वृत्तसंस्था
नवी दिल्ली : भारताची सुपरस्टार टेनिसपटू सानिया मिर्झा हिने गेल्या काही दिवसांपासून सुरु असलेल्या घटस्फोटांच्या चर्चांदरम्यान आता महत्त्वाची घोषणा केली आहे. ती आता निवृत्त होणार आहे. गेल्या अनेक दिवसांपासून पाकिस्तानी क्रिकेटपटू शोएब मलिक आणि सानिया मिर्झा यांच्या घटस्फोटाची जोरदार चर्चा होती. India’s tennis star Sania Mirza to retire; Read her career
या पार्श्वभूमीवर सानिया मिर्झाने टेनिसमधून निवृत्ती घेण्याचा इरादा जाहीर केला आहे. तिने व्यावसायिक टेनिसमधून निवृत्ती जाहीर केली आहे. पुढच्या महिन्यात होणाऱ्या दुबई टेनिस चॅम्पियनशिपमध्ये ती शेवटची खेळताना दिसणार आहे.
मागच्या 20 वर्षांपासून अनेकांसाठी आदर्श असलेल्या सानिया मिर्झाने आपली व्यावसायिक कारकीर्द संपवण्याची घोषणा केल्याने एक झळाळती कारकीर्द संपुष्टात येणार आहे. 19 फेब्रुवारीपासूनच सुरु होणाऱ्या WTA 1000 स्पर्धेतील दुबई टेनिस चॅम्पियनशिनपमध्ये सानिया आपला शेवटचा सामना खेळणार आहे.
सानिया मिर्झाची यशस्वी कारकीर्द
- सानिया मिर्झाने आपल्या कारकिर्दीत दुहेरीमध्ये 6 वेळा ग्रॅंडस्लॅम विजेतेपद पटकावले आहे.
- दुहेरीत प्रथम क्रमांकाचे मानांकन मिळवण्याचा मानही तिने मिळवला होता. महिला एकेरीत तिची सर्वोत्तम रॅंकिंग 27 आहे.
- यूएस ओपनची चौथी फेरी गाठल्यानंतर 2005 मध्ये सानियाने हे मानांकन मिळवले होते.
- 2009 मध्ये ऑस्ट्रेलियन ओपनच्या मिश्र दुहेरीत तिने पहिल्यांदा यश मिळवले.
India’s tennis star Sania Mirza to retire; Read her career
महत्वाच्या बातम्या