Corona Second Wave Peak : अवघा देश सध्या कोरोनाच्या दुसऱ्या लाटेशी झुंजतोय. दररोज रुग्णसंख्येचे नवनवीन उच्चांक प्रस्थापित होत आहेत. यामुळे प्रत्येकाच्या मनात एकच प्रश्न आहे की, हा कोरोना जाणार तरी कधी? ही लाट ओसरणार कधी? याच प्रश्नांवर आयआयटी कानपूर तसेच हैदराबादेतील शास्त्रज्ञांनी गणितीय मॉडेलच्या आधारे काही भाकितं केली आहेत. IIT Scientists Claim that Corona Second Wave Peak Will Come By May 15
विशेष प्रतिनिधी
नवी दिल्ली : अवघा देश सध्या कोरोनाच्या दुसऱ्या लाटेशी झुंजतोय. दररोज रुग्णसंख्येचे नवनवीन उच्चांक प्रस्थापित होत आहेत. यामुळे प्रत्येकाच्या मनात एकच प्रश्न आहे की, हा कोरोना जाणार तरी कधी? ही लाट ओसरणार कधी? याच प्रश्नांवर आयआयटी कानपूर तसेच हैदराबादेतील शास्त्रज्ञांनी गणितीय मॉडेलच्या आधारे काही भाकितं केली आहेत.
शास्त्रज्ञांच्या मते, भारतातील कोरोनाची ही दुसरी लाट 11 ते 15 मेदरम्यान शिखरावर असेल. या कालावधीत देशातील सक्रिय रुग्णांची संख्या तब्बल 33 ते 35 लाख असण्याचा अंदाज आहे. सध्या देशात 24.5 लाख सक्रिय रुग्णसंख्या आहे.
महाराष्ट्रात काय असेल परिस्थिती?
शास्त्रज्ञांच्या मते, दिल्ली, हरियाणा, राजस्थान आणि तेलंगणामध्ये 25 ते 30 एप्रिलदरम्यान कोरोना रुग्णसंख्येचे विक्रम मोडले जाऊ शकतात. तर महाराष्ट्र आणि छत्तीसगडमध्ये कोरोना महामारीची सर्वोच्च पातळी यापूर्वीच गाठलेली आहे.
मे महिन्याच्या अखेरीस दिलासा मिळण्याची शक्यता
आयआयटीच्या शास्त्रज्ञांच्या म्हणण्यानुसार, मे अखेरीस कोरोनाच्या नवीन रुग्णसंख्येत झपाट्याने घट होईल. दरम्यान, शुक्रवारी एका दिवसात भारतात 3,32,730 नवीन बाधितांची नोंद झाली आहे. तर 2263 जणांचा मृत्यू झाला आहे. सक्रिय रुग्णांची संख्याही 24,28,616 पर्यंत वाढली आहे. आयआयटी कानपूर आणि हैदराबाद येथील शास्त्रज्ञांनी गणिताच्या मॉडेलच्या आधारे असा अंदाज लावला आहे की, कोरोना ओसरण्यापूर्वी मेच्या मध्यापर्यंत उपचाराधीन रुग्णसंख्येत 10 लाखांची वाढ होऊ शकते.
कोरोना रुग्णसंख्येत अचानक होईल घट
आयआयटी कानपूरच्या संगणक विज्ञान विभागातील प्राध्यापक मनिंदर अग्रवाल यांनी म्हटले की, 11 ते 15 मेदरम्यान उपचार घेत असलेल्या रुग्णांची संख्या वाढण्याचे तार्किक कारण आहे. ही संख्या 33 ते 35 लाखांपर्यंत असू शकते. ही वेगवान वाढ आहे, परंतु त्याच वेळी नवीन रुग्णांची संख्याही अचानक घटण्याची शक्यता आहे. मेच्या अखेरीस यात आपल्याला नाट्यमय घट पाहायला मिळेल.
शास्त्रज्ञांनी अद्याप हा शोधनिबंध प्रकाशित केलेला नाही. त्यांचे म्हणणे आहे की, फॉर्म्युला मॉडेलमध्ये अनेक विशेष बाबी आहेत, तर पूर्वीच्या अभ्यासांमध्ये रुग्णांची लक्षण नसलेले आणि संसर्गात विभागलेले होते. नव्या मॉडेलमध्ये हे तथ्यही तपासण्यात आले आहे. लक्षणे नसलेल्या रुग्णांच्या एका भागाची माहिती संक्रमितांच्या संपर्कात आलेल्या लोकांच्या तपासणीने अथवा इतर नियमांनी काढता येईल. या महिन्याच्या सुरुवातीला गणितीय मॉडेलच्या माध्यमाने अनुमान लावण्यात आला होता की, देशात 15 एप्रिलपर्यंत संसर्गाचे प्रमाण शिखरावर असेल, परंतु हे मात्र खरे ठरले नाही.
IIT Scientists Claim that Corona Second Wave Peak Will Come By May 15
महत्त्वाच्या बातम्या
- आधीच ऑक्सिजनची मारामार, आता टँकरच झालं बेपत्ता; FIR दाखल करून पोलिसांकडून तपास सुरू
- Corona Climbs Everest : जगातील सर्वोच्च शिखरावरही पोहोचला कोरोना, माउंट एव्हेरस्टवर पहिला रुग्ण
- ‘हम तो डूबेंगे सनम…’ नवज्योतसिंग सिद्धूंच्या ट्वीटने खळबळ, प्रोफाइलवरून ‘काँग्रेस’ शब्दही गायब
- ‘ऑक्सिजन देता का ऑक्सिजन…’ कोरोनाच्या सद्य : परिस्थितीवर विश्वनाथ गरुड यांची अंतर्मुख करणारी कविता
- सीएम केजरीवाल पंतप्रधान मोदींना का म्हणाले, गुस्ताखी माफ करा!, असे काय झाले मीटिंगमध्ये? वाचा सविस्तर…