विशेष प्रतिनिधी
पाटणा : आरजेडी सुप्रीमो लालू प्रसाद यादव यांचा मोठा मुलगा तेज प्रताप यादव आता आणखी एका व्यवसायात हात आजमावणार आहे. यावेळी लालूंचे नाव ते हाॅटेल व्यवसायाशी जोडणार आहेत. त्याची सुरुवात कदाचित मुंबईपासून केली जाईल. ‘Lalu Ki Rasoi’ begins now Tej Pratap Yadav will open restaurants in many cities
आता तेज प्रताप यांनी देशातील अनेक शहरांमध्ये रेस्टॉरंट उघडण्याची योजना आखली असून या रेस्टॉरंटचे नाव लालू की रसोई असेल. याआधी तेज प्रताप यांनी एलआर अगरबत्तीच्या नावाने एक शोरूम उघडला होता, जिथे अनेक प्रकारच्या अगरबत्ती बाजारात आणल्या गेल्या होत्या. यानंतर तेज प्रताप यांनी काही दिवसांपूर्वी एलआर राइस अँड मल्टीग्रेन नावाने तांदळाचा व्यवसाय सुरू केला. ते शेतकऱ्यांकडून तांदूळ घेऊन बाजारात विकत.
तेज प्रताप यांनी सांगितले की, ‘लालू की रसोई’ची खासियत म्हणजे यावेळी सुरू केलेल्या व्यवसायाला वडील लालू यादव यांचे नाव दिले आहे. म्हणजेच देशातील अनेक शहरांमध्ये लालूंचे स्वयंपाकघर सुरू होणार आहे.
दुसरीकडे जेव्हा तेज प्रताप यांना या स्वयंपाकघराच्या वैशिष्ट्याबद्दल विचारण्यात आले तेव्हा ते म्हणाले की, येथे खाल्ल्यानंतर तुम्हाला गावाची आठवण येईल. माहिती देताना तेज प्रताप म्हणाले की, त्याची सुरुवात कदाचित मुंबईपासून केली जाईल.
तेज प्रताप यांनी सांगितले की, लालूंचे स्वयंपाकघर पूर्णपणे स्वदेशी आणि ग्रामीण असेल. ते बनवताना बैलगाडी, कृत्रिम गाई, खाट, पेंढा अशा साहित्याने नवा लूक दिला जाणार आहे. जेणेकरुन संध्याकाळच्या वेळी येथे जेवायला कुटुंब आले की गावाची आठवण येईल.
‘Lalu Ki Rasoi’ begins now Tej Pratap Yadav will open restaurants in many cities
महत्त्वाच्या बातम्या
- उदयनराजेंनंतर हर्षवर्धन पाटील, कट्टर वैऱ्यांना भेटू लागले अजित पवार
- समानता, अखंडता आणि सार्वजनिक सुव्यवस्थेला बाधा पोहोचविणाऱ्या कपड्यांना कर्नाटकातील शाळा- कॉलेजांमध्ये बंदी, हिजाबवरील वादानंतर सरकारचा निर्णय
- किरीट सोमय्या यांना रुग्णालयातून डिस्चार्ज
- पंजाबमध्ये काँग्रेसचा मुख्यमंत्रिपदाचा चेहरा चरणजीत चन्नी, राहुल गांधींची लुधियानात घोषणा; नवज्योत सिद्धूंना जबर धक्का