म्यानमारच्या एका न्यायालयाने दिग्गज नेत्या आंग सान स्यू की यांना लष्कराविरुद्ध असंतोष भडकावल्याप्रकरणी आणि कोविड नियमांचे उल्लंघन केल्याप्रकरणी चार वर्षांच्या तुरुंगवासाची शिक्षा सुनावली आहे. तत्पूर्वी, न्यायालय मंगळवारी निकाल सुनावणार होते. परंतु अतिरिक्त साक्षीदाराला साक्ष देण्याची परवानगी मिळाल्याने न्यायालयीन कामकाज तहकूब करण्यात आले. Myanmar’s ousted leader Aung San Suu Kyi sentenced to 4 years in prison reports
वृत्तसंस्था
नवी दिल्ली : म्यानमारच्या एका न्यायालयाने दिग्गज नेत्या आंग सान स्यू की यांना लष्कराविरुद्ध असंतोष भडकावल्याप्रकरणी आणि कोविड नियमांचे उल्लंघन केल्याप्रकरणी चार वर्षांच्या तुरुंगवासाची शिक्षा सुनावली आहे. तत्पूर्वी, न्यायालय मंगळवारी निकाल सुनावणार होते. परंतु अतिरिक्त साक्षीदाराला साक्ष देण्याची परवानगी मिळाल्याने न्यायालयीन कामकाज तहकूब करण्यात आले.
नोबेल पारितोषिक विजेत्या 76 वर्षीय आंग सान स्यू की यांच्यावरही भ्रष्टाचारासह इतर अनेक आरोपांवर खटला सुरू आहे. आज त्यांना लष्कराविरुद्ध असंतोष भडकवल्याबद्दल आणि कोविड नियमांचे उल्लंघन केल्याबद्दल शिक्षा सुनावण्यात आली आहे.
लष्कराने सत्ता उलथवली
स्यू की यांच्यावरील खटल्यांमध्ये त्यांची बदनामी करण्याचा आणि त्यांना पुढील निवडणूक लढवण्यापासून रोखण्याचे षड्यंत्र म्हणून पाहिले जाते. म्यानमानची राज्यघटना तुरुंगात शिक्षा भोगल्यानंतर कोणत्याही व्यक्तीस उच्च पदावर बसण्यास किंवा खासदार-आमदार बनण्यास मनाई करते. नोव्हेंबरमध्ये झालेल्या म्यानमारच्या निवडणुकीत स्यू की यांच्या पक्षाने एकतर्फी विजय मिळवला होता, तर लष्कराशी संलग्न असलेल्या पक्षाला अनेक जागांवर पराभवाला सामोरे जावे लागले होते. त्यानंतर सैन्याने मतदानात हेराफेरीचा आरोप केला, परंतु स्वतंत्र निवडणूक निरीक्षकांना तपासात कोणतीही मोठी अनियमितता आढळली नव्हती. यानंतर लष्कराने बंड करत लोकनिर्वाचित सत्ता उलथवून सत्तेची सूत्रे आपल्या हाती घेतली.
सुरक्षा दलांच्या कारवाईत 1300 नागरिकांचा मृत्यू
स्यू की यांची लोकप्रियता कायम आहे आणि लोक अजूनही त्यांना लष्करी राजवटीविरुद्धच्या संघर्षाचे प्रतीक मानतात. लष्कराने सत्ता काबीज केल्याच्या विरोधात देशव्यापी निदर्शने झाली आणि सुरक्षा दलांनी ती निर्दयीपणे चिरडली. आकडेवारी दर्शवते की, सुरक्षा दलांच्या कारवाईत सुमारे 1300 नागरिक मरण पावले.
Myanmar’s ousted leader Aung San Suu Kyi sentenced to 4 years in prison reports
महत्त्वाच्या बातम्या
- ….तर रिपब्लिकन पक्ष राज्य सरकार विरोधात उतरून आंदोलन करेल ; रामदास आठवले यांनी राज्य सरकारला दिला इशारा
- शिवसेना उत्तर प्रदेशात काँग्रेसला “बूस्टर डोस” देणार; मराठी माध्यमांच्या बातम्यांमधून दावे!!
- DR.BABASAHEB AMBEDKAR : महामानवाच्या अस्थी मराठवाड्यात !औरंगाबादच्या भाऊसाहेब मोरे कुटुंबियांकडे ‘भीम’ वारसा …
- बीडचा सुपुत्र अविनाश आंधळेला वीरमरण ; आज दुपारी पार्थिवर शासकीय इतमामात अंत्यसंस्कार केले जाणार