वृत्तसंस्था
पणजी : शांघाय कोऑपरेशन ऑर्गनायझेशन-SCOच्या परराष्ट्रमंत्र्यांची दोनदिवसीय बैठक आजपासून गोव्यात सुरू होत आहे. पाकिस्तान आणि चीनसह 8 देशांचे परराष्ट्रमंत्री गोव्यात पोहोचून या बैठकीत सहभागी होण्याची शक्यता आहे.SCO Foreign Ministers meet in Goa from today, S# Jaishankar to meet Chinese and Russian counterparts
भारताचे परराष्ट्र मंत्री एस. जयशंकर गुरुवारी गोव्यात चीनचे परराष्ट्र मंत्री किन गँग, रशियाचे परराष्ट्र मंत्री सर्गेई लावरोव्ह आणि उझबेकिस्तानचे परराष्ट्र मंत्री यांच्याशी द्विपक्षीय बैठका घेणार आहेत.
परराष्ट्र व्यवहार मंत्रालयाच्या एका अधिकाऱ्याने वृत्तसंस्था एएनआयला सांगितले की, उद्या परराष्ट्र मंत्री एस. जयशंकर यांच्या SCO महासचिव, रशिया, चीन आणि उझबेकिस्तानचे परराष्ट्र मंत्री यांच्यासोबत द्विपक्षीय बैठका होणार आहेत.
अनेक मुद्द्यांवर होऊ शकते चर्चा
या परिषदेत सहभागी सदस्य देश प्रादेशिक आव्हाने आणि राजकीय उलथापालथ यावर चर्चा करतील. सर्वाधिक चर्चा जयशंकर आणि बिलावल भुट्टो झरदारी यांच्यात परिषदेच्या बाजूला द्विपक्षीय बैठकची आहे.
परराष्ट्र मंत्री एस. जयशंकर यांनी तयारीचा आढावा घेतला
‘SCO विदेश मंत्री परिषद 2023’ च्या तयारीचा आढावा घेण्यासाठी एस जयशंकर बुधवारी स्वतः गोव्यात पोहोचले. 2022 च्या समरकंद परिषदेनंतर भारताने SCO चे अध्यक्षपद स्वीकारले. परराष्ट्र मंत्री SCOच्या अनेक बैठका आणि परिषदांचे आयोजन करत आहेत. बैठकीत सहभागी देशांच्या परराष्ट्र मंत्रालयाने ही माहिती दिली.
चीनच्या परराष्ट्र मंत्रालयाने मंगळवारी सांगितले की, त्यांचे परराष्ट्र मंत्री किन गँग विविध क्षेत्रे आणि विषयांशी संबंधित आंतरराष्ट्रीय आणि प्रादेशिक परिस्थितीवर त्यांचे विचार सदस्यांसोबत सामायिक करतील. त्याच वेळी, रशियाच्या संरक्षण मंत्रालयाने सांगितले की त्यांचे परराष्ट्र मंत्री सर्गेई लावरोव भारतातील चर्चेसाठी आंतरराष्ट्रीय घडामोडी आणि स्थानिक अजेंडा मांडतील.
या परिषदेत सहभागी होण्याची संधी मिळाल्याबद्दल पाकिस्तानचे परराष्ट्र मंत्री बिलावल भुट्टो झरदारी यांनी आनंद व्यक्त केला. पाकिस्तानच्या परराष्ट्र मंत्रालयाच्या प्रवक्त्या मुमताज झहरा बलोच यांनी सांगितले की, त्यांचा सहभाग SCO चार्टर आणि परराष्ट्र धोरणाच्या प्राधान्यांप्रति पाकिस्तानची वचनबद्धता दर्शवतो.
भारताने गतवर्षी स्वीकारले SCOचे अध्यक्षपद
गेल्या वर्षी सप्टेंबरमध्ये SCO गटाचे अध्यक्षपद स्वीकारणारा भारत यंदा या बैठकीचे यजमानपद भूषवत आहे. या गटात रशिया, भारत, चीन, पाकिस्तान आणि कझाकिस्तान, किर्गिस्तान, ताजिकिस्तान आणि उझबेकिस्तान या चार मध्य आशियाई देशांचा समावेश आहे.
SCO Foreign Ministers meet in Goa from today, S# Jaishankar to meet Chinese and Russian counterparts
महत्वाच्या बातम्या
- जंतरमंतरवर कुस्तीगीरांची पोलिसांशी बाचाबाची, बेड नेण्यावरून वाद, पहिलवानांचा आरोप– मद्यधुंद पोलिसांनी मारहाण, शिवीगाळ केली
- जम्मू-काश्मीरच्या बारामुल्लामध्ये चकमकीत दोन दहशतवाद्यांचा खात्मा; AK47, पिस्तूलासह इतर दारूगोळा जप्त
- कर्नाटकात काँग्रेस उमेदवाराच्या भावाच्या घरावर प्राप्तिकर विभागाचा छापा, झाडावर आढळले एक कोटी रुपये
- अमेरिकेच्या फेडरल रिझर्व्हने सलग दहाव्यांदा वाढवले व्याजदर, 0.25 टक्के वाढ, 16 वर्षांतील सर्वोच्च