वृत्तसंस्था
नवी दिल्ली : डेंग्यूवरचे प्रभावी औषध शोधल्याचा दावा शास्त्रज्ञांनी केला असून या औषधांची चाचणी देशातील २० केंद्रावर केली जाणार आहे. सेंट्रल ड्रग रिसर्च इन्स्टिट्यूट, लखनऊच्या शास्त्रज्ञांनी डेंग्यूवरचे औषध तयार केले आहे. या औषधाचा वैद्यकीय महाविद्यालयांमध्ये उपयोग केला जाईल. डेंग्यू हा विषाणूजन्य ताप आहे, ज्यामध्ये व्यक्तीला असह्य वेदना होतात आणि स्थिती गंभीर झाली तर मृत्यू होऊ शकतो. डेंग्यूला हाडतापदेखील म्हणतात. कारण, डेंग्यूमध्ये रुग्णाच्या हाडांमध्ये तीव्र वेदना होतात. आतापर्यंत डेंग्यूवर कोणताही इलाज नाही. लक्षणांच्या आधारे त्यावर उपचार केले जातात, पण आता शास्त्रज्ञांना त्याचे उपचार सापडले आहेत. Dengue Fever: Big News! Scientists have found a drug for dengue, which will soon be tested at 20 centers
औषधाची क्लिनिकल चाचणी सुरू
डेंग्यूच्या औषधांची क्लिनिकल ट्रायल सुरू केल्या जाणार आहेत. हे औषध देशातील २० केंद्रांवर १० हजार डेंग्यू रुग्णांना दिले जाईल. प्रत्येक केंद्रावर १०० रुग्णांना ट्रायलमध्ये ठेवण्यात येईल आणि त्यांना हे औषध देण्यात येईल. मुंबईतील औषध कंपनीने हे औषध तयार केले आहे.
अँटी व्हायरल औषध
शास्त्रज्ञांच्या मते, डेंग्यूचे हे औषध वनस्पतींवर आधारित आहे. त्याला ‘क्युक्युलस हिरसूटसचे शुद्धीकृत जलीय अर्क’ असे म्हटले जात आहे. हे अँटी व्हायरल औषध असून औषधाचे उंदीरांवरील प्रयोग यशस्वी झाले आहेत. कंपनीला ड्रग कंट्रोलर जनरल ऑफ इंडियाकडून मानवी चाचण्यांसाठी परवानगीही मिळाली आहे.
Dengue Fever: Big News! Scientists have found a drug for dengue, which will soon be tested at 20 centers
महत्त्वाच्या बातम्या
- भाजप उभा करेल सिल्वासात उभा छत्रपती शिवरायांचा भव्य अश्वारूढ पुतळा
- शिल्पा शेट्टी आणि राज कुंद्रा यांनी शर्लिन चोप्राविरोधात उचलले मोठे पाऊल , 50 कोटींचा मानहानीचा दाखल केला खटला
- भारताने कोरोना लसीकरणात 99 कोटींचा टप्पा गाठला, केंद्रीय आरोग्य मंत्री मनसूख मांडविया यांनी ट्विटरवरून दिली माहिती
- ‘टार्गेट किलींग ‘ प्रकरणाचा तपास एनआयएकडे सोपवण्यात आला, एजन्सी करेल पाकिस्तानचा पर्दाफाश
- CONGRESS : नाना पटोलेंच्या नेतृत्वावरून काँग्रेसमध्ये नाराजी ; दहा वर्षांपासून प्रवक्ते असणारे सचिन सावंत यांचा राजीनामा