SBI Led Consortium Recovers Rs 792 Cr : अंमलबजावणी संचालनालयाने (ईडी) सांगितले की, स्टेट बँक ऑफ इंडिया (एसबीआय) च्या नेतृत्वात कर्ज देणाऱ्या बँकांच्या गटाने विजय मल्ल्या, नीरव मोदी आणि मेहुल चोकसी यांच्या जप्त केलेल्या शेअर्सच्या विक्रीतून 792.11 कोटी रुपये वसूल केले आहेत. ED Said SBI Led Consortium Recovers Rs 792 Cr By Selling Shares Of Mallya Nirav Modi Choksi
वृत्तसंस्था
नवी दिल्ली : अंमलबजावणी संचालनालयाने (ईडी) सांगितले की, स्टेट बँक ऑफ इंडिया (एसबीआय) च्या नेतृत्वात कर्ज देणाऱ्या बँकांच्या गटाने विजय मल्ल्या, नीरव मोदी आणि मेहुल चोकसी यांच्या जप्त केलेल्या शेअर्सच्या विक्रीतून 792.11 कोटी रुपये वसूल केले आहेत.
यामुळे बँकांकडून हजारो कोटी रुपये जमा करून परदेशात पळून गेलेल्या विजय मल्ल्या, नीरव मोदी आणि मेहुल चोकसी यांना मोठा दणका बसला आहे. आता या तिघांच्या मालमत्तांच्या विक्रीतून एकूण वसुली 13,109.17 कोटींवर गेली आहे.
18,170.02 कोटींची मालमत्ता जप्त
गत महिन्यातच बँक घोटाळ्यातील आरोपी मल्ल्या, चोकसी आणि नीरव मोदी यांची 9371 कोटी रुपयांची संपत्ती सरकारी बँकांमध्ये वर्ग करण्यात आली. अंमलबजावणी संचालनालयाने म्हटले आहे की, मनी लाँड्रिंग प्रतिबंधक कायद्यान्वये (पीएमएलए) तीन प्रकरणांमध्ये 18,170.02 कोटी रुपयांची संपत्ती (बँकांना झालेल्या एकूण तोट्यापैकी 80.45 टक्के) संलग्न आहे. यासह 9371.17 कोटी रुपयांच्या संलग्न / जप्त मालमत्तेचा काही भाग सार्वजनिक क्षेत्रातील बँका आणि केंद्र सरकारकडे वर्ग करण्यात आला आहे.
पीएनबी घोटाळ्यात सामील झालेल्या फरार हिरा व्यापारी नीरव मोदी आणि मेहुल चोकसी यांनी आणि मल्ल्याने सार्वजनिक क्षेत्रातील बँकांची कंपन्यांमार्फत निधी वळवून फसवणूक केली, आणि त्यामुळे बँकांना एकूण 22,585.83 कोटी रुपयांचे नुकसान झाले. दरम्यान, पीएमएलए कोर्टाने यापूर्वी फरार विजय मल्ल्याची मालमत्ता जप्त करण्याचे आदेश दिले होते. कोर्टाने विजय मल्ल्याची 5600 कोटींची मालमत्ता ताब्यात देण्याचे आदेश दिले होते, जी आतापर्यंत अंमलबजावणी संचालनालयाकडे होती.
ED Said SBI Led Consortium Recovers Rs 792 Cr By Selling Shares Of Mallya Nirav Modi Choksi
महत्त्वाच्या बातम्या
- उत्तराखंडनंतर आता कर्नाटकात बदलाचे संकेत! मुख्यमंत्री येदियुरप्पा यांच्या दिल्लीवारीमुळे चर्चांना उधाण
- जेथे बालपणी विकला चहा त्या वडनगर रेल्वे स्थानकचे पीएम मोदींनी केले उद्घाटन, गुजरातला अनेक प्रकल्पांची भेट, जाणून घ्या महत्त्वाच्या बाबी
- जळगावात ट्रेनिंग एयरक्राफ्टचा अपघात, एक जण ठार, ज्योतिरादित्य सिंधियांनी व्यक्त केले दु :ख
- सहा राज्यांच्या सीएमसमोर मोदींनी केले योगींच्या कोरोना मॉडेलचे कौतुक; पण महाराष्ट्र व केरळची विशेष चिंता
- अफगाणिस्तानात वार्तांकनादरम्यान भारतीय पत्रकार दानिश सिद्दिकी यांची हत्या, पुलित्झर पुरस्काराने होते सन्मानित