वृत्तसंस्था
लखनौ : उत्तर प्रदेशात एका ज्येष्ठ महिलेच्या प्रसंगावधानामुळे रेल्वेचा मोठा अपघात टळला आहे. रेल्वे रूळ दुभंगल्याचे लक्षात येताच त्या महिलेने रुळावर लाल रंगाची साडी एका काठीवर लटकवून ठेवून पुढे धोका असल्याची जाणीव करून दिली. चालकाने वेळीच रेल्वे थांबवली. त्यामुळे मोठा अनर्थ टळला आहे. senior woman prevented a major train accident in Uttar Pradesh
एटा जिल्ह्यातील अवगड ब्लॉकमधील गुलेरिया गावातील ६५ वर्षीय ओमवती शेतात जात असताना त्यांना रेल्वे ट्रॅक दुभंगल्याचे दिसल. तिने तिची लाल साडी काढून रेल्वे रुळावर एका झाडाचा फांदीवर लटकवली. एटाहून टुंडलाला जाणारी पॅसेंजर ट्रेन काही वेळातच आली. पण ड्रायव्हरला लाल साडी दिसली आणि त्याने वेळीच ब्रेक लावला. ट्रॅक खराब झाल्याची माहिती चालकाने वरिष्ठांना दिली, त्यांनी घटनास्थळी पोहोचून ट्रॅक दुरुस्त केला. तासाभरानंतर ट्रेनचा प्रवास सुरू ठेवता आला.
रेल्वेच्या चालकाने ओमवतीच्या प्रयत्नाचे कौतुक केले आणि तिच्या मनाची आणि धैर्याबद्दल १०० रुपये बक्षीस दिले. ओमवती म्हणाली की तिने तिची साडी काढली आणि ती रुळांवर ठेवली, कारण लाल रंग हे धोक्याचे लक्षण आहे. विशेष म्हणजे तिने पैसे स्वीकारण्यास नकार देऊनही ड्रायव्हरने तिला १०० रुपयांचे बक्षीस दिल्याचेही तिने सांगितले. दरम्यान, पोलिस अधिकारी सचिन कौशिक यांनी महिलेच्या कार्याचे कौतुक करून पूर्ण घटना सोशल मीडियावर शेअर केली आहे.
senior woman prevented a major train accident in Uttar Pradesh
महत्त्वाच्या बातम्या
- पोलिस अधिकारी असल्याचे सांगून खंडणी, अपहरण प्रकरणी तिघांना पुण्यात अटक
- Gudhi padva : गुढीपाडव्याच्या मुहूर्तावर मुख्यमंत्र्यांचा भाजप वर टोमणे बॉम्ब!!
- क्रूझ प्रकरणातील पंच प्रभाकर सेल यांचा मृत्यू
- आगामी वर्षात तुमच्या सर्व मनोकामना पूर्ण होवोत : पंतप्रधान मोदी यांच्या गुढीपाडव्याच्या हार्दिक शुभेच्छा
- श्रीलंकेत आणीबाणी जाहीर ; महागाईमुळे जनता संतप्त; जीवनावश्यक वस्तूंच्या किमती आभाळाला
- नाशिकच्या काळाराम मंदिर परिसरात उत्साहात गुढी पूजन