वृत्तसंस्था
नवी दिल्ली : भारताचा महत्त्वाकांक्षी अंतराळ प्रकल्प मिशन चंद्रयान 3 यशस्वी झाले आहे. चांद्रयान तीन अवकाशात स्थिरावून चंद्राच्या दक्षिण ध्रुवाकडे मार्गक्रमणा करत आहे. भारतीय शास्त्रज्ञांनी आपल्या अथक प्रयत्नातून ही मोहीम यशस्वी केल्याबद्दल पंतप्रधान नरेंद्र मोदी यांनी फ्रान्सची राजधानी पॅरिस मधून शास्त्रज्ञांचे अभिनंदन केले आहे. अवघ्या जगाचे लक्ष लागून असलेल्या भारताच्या ऐतिहासिक चांद्रयान मोहिमेनं पहिला टप्पा यशस्वी पार केला आहे. इस्त्रोच्या महत्वाकांक्षी तिसरं चांद्रयान-3 मिशन लॉन्च झालं आहे. . यशस्वीपणे चांद्रयान हे अंतराळात स्थिरावलं आहे.Mission Chandrayaan 3 successful!!; PM Modi congratulated the scientists from France!!
आंध्र प्रदेशातील श्रीहरीकोटा येथील सतीश धवन अंतराळ केंद्रातून चांद्रयान-3 ने आज दुपारी 2 वाजून 35 मिनिटांनी यशस्वी उड्डाण केलं. गेल्या चार वर्षांमध्ये जवळपास 615 कोटी रुपयांचा खर्च करुन चांद्रयान – 3 विकसित करण्यात आलं. आज अखेर हे अंतराळयान अवकाशात झेपावलं आहे. चांद्रयान 3 ऑगस्टमध्ये लँड करेल आणि त्याचा लँडर आणि रोव्हर चंद्राच्या एक दिवसा इतके काम करणार आहे. चंद्राचा एक दिवस म्हणजे पृथ्वीचे 14 दिवस. लँडर आणि रोव्हर केवळ चंद्रावरील एका दिवसासाठी काम करण्यासाठी डिझाइन केलेले आहेत, कारण ते रात्रीच्या अति थंडीचा सामना करू शकत नाहीत. त्यामुळे, त्यांना पहाटेच उतरावं लागतं.
चांद्रयान-3 च्या लँडर, रोव्हर आणि प्रोपल्शन मॉड्युलमध्ये एकूण सहा पेलोड्स जात आहेत. चांद्रयान-3 मध्ये ऑर्बिटर पाठवले जाणार नाहीत. या वेळी त्यासोबत स्वदेशी प्रोपल्शन मॉड्युल पाठवले जात आहे. ते लँडर आणि रोव्हरला चंद्राच्या कक्षेत घेऊन जाईल. यानंतर ते चंद्राभोवती 100 किलोमीटरच्या वर्तुळाकार कक्षेत फिरत राहील. त्याचे वजन 2145.01 किलोग्रॅम असेल, त्यापैकी 1696.39 किलो इंधन असेल. म्हणजेच, मॉड्युलचं वास्तविक वजन 448.62 किलो आहे.
इस्रोने 23-24 ऑगस्ट रोजी चंद्राच्या पृष्ठभागावर लँडिंगची योजना आखली आहे, परंतु तेथील सूर्योदयानुसार त्यात बदल होऊ शकतो. परंतु तेथील सूर्योदयानुसार त्यात बदल होऊ शकतो. चंद्राच्या पृष्ठभागाचं विश्लेषण करणं हे चांद्रयान -3 चं प्रमुख उद्दिष्ट आहे. यासोबतच भारताच्या या मोहिमेमुळे चंद्र मोहिमांसाठी आवश्यक असलेलं नवीन तंत्रज्ञान शोधण्यासाठीही मदत होईल. चांद्रयान -3 मोहिम यशस्वी झाल्यास चंद्रावर यान उतरवणारा भारत हा चौथा देश ठरेल.
Mission Chandrayaan 3 successful!!; PM Modi congratulated the scientists from France!!
महत्वाच्या बातम्या
- आसामचे मुख्यमंत्री म्हणाले- एकापेक्षा जास्त लग्नांवर बंदी घालणार, पुढील अधिवेशनात विधेयक आणणार
- महाराष्ट्राचा शैक्षणिक दर्जा घसरल्याची पवारांना चिंता; मुख्यमंत्री आणि दोन उपमुख्यमंत्र्यांना लिहिले एक पत्र!!
- ’मुख्यमंत्री सौर कृषी वाहिनी योजना 2.0’ ही राज्यासाठी महत्वाकांक्षी योजना – उपमुख्यमंत्री फडणवीस
- ‘’देवेंद्र फडणवीस यांना कलंक म्हणता, पण त्याच फडणवीसांनी…’’ मुख्यमंत्री शिंदेंचा उद्धव ठाकरेंवर निशाणा!