शुक्रवारी संरक्षण मंत्री राजनाथ सिंह यांनी एका कार्यक्रमाला संबोधित करताना पंतप्रधान मोदी यांची तुलना राष्ट्रपिता महात्मा गांधी यांच्याशी केली आणि त्यांचे वर्णन 24 कॅरेटचे शुद्ध सोने असे केले. राजनाथ सिंह म्हणाले की, महात्मा गांधींनंतर पंतप्रधान मोदी हे एकमेव नेते आहेत ज्यांना भारतीय समाज आणि त्याचे मानसशास्त्र यांची सखोल जाण आहे. PM Modi is 24 carat gold, says Rajnath Singh
विशेष प्रतिनिधी
नवी दिल्ली : शुक्रवारी संरक्षण मंत्री राजनाथ सिंह यांनी एका कार्यक्रमाला संबोधित करताना पंतप्रधान मोदी यांची तुलना राष्ट्रपिता महात्मा गांधी यांच्याशी केली आणि त्यांचे वर्णन 24 कॅरेटचे शुद्ध सोने असे केले. राजनाथ सिंह म्हणाले की, महात्मा गांधींनंतर पंतप्रधान मोदी हे एकमेव नेते आहेत ज्यांना भारतीय समाज आणि त्याचे मानसशास्त्र यांची सखोल जाण आहे.
थिंक टँक रामभाऊ म्हाळगी प्रबोधिनीने आयोजित केलेल्या कार्यक्रमाच्या समारोप सत्रात राजनाथ सिंह बोलत होते. पंतप्रधान मोदी यांनी दोन दशके सरकार प्रमुख म्हणून केलेल्या कामांचा आढावा हा कार्यक्रमाचा विषय होता. याच कार्यक्रमात राजनाथ सिंह म्हणाले की, भारताच्या राजकीय इतिहासात भारताचा समाज आणि त्याचे मानसशास्त्र यांचे आकलन पंतप्रधान मोदींमध्ये अतुलनीय आहे. महात्मा गांधींनंतर मोदी हे एकमेव नेते आहेत ज्यांना भारतीय समाज आणि त्याच्या मानसशास्त्राची खोलवर पकड आहे, जे ठोस आणि व्यापक वैयक्तिक अनुभवावर आधारित आहे.
यावेळी राजनाथ सिंह म्हणाले की, माझा विश्वास आहे की पंतप्रधान मोदींकडे व्यक्ती म्हणून न पाहता एक विचार आणि तत्वज्ञान म्हणून पाहिले पाहिजे. कारण प्रत्येक शतकात काही माणसे आपल्या जिद्दीने आणि ठाम विचारांनी समाज बदलण्याची नैसर्गिक शक्ती घेऊन जन्माला येतात. त्यांनी असेही म्हटले की सरकारचे प्रमुख म्हणून मोदींचा गेल्या दोन दशकांतील राजकीय प्रवास हा व्यवस्थापन शाळांमधील त्यांच्या “प्रभावी नेतृत्व आणि कार्यक्षम कारभाराचा” केस स्टडी असावा.
याशिवाय संरक्षण मंत्री राजनाथ सिंह म्हणाले की, खरा नेता त्याच्या इराद्याने आणि प्रामाणिकपणाने ओळखला जातो आणि दोन्ही बाबतीत मोदी हे 24 कॅरेट शुद्ध सोने आहेत. 20 वर्षे सरकारचे प्रमुख राहूनही त्यांच्यावर भ्रष्टाचाराचा एकही डाग लागलेला नाही. त्याचवेळी राजनाथ सिंह म्हणाले की, पंतप्रधान मोदींनी भारतीय राजकारणातील विश्वासार्हतेचे संकट दूर केले आहे.
PM Modi is 24 carat gold, says Rajnath Singh
महत्त्वाच्या बातम्या
- प्रसिद्ध कन्नड अभिनेता पुनीत राजकुमार यांच्या आकस्मित निधनानंतर पंतप्रधान मोदींनी व्यक्त केला शोक
- स्वातंत्र्यवीर सावरकरांनी सात बेड्या तोडून हिंदुत्वाला सबळ केले; रणजित सावरकर यांचे प्रतिपादन
- शिवसेनेचे चार मोहरे राष्ट्रवादीत , कोकणात झाला करेक्ट कार्यक्रम
- केंद्रीय कर्मचाऱ्यांची दिवाळी धूमधडाक्यात , ‘ या ‘ दिवशी मिळणार बोनससह DA च्या थकबाकीचे पैसे