी यांचीही चौकशी करण्यात आली आहे
पश्चिम बंगालमधील शिक्षक भरती घोटाळ्याप्रकरणी सयोनी घोष यांना ईडीने शुक्रवारी समन्स बजावले होते. यापूर्वी, ईडीने 8 जून रोजी तृणमूल काँग्रेसचे राष्ट्रीय सरचिटणीस अभिषेक बॅनर्जी यांना शिक्षक भरती घोटाळ्याप्रकरणी 13 जून रोजी हजर राहण्यासाठी समन्स बजावले होते.
पश्चिम बंगालच्या शाळांमधील कोट्यवधी रुपयांच्या भरती घोटाळ्याच्या संदर्भात मे महिन्यात बॅनर्जी यांची ईडीने नऊ तासांहून अधिक काळ चौकशी केली होती.
शत्रुघ्न सिन्हा म्हणाले – विरोधकांना त्रास देण्याचा प्रयत्न
दरम्यान, तृणमूल काँग्रेसचे खासदार शत्रुघ्न सिन्हा यांनी शुक्रवारी भाजप सरकार विरोधकांना त्रास देण्यासाठी केंद्रीय यंत्रणांचा वापर करत असल्याची टीका केली.
शत्रुघ्न सिन्हा म्हणाले, काही लोक आहेत आणि काही एजन्सी आहेत. ते नीट काम करत नाहीत. अनेकांना, विशेषत: विरोधकांना अडचणीत आणण्याचा प्रयत्न करत आहेत.
भाजपवर निशाणा साधत ते म्हणाले की, सत्तेतून बाद होण्यापूर्वी बदला घेण्याचा हा प्रयत्न आहे. जसा दिवा विझण्यापूर्वी लखलखतो, तशीच स्थिती भाजपची आहे.
TMC leader Sayoni Ghosh interrogated for 11 hours by ED; Case related to Bengal teacher recruitment scam
महत्वाच्या बातम्या
- काँग्रेसचे दिग्गज नेते विक्रमादित्य यांचा पक्षाविरोधात जाऊन समान नागरी कायद्याला पाठिंबा, म्हणाले- या मुद्द्याचे राजकारण होऊ नये
- तेलंगणमध्ये भाजप आमदाराच्या हत्येसाठी 20 कोटींची सुपारी? बीआरएसच्या आमदारावर गंभीर आरोप
- 1 जुलै : आजपासून देशात झाले हे 5 मोठे बदल… HDFC विलीनीकरणापासून ते LPG दरापर्यंत, वाचा सविस्तर
- भीषण अपघात! समृ्द्धी महामार्गावर बस जळून खाक, २५ प्रवाशांचा मृत्यू