Rahul Gandhi in Srinagar : काँग्रेस नेते राहुल गांधी जम्मू-काश्मीरच्या दोन दिवसांच्या दौऱ्यावर आहेत. यादरम्यान, मंगळवारी त्यांनी गंदरबल जिल्ह्यातील खिरभवानी मंदिरात जाऊन दर्शन घेतले. राज्यातून कलम 370 हटवल्यानंतर राहुल गांधींची ही पहिलीच भेट आहे. यादरम्यान श्रीनगरमध्ये राहुल गांधी म्हणाले की, जम्मू -काश्मीरशी त्यांचे जुने नाते आहे. त्याचवेळी त्यांनी केंद्रावर टीकाही केली. Rahul Gandhi in Srinagar said I have some part of Kashmiriyat in my veins too will fight to get statehood of jammu kashmir
विशेष प्रतिनिधी
श्रीनगर : काँग्रेस नेते राहुल गांधी जम्मू-काश्मीरच्या दोन दिवसांच्या दौऱ्यावर आहेत. यादरम्यान, मंगळवारी त्यांनी गंदरबल जिल्ह्यातील खिरभवानी मंदिरात जाऊन दर्शन घेतले. राज्यातून कलम 370 हटवल्यानंतर राहुल गांधींची ही पहिलीच भेट आहे. यादरम्यान श्रीनगरमध्ये राहुल गांधी म्हणाले की, जम्मू -काश्मीरशी त्यांचे जुने नाते आहे. त्याचवेळी त्यांनी केंद्रावर टीकाही केली.
राहुल गांधी म्हणाले, आमचे कुटुंब दिल्लीत राहते, त्यापूर्वी अलाहाबादमध्ये आणि त्यापूर्वी काश्मीरमध्ये राहायचे. माझाही काश्मिरियतवर विश्वास आहे. त्यांचा थोडासा भाग माझ्याही नसांमध्ये आहे.”
ते म्हणाले, “आम्ही काश्मीरचा मुद्दा वेगळ्या पद्धतीने प्रेम आणि सौहार्दाने सोडवण्याचा प्रयत्न केला, पण भाजपने सर्व चांगली कामे नष्ट केली. आम्हाला माहिती आहे की जम्मू -काश्मीरचे लोक दुखावले गेले आहेत. मला प्रेम आणि समजुतीचे नाते हवे आहे. मी तुमच्या पाठीशी उभा राहून तुम्हाला पूर्ण राज्याचा दर्जा मिळवून देण्यासाठी लढा देईन. मी जम्मू आणि लडाखलाही भेट देत आहे. ही सुरुवात आहे. मला दोन वर्षांपूर्वी विमानतळावर थांबवण्यात आले होते आणि आता मी पुन्हा पुन्हा येईन.” संसदेचा मुद्दा उपस्थित करताना ते म्हणाले, आम्हाला पेगासस, बेरोजगारी, काश्मीर, भ्रष्टाचार हा मुद्दा उपस्थित करायचा होता, पण परवानगीच देण्यात आली नाही.”
गुलाम नबी आझाद काय म्हणाले?
यावेळी राहुल गांधींसोबत काँग्रेसचे ज्येष्ठ नेते गुलाम नबी आझादही उपस्थित होते. त्यांनी 5 ऑगस्टच्या निर्णयावर केंद्रावर टीका केली. ते म्हणाले, 16,500 लोकांना तुरुंगात डांबण्यात आले; माजी मुख्यमंत्रीसुद्धा यातून सुटले नाहीत.”
ते म्हणाले, “उत्तराखंड आणि हिमाचल प्रदेश जम्मू -काश्मीरपेक्षा लहान आहेत, पण राज्ये आहेत. आमच्या जमिनीचे हक्क महाराजा हरिसिंग यांनी दिले आणि सुनिश्चित केले. बेरोजगारी शिगेला आहे आणि उद्योग कोसळले आहेत. सध्याच्या संसदेच्या अधिवेशनाला तीन दिवस शिल्लक आहेत. केंद्र पुन्हा जम्मू -काश्मीरला राज्य बनवू शकते आणि विधेयक मंजूर करू शकते. यासाठी त्यांना केवळ पाच मिनिटे लागतील.”
Rahul Gandhi in Srinagar said I have some part of Kashmiriyat in my veins too will fight to get statehood of jammu kashmir
महत्त्वाच्या बातम्या
- स्वच्छ राजकारणासाठी सुप्रीम कोर्टाचे मोठे पाऊल : राष्ट्रवादीला 5 लाखांचा, तर काँग्रेस-भाजपसह इतर पक्षांना एक लाखाचा दंड, उमदेवारांची गुन्हेगारी पार्श्वभूमी जाहीर न केल्याने दणका
- मुंबई उच्च न्यायालयाचा मोठा निर्णय : इयत्ता ११वी प्रवेशासाठीची सीईटी परीक्षा रद्द, लाखो विद्यार्थ्यांना दिलासा
- पावसाळी अधिवेशन : राज्यसभेत भाजप खासदारांच्या अनुपस्थितीबद्दल पंतप्रधानांनी व्यक्त केली नाराजी, यादी मागितली
- NRC देशभरात लागू करण्याबाबत अद्याप निर्णय नाही, गृह मंत्रालयाची संसदेत माहिती, जातनिहाय जनगणना, ओबीसी आरक्षणावरही साधकबाधक चर्चा
- अफगाणमध्ये परिस्थिती गंभीर : कंधारनंतर आता भारत आपले राजनयिक आणि कर्मचाऱ्यांना मजार-ए-शरीफमधून माघारी बोलवणार