विशेष प्रतिनिधी
नवी दिल्ली : कोरोनाच्या संभाव्य लाटेविरुध्द लढण्यासाठी केंद्र सरकारतर्फे जय्यत तयारी करण्यात येत आहे. पंतप्रधान नरेंद्र मोदी यांनी यासंदर्भात उच्चस्तरीय बैठक घेतली. देशभरात 1,500 पेक्षा जास्त आॅक्सिजन प्लॅँट उभारले जात असल्याची माहिती पंतप्रधानांनी दिली. Preparations against a possible third wave, more than 1,500 oxygen plants across the country, Prime Minister Narendra Modi’s information
पंतप्रधान म्हणाले, ऑ क्सिजन प्लॅँट पीएम केयर्स फंडमधून उभारले जात असून यामुळे देशातील 4 लाख पेक्षा जास्त ऑक्सिजन बेडला आधार मिळणार आहे. हे प्लांट लवकरात लवकर सुरु होणार असून यासाठी आवश्यक त्या उपायोजना करण्यात येणार आहे.
देशात कोरोना महामारीच्या दुसऱ्या लाटेत मोठ्या प्रमाणावर ऑक्सिजनची कमतरता भासली होती. यामुळे देशातील असंख्य लोकांना आपला जीव गमवावा लागला होता. त्यानंतर मोदी सरकारने देशातील ऑक्सिजनची उपलब्धता वाढवण्यावर मोठ्या प्रमाणावर भर दिले होते.
देशात येत्या काही दिवसांत कोरोनाची तिसरी लाट येणार असल्याची शक्यता तज्ञांकडून वर्तवली जात आहे. याच पार्श्वभूमीवर पंतप्रधान नरेंद्र मोदी यांनी या बैठकीचे आयोजन केले आहे. डेल्टा प्लस व्हेरिएंटचे रुग्ण आढळलेल्या राज्यांना कडक पाऊले उचलण्याचे निर्देश केंद्र सरकारने दिले आहे. अशावेळी देशातील औषधांचा साठा, ऑक्सिजन आणि अत्यावश्यक सामग्रींची उपलब्धता सुनिश्चित करण्यासाठी केंद्र सरकार कामाला लागल आहे.
ऑक्सिजन प्लांट चालविण्यासाठी आणि देखभाल करण्यासाठी रुग्णालयातील कर्मचाऱ्यांचे योग्य प्रशिक्षण दिले गेले पाहिजे. त्यामुळे आवश्यकतेच्या वेळी कोणत्याही प्रकारच्या अडचणींना सामोरे जावे लागणार नाही. ऑक्सिजन प्लॅँटच्या कार्यपद्धतीचा मागोवा घेण्यासाठी आयओटीसारख्या तंत्रज्ञानाचा वापर केला जावा, अशा सूचना यावेळी देण्यात आल्या.
Preparations against a possible third wave, more than 1,500 oxygen plants across the country, Prime Minister Narendra Modi’s information
महत्त्वाच्या बातम्या
- स्वदेशी मायक्रो ब्लॉगिंग साइट Koo वर राष्ट्रीय स्वयंसेवक संघाची एंट्री, यापूर्वी अनेक केंद्रीय मंत्र्यांचेही Koo वर खाते
- Oxfam Report : ऑक्सफॅमचा धक्कादायक अहवाल, जगात दर मिनिटाला 11 जणांचा उपासमारीमुळे मृत्यू
- देवेंद्र फडणवीसांच्या एका पत्रामुळे राष्ट्रवादीच्या नेत्याची गच्छंती; जाणून घ्या कोण आहेत राजकुमार ढाकणे?