वृत्तसंस्था
नवी दिल्ली : राजधानी दिल्ली आणि श्रीनगरला हादरवण्याचा दहशतवाद्यांचा मोठा कट फसला आहे. आज पूर्व दिल्लीतील गाझीपूरच्या फूल मार्केटमध्ये एका बेवारस पिशवीतून एक आयईडी सापडला. त्यानंतर लगेचच दिल्ली पोलिसांनी बॉम्ब निकामी करणारे पथक फूल मंडीत पाठवले. या घटनेनंतर दिल्ली पोलिसांच्या स्पेशल सेलने स्फोटक कायद्याच्या तरतुदीनुसार गुन्हा दाखल केला आहे. त्याचवेळी श्रीनगरमध्येही ग्रेनेड जप्त करण्यात आले आहे.National Security Guard (NSG) carries out a controlled explosion of the IED found at East Delhi’s Ghazipur Flower Market
सकाळी 10.20 वाजता मिळाली बॉम्बची माहिती
बेवारस बॅगेत आयईडी मिळाल्यानंतर वरिष्ठ पोलिस अधिकाऱ्यांसह एनएसजीही घटनास्थळी पोहोचले. दिल्ली पोलिसांनी सांगितले की, सकाळी 10.20 वाजता पीसीआर कॉल आला होता. यानंतर खबरदारी म्हणून सर्व SOP चे पालन करण्यात आले. पोलिसांनी तत्काळ अग्निशमन दल, बॉम्बशोधक पथक आणि एनएसजीला माहिती दिली.
8 फूट खोल खड्ड्यात पुरला आयईडी
यानंतर बॉम्बशोधक पथकाने हा आयईडी भाजी मंडईच्या आतील मोकळ्या मैदानात 8 फूट खोल खड्ड्यात पुरला. यावेळी स्फोटाचा आवाजही ऐकू आला, मात्र जीवित व वित्तहानी झाल्याचे वृत्त नाही. एनएसजीच्या पथकाने ज्या ठिकाणी ही कारवाई केली त्या ठिकाणची संपूर्ण नाकाबंदी करण्यात आली होती.
श्रीनगर शहरातील ख्वाजा बाजार येथेही ग्रेनेड सापडले
त्याच वेळी, श्रीनगरमध्ये, शहरातील ख्वाजा बाजार चौकात एका संशयास्पद पिशवीत गुंडाळलेल्या कुकरमध्ये बॉम्ब शोधक पथकाने ग्रेनेड निकामी केले. यादरम्यान वाहतूकही बंद ठेवण्यात आली होती, जी नंतर पूर्ववत करण्यात आली. मात्र, ही बॅग कुठून आली, त्याचा तपास सुरू आहे.
National Security Guard (NSG) carries out a controlled explosion of the IED found at East Delhi’s Ghazipur Flower Market
महत्त्वाच्या बातम्या
- Corona Update : कोरोनाच्या नवीन रुग्णांमध्ये ६.७ टक्क्यांनी वाढ, गेल्या २४ तासांत २ लाख ६४ हजारांहून अधिक रुग्णांची नोंद
- मुख्यमंत्र्यांच्या तब्येतीची आम्हाला काळजी, तब्येत बरी व्हावी ही इच्छा : चंद्रकांत पाटील; तूर्त पदभार दुसऱ्याकडे देण्याचा सल्ला
- टॉप-३ आईटी कंपन्या नफ्यात; १८ हजार कोटी रुपयांचा फायदा; ५० हजार जणांना नोकऱ्या
- महिलांच्या आशिया करंडक हॉकी स्पर्धेसाठी भारताच्या 18 खेळाडूंच्या संघाची निवड , सविता पूनियाची कर्णधारपदी नियुक्ती