प्रतिनिधी
मुंबई : भारतात घातपाती कृत्य घडवून आणण्यासाठी टेरर फंडिंग करणारी संघटना पॉप्युलर फ्रंट ऑफ इंडिया हिच्या निशाण्यावर राष्ट्रीय स्वयंसेवक संघाचे नागपुरातील मुख्यालय रेशीमबाग आणि भाजपचे ज्येष्ठ नेते असल्याची धक्कादायक माहिती समोर आली आहे. गेल्या आठवड्यात राष्ट्रीय तपास यंत्रणेने (एनआयए) देशभरात पीएफआयच्या कार्यालयांवर कारवाई केली होती. त्यानंतर सुरू असलेल्या महाराष्ट्र दहशतवाद विरोधी पथकाच्या (एटीएस) तपासात ही माहिती पुढे आली आहे.
Rashtriya Swayamsevak Sangh headquarters targeted by PFI
तपासात धक्कादायक माहिती
याप्रकरणी महाराष्ट्र एटीएसने सुरू केलेल्या चौकशीत धक्कादायक माहिती समोर येत आहे. राष्ट्रीय स्वयंसेवक संघाचे नेते तसेच भाजपचे नेतेही पीएफआयच्या रडारवर असल्याचे उघड झाले आहे. तसेच पीएफआयच्या म्होरक्यांनी राष्ट्रीय स्वयंसेवक संघाच्या नागपूर मुख्यालयाची तपशीलवार माहिती गोळा केली होती. दसऱ्याच्या दिवशी संघ मुख्यालयात कार्यालयात कार्यक्रम होत असतो त्याचीही तपशीलवार माहिती मिळवली होती. त्याचबरोबर भाजपच्या अनेक जेष्ठ नेत्यांची माहितीही एकत्र करण्यात आली होती.
याबाबतचा आणखी तपास एटीएस पुढे तपास त्याचबरोबर अटक करण्यात आलेल्यांना आज, सोमवारी न्यायालयासमोर हजर केल्यावर त्यांच्या कोठडीत पाच दिवसांची वाढ केली आहे. त्यांच्या तपासात अनेक धक्कादायक खुलासे समोर येत आहेत. विश्व हिंदू परिषद, संबधित मोठ्या व्यक्ती याबद्दलची आणखी काही माहिती, त्यांची नावे इतर काही माहिती मिळते का?, याबाबतची चौकशी सुरू आहे.
Rashtriya Swayamsevak Sangh headquarters targeted by PFI
- महत्वाच्या बातम्या
- राजस्थान काँग्रेस मधील पेचप्रसंगात गहलोत गट – काँग्रेस पक्ष निरीक्षकांच्या परस्पर विसंगत वक्तव्यांनी भर
- अधीश बंगल्यातील अनधिकृत बांधकाम स्वत:हून पाडा; सुप्रीम कोर्टाचे नारायण राणेंना आदेश
- नवरात्रीनिमित्त महाराष्ट्रात महिला आरोग्य विशेष अभियान; ग्रामीण भागात विशेष भर
- राजस्थानात काँग्रेस नेतृत्वाची लढाई रस्त्यावर; रस्त्यावरच्या पोस्टर्सवर