विशेष प्रतिनिधी
नवी दिल्ली : देशात विशिष्ट अजेंडा डोक्यात ठेवून हेट मोदी कॅम्पेन चालवणारे NewsClick वेब पोर्टल आणि त्याचा मालक नेव्हिल रॉय सिंघम हे चिनी कम्युनिस्ट पक्षाच्या (CPC) हातातले हत्यार आहे. त्याचा धोका केवळ भारतालाच नाही, तर तो अमेरिकेसारख्या लोकशाहीला देखील आहे, अशी कबुली आणि इशारा एरवी मोदी विरोधात असलेल्या न्यूयॉर्क टाइम्सने दिला आहे. NYT probe unearths links between Chinese propaganda in India
NewsClick धोकादायक आणि देशवेधहिता विरोधात असल्याचे भारतीयांना माहिती होतेच पण त्याची कबुली मात्र NewsClick किंवा पाश्चात्य प्रसार माध्यमे देत नव्हती. पण आता जेव्हा अमेरिकेतल्या इकोसिस्टीमला NewsClick आणि नेव्हिल राय सिंघम यांच्यापासून धोका उत्पन्न झाला आहे, त्यावेळी मात्र न्यूयॉर्क टाइम्ससारख्या प्रखर मोदी विरोधी माध्यमांनी देखील NewsClick च्या धोक्याविषयी कबुली देऊन अमेरिका आणि भारताला इशारा दिला आहे.
चीन मधून मनी लॉन्ड्रीग
2018 ते 2021 दरम्यान चिनी कम्युनिस्ट पार्टीने न्यूज क्लिकला 38 कोटी रुपये दिले त्यापैकी 9.59 कोटी रुपये मनी लॉन्ड्रीग द्वारे आले. न्यूज क्लिक कंपनीने मार्क्सवादी कम्युनिस्ट पक्षाच्या आयटी सेलच्या मेंबरला 52 लाख रुपये दिले. या सगळ्या फंडिंग मध्ये नेव्हिल रॉय सिंघम हा पॉईंट मॅन होता. त्याची चिनी कम्युनिस्ट पक्षाशी हातमिळवणी आहे, याचा स्पष्ट खुलासा ईडीच्या चौकशी आणि तपासात झालाच होता. ती केस आजही सुरू आहे .आता फक्त त्याची कबुली न्यूयॉर्क टाइम्सने दिली आहे, जी आत्तापर्यंत न्यूयॉर्क टाइम्स कधी देत नव्हता.
– या संदर्भात केंद्रीय मंत्री अनुराग ठाकूर यांनी एक सविस्तर ट्विट केले आहे.
– ते ट्विट असे :
अनुराग ठाकूर @ianuragthakur अगदी ‘न्यूयॉर्क टाईम्स’ सारखी वर्तमानपत्रेही आता हे मान्य करत आहेत, की नेव्हिल रॉय सिंघम आणि त्यांचे न्यूजक्लिक हे चीनच्या कम्युनिस्ट पार्टीचे (CPC) धोकादायक साधन आहे आणि जगभरात चीनच्या राजकीय अजेंडाचा प्रचार करत आहेत.
पण NYT च्या खूप आधी, भारत संपूर्ण जगाला हेच ओरडून सांगतोय की NewsClick हे चिनी प्रचाराचे धोकादायक जागतिक वेब माध्यम आहे. समविचारी शक्तींच्या पाठिंब्याने, नेव्हिल हा संशयास्पद भारतविरोधी अजेंडा पुढे नेत आहे. 2021 मध्ये, जेव्हा भारताच्या कायद्याची अंमलबजावणी करणार्‍या एजन्सींनी मनी लाँड्रिंगच्या भक्कम पुराव्याच्या आधारे NewsClick विरुद्ध चौकशी सुरू केली, तेव्हा काँग्रेस आणि डावी लिबरल यांची सगळी इकोसिस्टम त्याचा बचाव करण्यासाठी पुढे आली होती.
काँग्रेसने नेव्हिल आणि न्यूजक्लिकचा बचाव करणे स्वाभाविक आहे कारण त्यांच्या नेतृत्वासाठी राष्ट्रीय हित कधीच महत्त्वाचे नसते. याच काँग्रेस पक्षाने 2008 साली भारतातील चिनी हितसंबंधांना प्रोत्साहन देण्यासाठी CPC सोबत सामंजस्य करार केला आणि चिनी दूतावासाकडून राजीव गांधी फाउंडेशन (RGF) साठी कथितपणे देणग्या स्वीकारल्या आहेत ना!!
“यूपीए” हजार वेळा नाव बदलून “इंडिया” शकते. पण या “घमंडिया” गठबंधनाच्या हातात देश सुरक्षित राहणार नाही याची पक्की जाणीव भारतीय जनतेला आहे!!
NYT probe unearths links between Chinese propaganda in India
महत्वाच्या बातम्या
- अखेर ठरलं!! दोन धनकुबेर भिडणार; मस्क आणि झुकेरबर्ग यांच्यातील केज फाइट X वर प्रक्षेपित होणार
- टोमण्यांचे हिंदुत्व शेंडी जानव्यापलिकडे गेले, ब्रिगेडच्या कुशीत जाऊन “हिजाब”मध्ये शिरले; पण नेमाडेंवर मूग गिळून गप्प बसले!!
- Delhi Services Bill 2023 : अमित शाह आज राज्यसभेत सादर करणार ‘दिल्ली सेवा बिल-2023’
- जोधपूरच्या अरबाज मोहम्मद अफजलचे पाकिस्तानातल्या अमीनाशी ऑनलाईन निकाह!!