Tokyo Olympics : भारतीय महिला हॉकी संघ उपांत्य फेरीच्या सामन्यात पराभूत झाला आहे. यासह भारतीय संघाचे ऑलिम्पिकच्या अंतिम फेरीत पोहोचण्याचे स्वप्नही भंगले आहे. सामन्याच्या पूर्वार्धात भारताचा संघ जबरदस्त फॉर्ममध्ये दिसला आणि सामन्याच्या दुसऱ्या मिनिटाला गुरजित कौरने संघासाठी गोल केला. मात्र, टीम इंडियाला आपली आघाडी जास्त काळ टिकवता आली नाही. अर्जेंटिनाने 18 व्या मिनिटाला गोल करत बरोबरी साधली. यानंतर जगातील दुसऱ्या क्रमांकाच्या संघाने सामन्याच्या 36 व्या मिनिटाला दुसरा गोल करत सामन्यात 2-1 अशी आघाडी घेतली आणि संघाला ही आघाडी शेवटपर्यंत कायम राखण्यात यश आले. पराभव झाला असला तरी भारतीय संघ कांस्यपदक जिंकण्यासाठी सामना खेळणार आहे. indian women hockey team lost semifinal game against argentina in tokyo olympics 2020 they will play match for bronze medal
वृत्तसंस्था
टोकियो : भारतीय महिला हॉकी संघ उपांत्य फेरीच्या सामन्यात पराभूत झाला आहे. यासह भारतीय संघाचे ऑलिम्पिकच्या अंतिम फेरीत पोहोचण्याचे स्वप्नही भंगले आहे. सामन्याच्या पूर्वार्धात भारताचा संघ जबरदस्त फॉर्ममध्ये दिसला आणि सामन्याच्या दुसऱ्या मिनिटाला गुरजित कौरने संघासाठी गोल केला. मात्र, टीम इंडियाला आपली आघाडी जास्त काळ टिकवता आली नाही. अर्जेंटिनाने 18 व्या मिनिटाला गोल करत बरोबरी साधली. यानंतर जगातील दुसऱ्या क्रमांकाच्या संघाने सामन्याच्या 36 व्या मिनिटाला दुसरा गोल करत सामन्यात 2-1 अशी आघाडी घेतली आणि संघाला ही आघाडी शेवटपर्यंत कायम राखण्यात यश आले. पराभव झाला असला तरी भारतीय संघ कांस्यपदक जिंकण्यासाठी सामना खेळणार आहे.
भारतीय महिला हॉकी संघाची टोकियो ऑलिम्पिकला चांगली सुरुवात झाली नाही आणि संघाने पहिले तीन सामने गमावले, पण नंतर राणी रामपालच्या नेतृत्वाखाली संघाने जोरदार पुनरागमन केले, सलग तीन विजय नोंदवत त्यांनी उपांत्य फेरीत आपली जागा पक्की केली. भारतीय संघाची मागील सर्वोत्तम कामगिरी 1980च्या मॉस्को ऑलिम्पिकमध्ये होती, जेव्हा भारतीय टीम सहा संघांपैकी चौथ्या स्थानावर होती. महिला हॉकी संघाने त्या वर्षी ऑलिम्पिक पदार्पण केले आणि सामने राउंड-रॉबिन तत्त्वावर खेळले गेले.
indian women hockey team lost semifinal game against argentina in tokyo olympics 2020 they will play match for bronze medal
महत्त्वाच्या बातम्या
- वैद्यकीय क्षेत्रात केंद्राची दमदार कामगिरी : सात वर्षांत एमबीबीएसच्या 56 टक्के जागांमध्ये वाढ, मेडिकल कॉलेजची संख्याही 558 वर
- Remdesivir : जूनमध्ये भारताची रेमडेसिविर उत्पादन क्षमता वाढून 122.49 लाख कुप्या प्रति महिना झाली, केंद्र सरकारची माहिती
- आयटी क्षेत्रात नोकऱ्यांचा पाऊस : भारतीय आयटी कंपन्यांकडून 5 वर्षांतील उच्चांकी भरती, पहिल्या सहामाहीतच 1.21 लाख जणांना रोजगार
- पावसाळी अधिवेशन : राज्यसभेत गोंधळ घालणाऱ्यांवर कारवाई, तृणमूलचे सहा खासदार दिवसभरासाठी निलंबित
- अँटिलिया केस : NIAने चार्जशीट दाखल करण्यासाठी मागितली 1 महिन्याची अतिरिक्त वेळ, साक्षीदारांना मिळताहेत धमक्या