वृत्तसंस्था
बंगळूर : पृथ्वीपासून ७२५ प्रकाशवर्षे अंतरावर असलेल्या एका ताऱ्याभोवती गुरू ग्रहासारखा ग्रह फिरत असल्याचा शोध भारतीय शास्रज्ञांनी लावला आहे. भारतीय अवकाश संशोधन संस्थेच्या (इस्रो) अहमदाबाद येथील भौतिकी प्रयोगशाळेने (पीआरएल) हा नवा ग्रह शोधला आहे. Discovery of a Jupiter-like planet 725 light-years from Earth
हा नवा ग्रह एच.डी.८२१३९ नावाच्या ताऱ्याभोवती फिरतो. टीओआय कॅटलॉगनुसार ग्रहाचे नाव १७८९ बी तर हेन्री ड्रेपर कॅटलॉगनुसार एचडी ८२१३९बी आहे. गुरू ग्रहाच्या तुलनेत वस्तुमान ७० टक्के आणि आकार १.४ पटीने जास्त असून ताऱ्याभोवती फिरण्याचा कालावधी फक्त ३.२ दिवसांचा आहे
डिसेंबर २०२० ते मार्च २०२१ दरम्यान यासंबंधी निरीक्षणे घेण्यात आली होती. जर्मनी येथील टीसीईएस स्पेक्ट्रोग्राफने एप्रिल २०२१मध्ये, तसेच माउंट अबू येथील प्रयोगशाळेने या शोधाची पुष्टी केली आहे.
अहमदाबाद येथील शास्रज्ञांचा गट अशा बाह्यग्रहांचा शोध घेत असून, २०१८ मध्ये त्यांनी शनीच्या आकाराचा के२-२३६ या बाह्यग्रहाचा शोध घेतला होता. पीआरएलमधील ऑप्टिकल फायबर फेड स्प्रेक्ट्रोग्राफ प्रकारातील ही प्रयोगशाळा देशातील पहिली प्रयोगशाळा आहे. पीआरएल येथील अत्याधुनिक रॅडीयल व्हेलॉसिटी अबू स्काय सर्च (पारस) या ऑप्टिकलफायबर फेड स्प्रेक्ट्रोगाफीच्या माध्यमातून हे संशोधन करण्यात आले आहे.
Discovery of a Jupiter-like planet 725 light-years from Earth
महत्त्वाच्या बातम्या
- महाराष्ट्रातील हिंसाचाराचे पाकिस्तानी कनेक्शन? आतापर्यंत 100 हून अधिक एफआयआर, 25 जणांना अटक, वाचा सविस्तर…
- रझा अकादमी म्हणजे काय? : धार्मिक प्रकाशन करणारी संस्था ते दंगलींपर्यंतचा प्रवास, आझाद मैदानाची दंगल ते सध्याचा हिंसाचार, वाचा सविस्तर…
- बालविवाह रोखण्यासाठी ठोस उपाय योजना करणे गरजेचे ; राज्य महिला आयोगाच्या अध्यक्ष रुपाली चाकणकर यांनी मुख्यमंत्र्यांना पाठवले पत्र
- “ज्यांनी जे काम केले आहे त्यांना त्याचे श्रेय त्यांनाच दिले पाहिजे” – अजित पवार
- कोल्हापूर विमानतळावरील अनियमित विमानसेवेमुळे प्रवाशांमध्ये नाराजी