PM Security Breach : पंतप्रधान नरेंद्र मोदी यांच्या सुरक्षेतील त्रुटींचा तपासासाठी सर्वोच्च न्यायालयाच्या चौकशी समितीच्या अध्यक्षा आणि माजी न्यायमूर्ती इंदू मल्होत्रा यांना धमक्या देण्यात आल्या आहेत. इंदू मल्होत्रा सर्वोच्च न्यायालयाच्या आदेशानुसार पंतप्रधानांच्या सुरक्षेतील त्रुटीप्रकरणी चौकशी समितीचे नेतृत्व करत आहेत. त्यांना शीख फॉर जस्टिसकडून धमकीचा फोन आला आहे. PM Security Breach Sikh For Justice threatens to stop PM convoy again, calls to lawyers, warns inquiry committee not to work
वृत्तसंस्था
नवी दिल्ली : पंतप्रधान नरेंद्र मोदी यांच्या सुरक्षेतील त्रुटींचा तपासासाठी सर्वोच्च न्यायालयाच्या चौकशी समितीच्या अध्यक्षा आणि माजी न्यायमूर्ती इंदू मल्होत्रा यांना धमक्या देण्यात आल्या आहेत. इंदू मल्होत्रा सर्वोच्च न्यायालयाच्या आदेशानुसार पंतप्रधानांच्या सुरक्षेतील त्रुटीप्रकरणी चौकशी समितीचे नेतृत्व करत आहेत. त्यांना शीख फॉर जस्टिसकडून धमकीचा फोन आला आहे.
SFJ च्या रेकॉर्ड केलेल्या संदेशात असे म्हटले आहे की, ज्या वकिलांनी त्यांच्या विरोधात तक्रार केली आहे, त्यांनी स्वतःला धोकादायक परिस्थितीत टाकले आहे. न्यायमूर्ती इंदू मल्होत्रा यांना चौकशी करू देणार नाही. २६ जानेवारीला मोदींना पुन्हा रोखले जाईल.
शीख फॉर जस्टिसने रोखला होता पीएम मोदींचा ताफा
यापूर्वी सर्वोच्च न्यायालयाच्या अनेक वकिलांनी दावा केला होता की, पंजाबमध्ये पंतप्रधान मोदींच्या सुरक्षेतील त्रुटींच्या सुनावणीत सहभागी असलेल्या न्यायाधीशांना त्यांना धमकीचे फोन येत आहेत. शीख फॉर जस्टिसने पंतप्रधानांच्या सुरक्षेतील त्रुटींसाठी स्वतःला जबाबदार असल्याचे म्हटले होते. त्यानंतर दिल्ली पोलिसांच्या विशेष सेलने बेकायदेशीर कृत्य प्रतिबंध कायदा (UAPA) च्या कलम 13, 16, 18 आणि 20 अंतर्गत भारतीय दंड संहितेच्या कलम 153, 153-A आणि 506 अंतर्गत एफआयआर नोंदवला होता.
सर्वोच्च न्यायालयाकडून चौकशी समिती स्थापन
पंजाबमधील पीएम मोदींच्या सुरक्षेतील त्रुटींची चौकशी करण्यासाठी सर्वोच्च न्यायालयाने नुकतीच निवृत्त न्यायाधीश न्यायमूर्ती इंदू मल्होत्रा यांच्या अध्यक्षतेखालील चौकशी समितीची घोषणा केली आहे. न्यायाधीश एन.व्ही. रमन्ना यांच्या अध्यक्षतेखालील न्यायमूर्ती सूर्यकांत आणि न्यायमूर्ती हिमा कोहली यांच्या खंडपीठाने चौकशी समितीसाठी संदर्भातील पाच अटी स्पष्ट केल्या. खंडपीठाने म्हटले होते की, “5 जानेवारी 2022 ची घटना घडून सुरक्षा नियमांचे उल्लंघन करण्याचे कारण काय होते? अशा उल्लंघनासाठी कोण आणि किती प्रमाणात जबाबदार आहेत? पंतप्रधान किंवा इतर सुरक्षा व्यक्तींच्या सुरक्षेसाठी कोणत्या आवश्यक उपाययोजना करणे आवश्यक आहे किंवा सुरक्षा उपाय काय असावेत?”
PM Security Breach Sikh For Justice threatens to stop PM convoy again, calls to lawyers, warns inquiry committee not to work
महत्त्वाच्या बातम्या
- Punjab Election Date Changed : पंजाबमध्ये निवडणुकीची तारीख बदलली, आता या दिवशी होणार मतदान
- ‘शेकाप’चे ज्येष्ठ नेते एन. डी. पाटील यांचं कोल्हापुरात निधन, वयाच्या 93व्या वर्षी घेतला अखेरचा श्वास
- OBC Reservation : ओबीसींच्या राजकीय आरक्षणाबाबत आज सर्वोच्च न्यायालयात सुनावणी, महाराष्ट्र आणि मध्य प्रदेशचे राजकारण पुन्हा तापले
- Kiran Mane Controversy : सेटवरील महिलांशी गैरवर्तनामुळे किरण मानेंची हकालपट्टी, राजकारणाचा काही संबंध नाही, चॅनलने दिले स्पष्टीकरण
- Omaicron : दुबईतून मुंबईत येणाऱ्या प्रवाशांना क्वारंटाइन राहण्याची गरज नाही , प्रवाशांना मिळाला दिलासा
