इलेक्ट्रिक कार निर्माता कंपनी टेस्लाचे मालक आणि जगातील सर्वात श्रीमंत व्यक्ती एलन मस्क यांनी नवा इतिहास रचला आहे. सोमवारी एलन मस्क यांच्या संपत्तीत २.७१ लाख कोटी रुपयांची (३६.२ अब्ज डॉलर) वाढ झाली. एका दिवसात श्रीमंत व्यक्तीच्या संपत्तीत झालेली ही सर्वात मोठी वाढ आहे. ब्लूमबर्ग अब्जाधीश निर्देशांकानुसार, मस्क यांची संपत्ती 289 अब्ज डॉलर झाली आहे. Tesla founder Elon Musk makes history His one day wealth gain rs 2715000000000
वृत्तसंस्था
वॉशिंग्टन : इलेक्ट्रिक कार निर्माता कंपनी टेस्लाचे मालक आणि जगातील सर्वात श्रीमंत व्यक्ती एलन मस्क यांनी नवा इतिहास रचला आहे. सोमवारी एलन मस्क यांच्या संपत्तीत २.७१ लाख कोटी रुपयांची (३६.२ अब्ज डॉलर) वाढ झाली. एका दिवसात श्रीमंत व्यक्तीच्या संपत्तीत झालेली ही सर्वात मोठी वाढ आहे. ब्लूमबर्ग अब्जाधीश निर्देशांकानुसार, मस्क यांची संपत्ती 289 अब्ज डॉलर झाली आहे.
सोमवारी इलेक्ट्रिक कार उत्पादक कंपनी टेस्लाच्या मार्केट कॅपने $1 ट्रिलियनचा टप्पा पार केला. ही कामगिरी करणारी टेस्ला ही अमेरिकेतील सहावी कंपनी आहे. सोमवारी, कंपनीचा शेअर १४.९ टक्क्यांनी वाढून १,०४५.०२ डॉलरच्या नवीन ५२ आठवड्यांच्या उच्चांकावर पोहोचला. स्टॉक वाढल्यामुळे एलन मस्क यांची संपत्ती वाढली.
1 लाख टेस्ला कारची ऑर्डर
हर्ट्झ ग्लोबल होल्डिंग्जने 100,000 टेस्ला कारची ऑर्डर दिली आहे. 1 लाख कारच्या ऑर्डर मिळाल्यानंतर टेस्लाच्या शेअर्समध्ये मोठी वाढ झाली. मस्क यांची टेस्लामध्ये 23 टक्के हिस्सेदारी आहे. त्यांच्या संपत्तीत एका दिवसात २.७१ लाख कोटी रुपयांची वाढ झाली.
मस्क यांची संपत्ती या कंपन्यांपेक्षा जास्त
याशिवाय, मस्क हे रॉकेट निर्माता स्पेसएक्सचे प्रमुख शेअरहोल्डर आणि सीईओ आहेत. CNBCच्या अहवालानुसार, ऑक्टोबरच्या दुय्यम शेअर विक्रीनुसार $100 अब्ज किमतीची खाजगी कंपनी आहे. २०२१ मध्ये मस्क यांच्या संपत्तीत ११९ अब्ज डॉलरची वाढ झाली. मस्कची एकूण संपत्ती $289 अब्ज आहे, जी आता Exxon Mobil Corp किंवा Nike Inc च्या बाजारमूल्यापेक्षा जास्त आहे.
ब्लूमबर्ग अब्जाधीश निर्देशांकाच्या इतिहासातील हा सर्वात मोठा एकदिवसीय फायदा आहे. गेल्या वर्षी, चिनी अब्जाधीश झोंग शानशान यांची बाटलीबंद पाण्याची कंपनी, नॉन्गफू स्प्रिंग को सूचीबद्ध झाल्यावर त्यांची संपत्ती $32 अब्जांनी वाढली होती.
Tesla founder Elon Musk makes history His one day wealth gain rs 2715000000000
महत्त्वाच्या बातम्या
- SAMEER WANKHEDE:समीर वानखेडेंच्या आई-बहिण यानंतर आता वडिलांनाही ओढले वादात ! नवाब मलिक म्हणतात ‘ज्ञानदेव’ की ‘दाऊद’ ?पोस्ट केला आणखी एक फोटो
- टाटा कंपनीचे १८० शहरात एक हजार चार्जिंग स्टेशनचे नेटवर्क; महामार्गावर सुद्धा योजना
- पाकिस्तानशी नव्हे, काश्मिरी युवकांशी चर्चा; केंद्रीय गृहमंत्री अमित शाह यांनी फारुक अब्दुल्ला यांना सुनावले
- माजी ॲटर्नी जनरल मुकुल रोहतगी आर्यन खानची ड्रग्जची केस मुंबई हायकोर्टात लढणार