प्रतिनिधी
वॉशिंग्टन – अमेरिकेच्या नौदलाकडून भारतीय नौदलाला दोन एमएच-६० आर सीहॉक हेलिकॉप्टर आणि एक पी-८ पोसेडॉन हे गस्ती विमान मिळणार आहे. हे एकूण दहावे पोसेडॉन विमान असेल. भारतीय नौदलाने लॉकहिड मार्टिन कंपनीकडून दोन अब्ज ४० कोटी डॉलर किमतीला एकूण २४ एमएच-६० आर हेलिकॉप्टर खरेदी करण्याचा करार केला आहे. Nave gets new war planes
गेल्याच आठवड्यात अमेरिकेच्या नौदलाकडून भारतीय नौदलाकडे ही हेलिकॉप्टर आणि विमाने हस्तांतरीत करण्याचा कार्यक्रम सॅनडिएगो येथे झाला होता. ही दोन्ही हेलिकॉप्टर आणि विमान गोव्यात तैनात असतील. एमएच-६० आर सीहॉक हे बहुउद्देशीय आणि सर्व प्रकारच्या वातावरणात उपयुक्त ठरणारे हेलिकॉप्टर आहे. अत्याधुनिक तंत्रज्ञान असलेले हे हेलिकॉप्टर अनेक प्रकारच्या मोहिमांमध्ये नौदलाला साथ देऊ शकते. भारतात आणल्यानंतरही त्यामध्ये काही सुधारणा केली जाणार आहे. या हेलिकॉप्टरसाठीच्या वैमानिकांची पहिली तुकडी सध्या अमेरिकेत प्रशिक्षण घेत आहे.
पी-८ पोसेडॉन विमान देऊनही अमेरिकेने भारताबरोबरील आपले संरक्षण संबंध अधिक मजबूत केले आहेत. हे गस्ती विमान वापरणारा भारत हा अमेरिकेनंतरचा केवळ दुसराच देश आहे.
Nave gets new war planes
महत्त्वाच्या बातम्या
- केंद्रीय कर्मचाऱ्यांना मोदी सरकारचे गिफ्ट, DA 11% वाढून 28% केला, जाणून घ्या सॅलरी आणि पेन्शनमध्ये किती होणार वाढ
- फादर स्टॅन स्वामींना पद्म पुरस्कार देण्यात यावा, काँग्रेसचे मंत्री नितीन राऊत यांचे ट्वीट
- Patanjali Research Trust : बाबा रामदेवांच्या पतंजली रिसर्च फाउंडेशनला दान दिल्यास टॅक्समध्ये मिळेल पाच वर्षांसाठी सूट
- गोव्यातही 300 युनिट मोफत वीज देणार केजरीवाल, सत्ता आल्यास जुने वीजबिल माफ करण्याचे आश्वासन
- Maha Electric Vehicle Policy : महाराष्ट्रात विद्युत वाहन धोरण जाहीर, काय आहेत तरतुदी, वाचा सविस्तर