विशेष प्रतिनिधी
नवी दिल्ली: उत्तर प्रदेशातील समाजवादी पक्षाचा माजी खासदार आणि गँगस्टर अतीक अहमद आणि त्याच्या पत्नीवर मोठी कारवाई करत सक्तवसुली संचालनालयाने त्यांची ८.१४ कोटी रुपये किमतीची मालमत्ता जप्त केली आहे. मनी लाँडरिंग प्रकरणी ही कारवाई करण्यात आली आहे.ED action against former Samajwadi Party MP, assets worth over Rs 8 crore confiscated
ईडीच्या लखनऊ प्रादेशिक कार्यालयाने ही कारवाई केली. ईडीचे प्रादेशिक संयुक्त संचालक राजेश्वर सिंह यांनी दिलेल्या माहितीनुसार, पीएमएलए कायद्यांतर्गत ही कारवाई करण्यात आली आहे. अतीक अहमद आणि त्यांची पत्नी शाइस्ता परवीन या दोघांवर ही कारवाई करण्यात आली आहे.
यात अलाहाबादमधील फुलपूर येथे परवीनच्या नावावर असलेला भूखंड ईडीने जप्त केला आहे. या भूखंडाचे सरकारी मूल्य ६.८६ कोटी इतके असून अतीक अहमद याने ४.५ कोटींना हा भूखंड खरेदी केला आहे, असे आढळून आले आहे. याशिवाय ईडीने अतीक अहमद याची १० बँक खाती तसेच परवीनच्या एका बँक खात्यातील मिळून १.२५ कोटी रुपये इतकी रोकड जप्त केली आहे.
अतीक अहमद (५९) हा सध्या न्यायालयीन कोठडीत आहे. त्याला गुजरातमधील साबरमती जेलमध्ये ठेवण्यात आले आहे. ईडीने मनी लाँडरिंग प्रकरणात त्याची चौकशी केली असून त्याचा जबाबही नोंदवला आहे. अतीकवर उत्तर प्रदेशातही अनेक गंभीर गुन्हे दाखल आहेत.
अतीकने गुन्हेगारी कारवायांमधून मोठ्या प्रमाणात संपत्ती कमावली असून नातेवाईकांच्या खात्यातही मोठी रक्कम जमा वळवली आहे. त्याचा तपास केला जात असल्याचे ईडीकडून सांगण्यात आले. आयकर विभाग तसेच इतर सरकारी विभागांकडून याबाबत बराच तपशील मिळाला असून त्याचाही तपास केला जात आहे.
अतीक अहमद हा समाजवादी पक्षाकडून ाश्चिम अलाहाबाद विधानसभा मतदारसंघातून तो पाचवेळा विजयी झाला आहे. २००४ मध्ये फुलपूर लोकसभा मतदारसंघातून विजयी होऊन अतीक अहमद लोकसभेत पोहचला होता. आता समाजवादी पक्षाला सोडचिठ्ठी देऊन त्याने सप्टेंबर महिन्यातच एमआयएम पक्षात प्रवेश केला आहे. काही काळ तो अपना दलातही होता.
ED action against former Samajwadi Party MP, assets worth over Rs 8 crore confiscated
महत्त्वाच्या बातम्या
- धर्माच्या आधारावर फाळणी ही ऐतिहासिक चूक, संरक्षण मंत्री राजनाथ सिंह यांचे प्रतिपादन
- काशी विश्वनाथ कॉरिडाॅर प्रमाणेच कोलकात्याचा कालीघाट ममतांनी विकसित करावा; भाजपची मागणी
- राहुल गांधींच्या मुंबईतील रॅलीसाठी काँग्रेसची आपल्याच महाविकास आघाडी सरकार विरोधात हायकोर्टात धाव!!
- राज्यांचा विकास आणि गुड गव्हर्नन्सवर भाजपच्या सर्व मुख्यमंत्र्यांचे पंतप्रधान मोदींसमोर काशीमध्ये आज प्रेझेन्टेशन
- लबाडांना रोखण्यासाठी पंतप्रधान किसान सन्मान योजनेसाठी कडक नियमावली जारी
- कॉँग्रेस १० वर्षांत ५० हून अधिक निवडणुका हारली, प्रशांत किशोर यांची टीका