• Download App
    अमेझॉन, फ्लिपकार्टला सर्वोच्च न्यायालयाने दणका, काँपिटिशन कमिशनची चौकशी सुरुच राहणार। SC targets Amezon, Flipcart

    अमेझॉन, फ्लिपकार्टला सर्वोच्च न्यायालयाने दणका, काँपिटिशन कमिशनची चौकशी सुरुच राहणार

    विशेष प्रतिनिधी

    नवी दिल्ली – काँपिटिशन कमिशन ऑफ इंडियाने अमेझॉन व फ्लिपकार्ट या ई-कॉमर्स कंपन्यांच्या व्यवसाय पद्धतींसंदर्भात सुरु केलेल्या चौकशीला स्थगिती देण्यास सर्वोच्च न्यायालयाने नकार दिला. SC targets Amezon, Flipcart

    या चौकशीमुळे या दोन कंपन्या व सरकार यांच्यात वादंग उद्भवला होता. आपण कोणतीही चुकीची व्यापार पद्धती अवलंबली नसल्याचा या कंपन्यांचा दावा होता. आयोगाने चौकशीचा आदेश देण्यापूर्वी पुराव्यांबाबत शहानिशा केली नाही. तसेच आम्ही नेमका कोणता कायदेभंग केला हेदेखील आयोगाने दाखवून दिले नाही, असेही या कंपन्यांचे म्हणणे होते.



    मात्र सर्वोच्च न्यायालयाने त्यांचा हा दावा फेटाळून त्यांना चौकशीस सामोरे जाण्यास सांगितले. आपला कारभार पारदर्शक आहे हे दाखविण्यासाठी या बड्या कंपन्यांनी चौकशीची तयारी दाखवलीच पाहिजे. तुम्ही जर सर्व आरोप फेटाळले आहेत, तर चौकशी टाळू नका, असेही न्यायालयाने सुनावले.

    त्यांना चौकशीला सामोरे जाण्यासाठी चार आठवड्यांचा वेळ देण्यात आला आहे. या चौकशीत कमिशनतर्फे फ्लिपकार्ट ला ३२ महत्त्वाचे प्रश्न विचारण्यात आले होते. त्यात त्यांच्या प्रमुख विक्रेत्यांची यादी, किती ऑनलाइन डिस्काउंट दिले जाते त्याचा तपशील तसेच स्मार्टफोन कंपन्यांचे फोन आपल्या साइटवर विकण्यासाठी त्यांच्याबरोबर केलेले करार, यांची माहिती मागविण्यात आली होती.

    SC targets Amezon, Flipcart

    महत्त्वाच्या बातम्या

    Related posts

    Apple : अ‍ॅपलचे बाजारमूल्य पहिल्यांदाच 4 ट्रिलियन डॉलर्स पार; हे भारताच्या जीडीपीच्या बरोबर

    Siddaramaiah : सरकारी ठिकाणी RSS शाखा, बंदीच्या आदेशाला स्थगिती; कर्नाटक उच्च न्यायालयाच्या निर्णयाला सिद्धरामय्या सरकार खंडपीठात आव्हान देणार

    Delhi Police : पाकिस्तानसाठी हेरगिरी करणाऱ्याला दिल्लीतून अटक; अनेक वर्षांपासून गुप्तचर माहिती पाठवत होता