वृत्तसंस्था
पणजी : कोरोनाच्या वाढत्या रुग्ण संख्येमुळे गोव्यात चित्रपट, मालिकांच्या शूटिंगवर बंदी घातली आहे. त्यामुळे शूटिंगसाठी गोव्यात गेलेल्या हिंदी, मराठी मालिका संकटात सापडल्या आहेत.Goa bans shooting of films, series;Hindi, Marathi series found in crisis
महाराष्ट्रात चित्रपट, मालिकांच्या शूटिंगवर बंदी आहे. त्यामुळे गोवा, दमण, सिलवासा, जयपूर, बेळगाव आदी ठिकाणी शूटिंग सुरू आहे. झी मराठीवरील ‘पाहिले न मी तुला’ आणि ‘अगंबाई सूनबाई’, स्टार प्रवाहवरील ‘सुख म्हणजे नक्की काय असतं’,
‘रंग माझा वेगळा’, कलर्सवरील ‘सूर नवा, ध्यास नवा’ या मालिकांचे शूटिंग गोव्यात सुरू होते. मात्र, कोरोना कहर वाढल्याने शूटिंगवर निर्बंध घातले आहेत. ‘पाहिले न मी तुला’ आणि ‘अगंबाई सूनबाई’ची टीम गोक्यातून मुंबईत परतली असून या मालिकांची पुढील शूटिंग दमण आणि सिल्वासाला होणार आहे.
हिंदी मालिकांचे ‘वेट अँड वॉच’
गोव्यात 11 हिंदी मालिकांचे शूटिंग सुरू होते. त्यात ‘कुमकुम भाग्य’, ‘गुम है किसी के प्यार में’, ‘आपकी नजरो में’, ‘शौर्य और अनोखी की कहानी’, ‘कुंडली भाग्य’, ‘यह है चाहते’, ‘अपना टाईम भी आएगा’ आदी मालिकांचा समावेश आहे.
शूटिंग बंद असले तरी बहुतेक मालिकांची टीम गोव्यातच तळ ठोकून आहे. झी टीव्हीच्या सूत्रांनी दिलेल्या माहितीनुसार, ‘‘सध्यातरी आमच्याकडे एपिसोड बॅंक आहे. पुढील शूटिंगसाठी आम्ही परवानगी मागितली आहे.’’
जाहिरातींना फटका
नवीन भागांचे शूटिंग नसल्याने वाहिनीला मालिकांचे जुने भाग दाखवावे लागतात. त्यात प्रेक्षकांना रस नसतो. त्यामुळे याचा फटका थेट जाहिरातींना आणि टीआरपीला बसतो.
Goa bans shooting of films, series;Hindi, Marathi series found in crisis
विशेष प्रतिनिधी
- कोरोना लसीवरील बौद्धीक संपदा हक्क रद्द करण्याच्या निर्णयाकडे लागले साऱ्या जगाचे लक्ष
- वैज्ञानिक आधारसह, वेगवान लसीकरणाशिवाय भारतात कोरोनाचा अटकाव अशक्य, लॅन्सेटने घेतली गंभीर दखल
- पश्चिम बंगालनंतर भाजपला आता उत्तर प्रदेशात घेरण्याची शेतकरी नेत्यांची रणनिती
- चीनचे तब्बल २१ हजार किलोचे ‘लाँग मार्च’ अखेर मालदीवजवळ हिंदी महासागरात कोसळले, शास्ज्ञांनी सोडला निश्वास