विशेष प्रतिनिधी
नवी दिल्ली : संसदेत विरोधी पक्षाच्या खासदारांना बोलू दिले जात नसल्याचा आरोप करत वंदना चव्हाण यांच्यासह राज्यसभेच्या तीन सभापती तालिकेवरील खासदारांनी सभापतीपदाचे कामकाज करण्यास नकार दिला आहे.संसदेच्या पावसाळी अधिवेशनादरम्यान विरोधी पक्षाच्या खासदारांकडून दररोज गोंधळ घातला जात होता.Opposition MPs refuse to go to Rajya Sabha chair, Vandana Chavan and three others refuse to accept Speaker’s post
विरोधी खासदारांनी सभागृहाच्या वेलमध्ये (सभापतींसमोरील मोकळी) घुसत घोषणाबाजी केली होती. राज्यसभेत पेगासस हेरगिरी, कृषि कायदे आणि इंधन दरवाढीवर फलक फडकावित घोषणाबाजी केली होती.या पार्श्वभूमीवर वंदना चव्हाण आणि त्यांच्या दोन सहकारी खासदारांनी याचा निषेध करण्यासाठी सभागृहाचे सभापती होण्यास नकार दिला आहे.
राज्यसभेचे सभापती किंवा उपसभापती आणि लोकसभा अध्यक्ष यांच्या अनुपस्थितीत संसदेच्या दोन्ही सभागृहांमध्ये 12 पीठासीन अधिकारी असतात. त्यामध्ये वंदना चव्हाण, कॉँग्रेसचे खासदार एल हनुमंथैया आणि तृणमूल काँग्रेसचे (टीएमसी) सुखेंदू शेखर रे यांचाही समावेश आहे. मात्र, त्यांनी आता पीठासीन अधिकारी होण्यास नकार दिला आहे.
वंदना चव्हाण म्हणाल्या की राज्यसभेत गोंधळ सुरू असताना मी काम करणे नैतिकदृष्टया योग्य नाही. तीनही पीठासीन अधिकाऱ्यांनी उपसभापती हरिवंश यांची भेट घेऊन त्यांच्यापुढे आपली भूमिका मांडली. उपसभापतींनी आमची बाजू समजावून घेतली असून लवकरच परिस्थिती सुधारेल असा विश्वास केल्याचे चव्हाण यांनी सांगितले.संसदेचे पावसाळी अधिवेशन बुधवारी वेळेपूर्वीच तहकूब करण्यात आले आहे. संसदेत या अधिवेशनादरम्यान विरोधकांनी सतत गोंधळ घातल्याने कामकाज होऊ शकले नाही.
पीठासीन अधिकारी असलेले बिजू जनता दलाचे भर्तृहरी महताब म्हणाले की, या तीन नेत्यांचा निर्णय योग्यच आहे. सभापतींच्या अनुपस्थित सभागृह चालविण्याची जबाबदारी त्यांच्यावर आहे. मात्र, सरकारकडून अनेक गोष्टींवर चर्चा होत नसल्याने खासदार निषेध करत आहेत. त्यामुळे या परिस्थितीत त्यांच्यावर सभागृह चालविण्याची सक्ती करता येणार नाही.
Opposition MPs refuse to go to Rajya Sabha chair, Vandana Chavan and three others refuse to accept Speaker’s post
महत्त्वाच्या बातम्या
- अमेरिकेचे अध्यक्ष ज्यो बायडेन यांचा बैल गेला आणि झोपा केला, तालीबान्यांनी अफगणिस्थानवर ताबा मिळविल्यावर आता आणखी पाच हजार सैनिक पाठविणार
- विजय मल्ल्याच्या किंगफिशर हाऊसचा अखेर लिलाव, हैदराबादच्या ‘सॅटर्न रियल्टर्स’कडून ५२.२५ कोटीत खरेदी
- गोवा राष्ट्रवादी कॉँग्रेसच्या प्रदेशाध्यक्षांनी विरोधासाठी आगीत ओतले तेल, मात्र स्थानिकांनी नौदलासोबत उत्साहाने केले झेंडावंदन
- दिल्लीच्या सर्व सरकारी शाळांमध्ये आता देशभक्तीपर अभ्यासक्रम, मुख्यमंत्री केजरीवाल