विशेष प्रतिनिधी
नवी दिल्ली : भारतीय सीमेवर ड्रोनच्या सहाय्याने होणारे संभाव्य हल्ले रोखण्यासाठी आता सुरक्षा दलांना संपूर्ण देशी ड्रोन विरोधी तंत्रज्ञान मिळरार आहे. देशाच्या सीमेवर ड्रोनच्या माध्यमातून होणाऱ्या संशयित हालचाली हाणून पाडण्यासाठी भारत ड्रोनविरोधी देशी तंत्रज्ञान विकसित करीत आहे. हे तंत्रज्ञान लवकरच सुरक्षा दलांना पुरविले जाईल, अशी माहिती केंद्रीय गृहमंत्री अमित शहा यांनी दिली आहे.The security forces will get all the indigenous anti-drone technology, it will be possible to thwart suspicious movements
सीमा सुरक्षा दलाच्या (बीएसएफ) ५७ व्या स्थापना दिनानिमित्त राजस्थानातील जैसलमेर येथे आयोजित केलेल्या कार्यक्रमात शहा यांनी उपस्थित अधिकारी-जवानांना सांगितले की, देशाच्या सीमांचे रक्षण करण्यासाठी जगातील सर्वोत्तम तंत्रज्ञान उपलब्ध करून दिले जाईल.
ड्रोनमुळे निर्माण झालेला धोका लक्षात घेता ड्रोनविरोधी सुरक्षा यंत्रणा तयार करण्याचे काम सध्या बीएसएफ, एनएसजी आणि डीआरडीओ यांच्यातर्फे सुरू आहे. आमच्या शास्त्रज्ञांच्या क्षमतेवर आमचा पूर्ण विश्वास आहे. देशात विकसित केलेले ड्रोनविरोध तंत्रज्ञान लवकरच आम्हाला प्राप्त होईल.
शहा यांनी जवानांना सांगितले की, एखादा देश तेव्हाच प्रगती करू शकतो, त्याची भरभराट होऊ शकते, जेव्हा तो धर्मनिरपेक्ष बनेल. तुम्ही तर देशाचे रक्षण करणार आहात. देशाला तुमच्याबद्दल अभिमान आहे. मोदी सरकारच्या दृष्टीने सीमांचे रक्षण म्हणजेच राष्ट्रीय सुरक्षा होय. त्यामुळे लक्षात ठेवा, तुम्ही केवळ सीमांचे रक्षण करता असे नाही, तर तुमच्यामुळेच या देशाला आंतरराष्ट्रीय स्तरावर आपले स्थान भक्कम करणे शक्य होते.
बीएसएफचे जवान आणि सीमा भागातील रहिवासी यांच्यात उत्तम संबंध असावेत. जवानांनी लोकांची काळजी घ्यावी, तसेच त्या भागात सरकारच्या कल्याणकारी योजनांची प्रत्यक्षात अंमलबजावणी होते की नाही तेसुद्धा पाहावे, असे ते म्हणाले.
जवानांसाठी कल्याणकारी योजना राबविण्याबरोबरच सरकारतर्फे सीमांवरील पायाभूत सुविधांत सुधारणा केली जात आहे. त्याअंतर्गत रस्तेबांधणीसाठीची तरतूद २००८ ते २०१४ मधील २३ हजार कोटींवरून २०१४ ते २०२० साठी ४४ हजार ६०० कोटींपर्यंत वाढविण्यात आली आहे. यातून सीमासुरक्षेत वाढ करण्याप्रतिची आमची कटिबद्धता दिसून येते, असे शहा यांनी सांगितले.
The security forces will get all the indigenous anti-drone technology, it will be possible to thwart suspicious movements
महत्त्वाच्या बातम्या
- आम आदमी पार्टी सोडण्यासाठी मोदी कॅबिनेटमध्ये मंत्रीपदाची ऑफर; खासदार भगवंत मान यांचा खळबळजनक दावा!!
- पंचगंगा नदीमध्ये फेस आढळून आला
- शिवसेना खासदार प्रियंका चतुर्वेदींनी सोडला ‘संसद टीव्ही’ शो ‘मेरी कहानी’; राज्यसभेतील निलंबनानंतर तडकाफडकी राजीनामा
- शिक्षकांच्या मोर्चावर लाठी चार्ज : उत्तर प्रदेशमधील ६९००० सहाय्यक शिक्षकांच्या शांततापूर्ण मार्गाने होणाऱ्या कॅडल मोर्चावर पोलिसांचा लाठी चार्ज