वृत्तसंस्था
वॉशिंग्टन : खलिस्तानी समर्थकांनी दिल्लीच्या प्रगती मैदानातील तिरंगा झेंडा उतरवून खलिस्तानी झेंडा लावण्याची धमकी दिली आहे. ही धमकी एका ऑडिओ क्लिपद्वारे देण्यात आली असून ती क्लिप व्हायरल झाली आहे. ज्यामध्ये खलिस्तानी समर्थकांनी प्रगती मैदान ताब्यात घेऊन भारतीय ध्वज खाली उतरवणार असल्याचे म्हटले आहे.Khalistani supporters threaten the government, Pragati flag will be planted in the field, protests at the Indian embassy in America; Journalist beaten
या ऑडिओ संदेशात पंतप्रधान नरेंद्र मोदी आणि गृहमंत्री अमित शहा यांच्याबद्दल आक्षेपार्ह शब्द वापरण्यात आले आहेत. मीडिया रिपोर्ट्सनुसार, त्यांनी खलिस्तानी समर्थक अमृतपाल सिंगचाही उल्लेख केला आहे. तक्रारीच्या आधारे दिल्ली पोलिसांनी गुन्हा दाखल केला आहे.
अमेरिकेतील भारतीय दूतावासाबाहेर निदर्शने
त्याचवेळी अमेरिकेतील वॉशिंग्टन डीसी येथील भारतीय दूतावासाबाहेर खलिस्तानींनी निदर्शने केली. त्यांनी भारताचे राजदूत तरनजीत सिंग संधू यांना धमकी दिली. भारताला दहशतवादी मुत्सद्देगिरीचा चेहरा म्हटले. शनिवारी वॉशिंग्टन डीसी दूतावासाबाहेर आंदोलकांनी एका भारतीय पत्रकारालादेखील मारहाण केली.
एका प्रवाशाला धमकीचा मेसेज आला
पोलिसांनी दिलेल्या माहितीनुसार, प्रवाशाने आपण वकील असल्याचे सांगितले. तो मुंबईहून दिल्लीत आला. तो इंदिरा गांधी आंतरराष्ट्रीय विमानतळावर असताना त्यांना रेकॉर्ड केलेला संदेश मिळाला. त्या प्रवाशाने तत्काळ याची माहिती पोलिसांना दिली. पोलिसांनी सांगितले की, या कॉलमध्ये एक व्यक्ती प्रगती मैदान ताब्यात घेण्याबाबत आणि तेथे लावलेला तिरंगा हटवण्याबाबत बोलत होता. दुसरी व्यक्ती ‘वारिस पंजाब दे’ संघटनेचा प्रमुख अमृतपाल विषयी बोलत होता.
दिल्लीहून प्रवासी दुसऱ्या राज्यात रवाना झाले
पोलिसांनी नंतर प्रवाशाशी संपर्क साधला. तेव्हा त्यांना सांगण्यात आले की, ते विमानतळावरून विमानात बसून दुसऱ्या राज्यात निघून गेला आहे. त्याने सांगितले की, तो त्याच्या फ्लाइटची वाट पाहत असताना पहाटे 2 वाजता त्याला फोन आला.
पोलिसांनी प्रवाशाला चौकशीसाठी बोलावले आणि त्याचे लेखी जबाब नोंदवले, परंतु प्रवाशाने सांगितले की, तो पुढील महिन्यातच चौकशीला उपस्थित राहू शकेल. त्यानंतरच त्याचे लेखी म्हणणे नोंदवले जाईल. पोलिसांनी IGI विमानतळ पोलिस ठाण्यात आयपीसीच्या कलम 153, 153A आणि 505 अंतर्गत गुन्हा दाखल केला आहे.
खलिस्तानी लाऊड स्पिकरवर म्हणाले- हा इशारा भारत सरकारला
वॉशिंग्टन डीसीमध्ये खलिस्तानी भारतीय दूतावासासमोर लाऊड स्पीकरवर म्हणाले, हा संदेश भारत सरकार आणि त्यांचे राजदूत तरनजीत सिंग संधू यांच्यासाठी आहे. जे मुक्त जगामध्ये दहशतवादी मुत्सद्देगिरीचा चेहरा आहेत. आम्ही त्यांना आठवण करून देऊ इच्छितो की, तुम्ही अल्पसंख्यांना मारता, ख्रिश्चन महिलांवर बलात्कार करता आणि निरपराध शीख, मुस्लिम, नागालँडच्या लोकांना मारता आणि मग इथे येऊन तुम्ही जगातील सर्वात मोठी लोकशाही आहात म्हणता. हे पूर्णपणे अस्वीकार्य आहे. हा दांभिकपणा संपवण्याची वेळ आली आहे.
Khalistani supporters threaten the government, Pragati flag will be planted in the field, protests at the Indian embassy in America; Journalist beaten
महत्वाच्या बातम्या
- Pakistan Economy News: रमजानमध्ये पाकिस्तानात महागाईमुळे सर्वत्र हाहाकार; केळी ५०० रुपये डझन, तर द्राक्षे तब्बल १६०० रुपये किलो
- राहुल गांधींवर झालेल्या कारवाईबद्दल शत्रुघ्न सिन्हांनी पंतप्रधान मोदींना म्हटले धन्यवाद, कारण…
- सावरकरांचा अपमान करू नका, राहुल गांधींना इशाऱ्याचे उद्धव ठाकरेंचे मालेगावचे भाषण; महाविकास आघाडीतून काँग्रेसच्या एक्झिटची नांदी
- सावरकरांचा अपमान सहन करणार नाही, पण भाजप विरुद्ध एकत्र लढू; मालेगावच्या सभेत राहुल गांधींना इशारा देताना उद्धव ठाकरेंची तारेवरची कसरत