विशेष प्रतिनिधी
नवी दिल्ली : केंद्र सरकारने हिट अँड रन प्रकरणातील पीडितेच्या नातेवाईकांना दिल्या जाणाऱ्या भरपाईच्या रकमेत आठ पट वाढ करण्याचा निर्णय घेतला आहे. यासोबतच हिट अँड रनमध्ये मृत्युमुखी पडलेल्यांच्या कुटुंबीयांना १ एप्रिलपासून २ लाख रुपयांची भरपाई दिली जाणार आहे. Death in hit and run: Rs 2 lakh compensation now
रस्ते वाहतूक आणि महामार्ग मंत्रालयाच्या अधिसूचनेनुसार, अशा घटनांमध्ये गंभीर जखमी झालेल्या व्यक्तीला देण्यात येणाऱ्या नुकसानभरपाईच्या रकमेतही चार पटीने वाढ करण्यात आली आहे. आता १ एप्रिलपासून भरपाईची रक्कम ५०,००० रुपये होणार आहे.
२५ फेब्रुवारी रोजी जारी करण्यात आलेल्या या अधिसूचनेत मंत्रालयाने सांगितले की, या योजनेचे नाव ‘हिट अँड रन मोटर अपघातातील पीडितांना भरपाई योजना, 2022’ असे असेल आणि १ एप्रिल पासून लागू होईल.
मंत्रालयाने २ ऑगस्ट २०२१ रोजी मसुदा योजना अधिसूचित केली होती. हिट अँड रन अपघातात बळी पडलेल्यांसाठी या भरपाई योजनेचा उद्देश नुकसान भरपाईची रक्कम वाढवणे आहे. ही योजना नुकसानभरपाई योजना, १९८९ ची जागा घेईल, असे अधिकृत निवेदनात म्हटले आहे.
विशेष म्हणजे याआधी हिट अँड रन अपघातात मृत्युमुखी पडलेल्यांच्या नातेवाईकांना सरकार केवळ २५ हजार रुपये भरपाई देत असे, तर अपघातातील मृतांना केवळ १२ हजार ५०० रुपये नुकसानभरपाई मिळत होती.
Death in hit and run: Rs 2 lakh compensation now
महत्त्वाच्या बातम्या
- मराठा समाजाच्या जीवावर राजकारण करून त्यांचीच फसवणूक, मुख्यमंत्र्यांसह मराठा मंत्र्यांनी राजीनामे देण्याची राधाकृष्ण विखे-पाटील यांची मागणी
- शर्मीला ठाकरे म्हणतात, १५ वर्षांपूर्वी राज ठाकरे यांनी कानाखाली वाजवली म्हणून आज सर्वत्र मराठीचा वापर
- गाढ झोपून हा युवक मिळवितो लाखो रुपये, यू ट्यूबची कमाल
- Russia Ukraine War : रशिया यूक्रेनवर अणुबॉम्ब टाकणार? राष्ट्रपती ब्लादिमीर पुतिन यांनी यंत्रणेला केलं अलर्ट
- Kili Paul : किली पॉल-नीमा वर पंतप्रधान मोदी देखील फिदा ! त्यांच्या प्रतिभेचा आदर करत ‘मन की बात’मध्ये उल्लेख… म्हणाले भारतीय संगीताची जादू…