Corona Vaccine : कोरोनाबरोबरच्या युद्धामध्ये देशाला आतापर्यंत 4 लसी मिळाल्या आहेत. कोव्हिशील्ड, कोव्हॅक्सिन आणि स्पुतनिक यांच्यानंतर मंगळवारी मॉडर्नाचीही लस मंजूर झाली. एवढेच नाही, तर लवकरच भारताला फायझरची लसदेखील मिळू शकते. नीती आयोगाचे सदस्य व्ही.के. पॉल यांनी आरोग्य मंत्रालयाच्या मीडिया ब्रीफिंगदरम्यान ही माहिती दिली. ते म्हणाले, “आमच्याकडे सध्या कोव्हॅक्सिन, कोव्हिशील्ड, स्पुतनिक-व्ही आणि मॉडर्ना लस उपलब्ध आहे. लवकरच आम्ही लसीसाठी फायझरशीदेखील करार करू. याव्यतिरिक्त गर्भवती महिलांवर लसीच्या परिणामाबद्दल असलेला संभ्रमही त्यांनी दूर केला. India has Approved four Corona Vaccine so far, Now After Moderna pfizer vaccine likely to be approved
विशेष प्रतिनिधी
नवी दिल्ली : कोरोनाबरोबरच्या युद्धामध्ये देशाला आतापर्यंत 4 लसी मिळाल्या आहेत. कोव्हिशील्ड, कोव्हॅक्सिन आणि स्पुतनिक यांच्यानंतर मंगळवारी मॉडर्नाचीही लस मंजूर झाली. एवढेच नाही, तर लवकरच भारताला फायझरची लसदेखील मिळू शकते. नीती आयोगाचे सदस्य व्ही.के. पॉल यांनी आरोग्य मंत्रालयाच्या मीडिया ब्रीफिंगदरम्यान ही माहिती दिली. ते म्हणाले, “आमच्याकडे सध्या कोव्हॅक्सिन, कोव्हिशील्ड, स्पुतनिक-व्ही आणि मॉडर्ना लस उपलब्ध आहे. लवकरच आम्ही लसीसाठी फायझरशीदेखील करार करू. याव्यतिरिक्त गर्भवती महिलांवर लसीच्या परिणामाबद्दल असलेला संभ्रमही त्यांनी दूर केला.
व्ही. के. पॉल म्हणाले की, कोरोना लसीपासून गर्भवती महिलांना कोणताही धोका नाही. त्यांना ही लस नक्कीच मिळाली पाहिजे. यासह, त्यांनी गर्भवती महिलांना लसीकरणासंबंधी मार्गदर्शक तत्त्वे लवकरच जाहीर करण्याबद्दलही माहिती दिली. ते म्हणाले की, आतापर्यंत भारतात उपलब्ध असलेल्या 4 लसी स्तनदा महिलांसाठी सुरक्षित आहेत. याव्यतिरिक्त त्यांनी लसीमुळे प्रजनन क्षमता कमी करण्याच्या अफवांनाही फेटाळून लावले. व्हीके पॉल म्हणाले की, असे काहीही नाही.
याशिवाय व्हीके पॉल यांनी कोरोनामधील नवीन डेल्टा प्लस व्हेरियंटबद्दलही दिलासादायक बातमी दिली. पॉल म्हणाले की, सध्या देशात 51 प्रकरणे आहेत. गेल्या आठवड्यात या प्रकारातील 50 प्रकरणे होती. या दृष्टिकोनातून, त्याच्या संक्रमणाची गती सध्या थांबलेली आहे. दुसरीकडे जर आपण लसीकरणाबद्दल बोललो तर देशातील 27 कोटींपेक्षा जास्त लोकसंख्येला कोरोना लसचा पहिला डोस मिळाला आहे. याव्यतिरिक्त 5.84 कोटी लोकांना दोन्ही डोस मिळालेले आहेत. आरोग्य मंत्रालयाचे सहसचिव लव अग्रवाल म्हणाले की, कोरोनाचा संसर्ग गत महिन्याच्या तुलनेत झपाट्याने कमी होत आहे.
दरम्यान, देशात नोवाव्हॅक्स, झायडस कॅडिलाची लस यांचेही लवकरच उत्पादन सुरू होत आहे. या लसींनाही एक-दोन महिन्यात मान्यता मिळू शकते. यामुळे भारतात लसींची संख्या वाढणार असून यामुळे लसीकरणाच्या मोहिमेला मोठी गती येणार आहे.
India has Approved four Corona Vaccine so far, Now After Moderna pfizer vaccine likely to be approved
महत्त्वाच्या बातम्या
- कोर्टाचा अवमान केल्याप्रकरणी दक्षिण आफ्रिकेचे माजी राष्ट्राध्यक्ष जेकब झुमा यांना 15 महिन्यांच्या तुरुंगवासाची शिक्षा
- गर्भवती महिलांसाठी कोरोनाची लस सुरक्षित, स्तनदा मातांवरही कोणतेही दुष्परिणाम नाही – केंद्र सरकार
- तृणमूलच्या गुंडांचा राष्ट्रीय मानवाधिकार आयोगाच्या पथकावरही हल्ला, बंगाल हिंसाचाराची चौकशी करताना अडथळे
- इस्रायलसारखी भारताचीही ड्रोन डिफेन्स डोम सिस्टिम, ‘इंद्रजाल’च्या साहाय्याने एकाच वेळी अनेक ड्रोन्स पाडण्याची क्षमता
- बंगाल हिंसाचारावर फॅक्ट फायंडिंग समितीचा गृह मंत्रालयाला अहवाल सादर, निवडणुकीनंतरची हिंसा पूर्वनियोजितच!