नवीन संसद भवनाच्या उद्घाटनावर विरोधी पक्ष बहिष्कार टाकण्याची चिन्ह; TMC-CPI ने केली घोषणा

२८ मे रोजी दुपारी १२ वाजता पंतप्रधान मोदी नवीन संसद भवनाचे उद्घाटन करतील

विशेष प्रतिनिधी

नवी दिल्ली : नवीन संसद भवनाच्या उद्घाटनावरून राजकीय गदारोळ होत असताना २८ मे रोजी होणाऱ्या सोहळ्यावर अनेक विरोधी पक्ष बहिष्कार टाकू शकतात. सूत्रांनी दिलेल्या माहितीनुसार, समविचारी विरोधी पक्षांच्या नेत्यांनी या विषयावर चर्चा केली. लवकरच सभागृहातील सर्व नेते संयुक्त निवेदन जारी करू शकतात. Opposition parties will boycott the inauguration of the new parliament building

यामध्ये कार्यक्रमावर संयुक्त बहिष्कार टाकण्याची घोषणा केली जाईल. दरम्यान, तृणमूल काँग्रेस (TMC) आणि भारतीय कम्युनिस्ट पार्टी (CPI) ने उद्घाटन समारंभाला उपस्थित राहणार नसल्याचे सांगितले आहे.

त्याचवेळी, राज्यसभेतील टीएमसी नेते डेरेक ओब्रायन यांनी ट्विटरवर लिहिले की संसद ही केवळ नवीन इमारत नाही. ही प्राचीन परंपरा, मूल्ये, उदाहरणे आणि नियम असलेली स्थापना आहे. हा भारतीय लोकशाहीचा पाया आहे. पंतप्रधान मोदींना हे बहुधा समजले नाही. त्यांच्यासाठी रविवारी नवीन इमारतीचे उद्घाटन म्हणजे ‘मी, माझे आणि माझ्यासाठी’ यापेक्षा दुसरे काही नाही. त्यामुळे आम्हाला यातून बाहेरच समजा. तर, सीपीआयचे सरचिटणीस डी राजा यांनी सांगितले की, त्यांचा पक्ष या कार्यक्रमाला उपस्थित राहणार नाही.

बहुसंख्य पक्षांचा विचार आहे की एकजूट करून समारंभावर बहिष्कार टाकावा, अशी माहिती समोर येत आहे. मात्र, याबाबतचा अंतिम निर्णय आज होणार आहे. पंतप्रधान नरेंद्र मोदी यांच्या हस्ते नव्या संसद भवनाच्या उद्घाटनावर विरोधी पक्षांनी आक्षेप घेतला आहे. राष्ट्रपती द्रौपदी मुर्मू यांनी उद्घाटन करावे, असे त्यांचे म्हणणे आहे.

Opposition parties will boycott the inauguration of the new parliament building

महत्वाच्या बातम्या 

• बँकांमधून आजपासून 2000 च्या नोटा मिळणार बदलून, पण धावपळीची गरज नाही; रिझर्व्ह बँकेच्या गव्हर्नरांचा निर्वाळा
• 2000 ची आणण्याच्या बाजूने नव्हते मोदी, साठेबाजीचा सांगितला होता धोका, इच्छा नसूनही द्यावी लागली होती परवानगी
• मुख्यमंत्री हिमंता यांचा दावा, आसाममधून यावर्षी ‘AFSPA’ हटवण्यात येईल
• थोरला नाही, धाकटा नाही, भाऊबंदकी चालणार नाही; महाविकास आघाडीत काँग्रेसचा नवा मेरिट फॉर्म्युला!!