विशेष प्रतिनिधी
लखनऊ : पुढच्या पाच वर्षांत उत्तर प्रदेशचे रस्ते अमेरिकेच्या रस्त्यांसारखे बनवले जातील. माझे बोलणे काळ्या दगडावरची रेष आहे, असा विश्वास केंद्रीय रस्ते वाहतूक आणि महामार्ग मंत्री नितीन गडकरी यांनी व्यक्त केला.Nitin Gadkari believes his words are a line on a black stone to make roads in Uttar Pradesh like America
नितीन गडकरी आणि मुख्यमंत्री योगी आदित्यनाथ यांनी सोमवारी जौनपूरमध्ये एकूण १,१२३ कोटी रुपयांच्या तीन राष्ट्रीय महामार्ग प्रकल्पांची पायाभरणी केली. नितीन गडकरी यांनी सोमवारी जौनपूर जिल्ह्यातील मच्छलीशहर येथील फौजदार इंटर कॉलेजमध्ये लोकांना संबोधित करताना म्हणाले, माझा शब्द म्हणजे काळ्या दगडावरची रेघ आहे. येत्या पाच वर्षांत उत्तर प्रदेशचे रस्ते युरोपीयन नाही तर अमेरिकेसारखे होतील.
- विंग कमांडर पृथ्वीसिंग चौहान यांच्या नावाने उत्तर प्रदेशात इन्स्टिट्यूशन; योगी आदित्यनाथ यांची घोषणा
गडकरी म्हणाले, मी शेतकरी आहे. मी माझे आयुष्य शेतकºयांसाठी समर्पित केले आहे. माझ्या परिसरात दहा हजार शेतकऱ्यांनी आत्महत्या केल्या असून ही परिस्थिती बदलण्याचा मी निर्धार केला आहे. मी २००७ पासून म्हणत होतो की, आपल्या शेतकऱ्यांनी ऊर्जा पुरवठादार बनले पाहिजे, आज उत्तर प्रदेशचा शेतकरी साखर कारखान्यांमध्ये इथेनॉल तयार करत आहेत.
नितीन गडकरी म्हणाले की, आज मी घोषणा करतो की, येत्या तीन महिन्यांनंतर टोयोटा, सुझुकी, ह्युंदाई, मर्सिडीज आणि बीएमडब्ल्यू या सर्व गाड्या फ्लेक्स इंजिन बनवतील. फ्लेक्स इंजिन म्हणजे १०० टक्के पेट्रोल टाका किंवा १०० टक्के इथेनॉल टाकून वाहने धावतील. आता आमची वाहने पेट्रोलपासून नव्हे तर उत्तर प्रदेशातील शेतकºयांनी तयार केलेल्या बायो-इथेनॉलपासून चालतील. आता शेतकरी अन्नदाता नसून ऊजार्दाता होणार आहे.
माझ्याकडे असे मंत्रालय आहे, जिथे पैशांची कमतरता नाही, असे सांगून गडकरी म्हणाले, राज्ये मागताना थकतील, पण देताना आपण थकणार नाही. तुम्ही पुन्हा एकदा उत्तर प्रदेशमध्ये भाजपाचे सरकार बनवा, येत्या पाच वर्षांत मी उत्तर प्रदेशात ५ लाख कोटींची कामे करून दाखवेन. मी त्या नेत्यांपैकी नाही जे पोकळ आश्वासनं देतात. गेल्या वर्षात जे मी बोललो ती सर्व कामे पूर्ण केलीत.
Nitin Gadkari believes his words are a line on a black stone to make roads in Uttar Pradesh like America
महत्त्वाच्या बातम्या
- पुणे महापालिकेतही बेकायदा पदोन्नती ,निवृत्त न्यायाधीशांमार्फत चौकशी, राजस्थानातून मिळविल्या बोगस पदविका
- टीइटी परीक्षा गैरव्यवहार प्रकरणी राज्य परीक्षा परिषदेचे आयुक्त तुकाराम सुपे निलंबित
- अफगाणिस्तान : काबुलवरून खास विमान दिल्लीला उतरले ; भरताद्वारे ११० जणांची अफगाणिस्तानातून सुटका
- संतोष परब यांच्यावर हल्ला करणारे चार हल्लेखोर पोलिसांच्या ताब्यात ; हल्ल्याची दिली कबुली
- Indian Army high Level Meeting : सीडीएस रावत अपघात सैन्याच्या 7 कमांडरांची दिल्लीत मोठी बैठक