केरळ हायकोर्टाने मोठा निर्णय देताना ती याचिका फेटाळून लावली आहे ज्यामध्ये कोरोना लस प्रमाणपत्रावरून पंतप्रधान मोदींचा फोटो हटवावा अशी मागणी करण्यात आली होती. केवळ प्रसिद्धी मिळवण्यासाठी अशी याचिका दाखल करण्यात आली असून त्याचा जनतेच्या हिताशी काहीही संबंध नाही, असे न्यायालयाने स्पष्ट केले आहे. Kerala HC dismisses plea seeking removal of PM Modi’s photo from vaccine certificate, fined 1 lakh on the petitioner
वृत्तसंस्था
कोची : केरळ हायकोर्टाने मोठा निर्णय देताना ती याचिका फेटाळून लावली आहे ज्यामध्ये कोरोना लस प्रमाणपत्रावरून पंतप्रधान मोदींचा फोटो हटवावा अशी मागणी करण्यात आली होती. केवळ प्रसिद्धी मिळवण्यासाठी अशी याचिका दाखल करण्यात आली असून त्याचा जनतेच्या हिताशी काहीही संबंध नाही, असे न्यायालयाने स्पष्ट केले आहे.
न्यायालयाने याचिकाकर्त्याला एक लाखाचा दंडही ठोठावला आहे. अशी याचिका दाखल करण्याची गरज नसल्याबद्दल न्यायालयाने नाराजीही व्यक्त केली. कोर्टाच्या म्हणण्यानुसार, केवळ प्रसिद्धी मिळवण्यासाठी हा अर्ज दाखल करण्यात आला होता. पुढील ६ महिन्यांच्या आत याचिकाकर्त्याला एक लाखाचा दंड जमा करावा लागेल, असे आदेशात स्पष्टपणे नमूद करण्यात आले आहे.
दरम्यान, याआधीही केरळ उच्च न्यायालयाने या याचिकेवर प्रश्न उपस्थित केले होते. तेव्हाही लसीच्या प्रमाणपत्रावर देशाच्या पंतप्रधानांचा फोटो असेल तर त्यात लाज वाटायची काय बाब आहे, असे म्हटले होते. आता आज निकाल देताना न्यायालयाने ती याचिकाच फेटाळून लावली आहे. न्यायालयाचे म्हणणे आहे की, न्यायालयाकडे अनेक तातडीच्या बाबी आहेत, त्यामुळे अशा याचिकांना चालना देता येणार नाही.
दरम्यान, ही याचिका पीटर मायलीपारंबिल यांनी न्यायालयात दाखल केली होती. ते मूळचे कोट्टायम जिल्ह्यातील आहेत. त्यांनी याचिकेत म्हटले होते की, जेव्हा लोक लसीकरणासाठी पैसे देत आहेत आणि ते खासगी रुग्णालयातही या लसी घेत आहेत, तेव्हा लस प्रमाणपत्रावर पंतप्रधानांचा फोटो असणे हे मूलभूत अधिकारांचे उल्लंघन आहे. मात्र, न्यायालयाने हे सर्व युक्तिवाद मान्य करण्यास नकार दिला आहे.
Kerala HC dismisses plea seeking removal of PM Modi’s photo from vaccine certificate, fined 1 lakh on the petitioner
महत्त्वाच्या बातम्या
- शिवसेनेत महाराष्ट्रात राष्ट्रवादी विरुद्ध खदखद; संजय राऊत घेतायत कर्नाटक भाजपशी टक्कर!!
- जय भीम, जम्मू आणि काश्मीरमध्ये अनुसुचित जाती-जमातींना मिळणा आरक्षण
- एक तर जुनी वाहने इलेक्ट्रिक करून घ्या, अन्यथा स्क्रॅप करा; १ जानेवारीपासून दिल्लीत नवा नियम
- सुनेच्या ईडी चौकशीमुळे सासूबाई संतापल्या, मोदी सरकारला जया बच्चन यांनी दिला शाप
- अश्व विक्रीतून कोट्यवधी रुपयांची उलाढाल घोडे बाजारासाठी प्रसिद्ध सारंगखेडा यात्रेला सुरुवात