वृत्तसंस्था
नवी मुंबई : रायगड, रत्नागिरी, सातारा येथे डोंगर कोसळल्याने सुमारे २०० लोकांचे जीव गेले. नवी मुंबईत असाच धोका आहे. शहराच्या पूर्वेला असलेली डोंगररांग दगडखाणीने पोखरल्याने सुमारे ६० हजार कुटुंबांचे जीव टांगणीला लागले आहेत. Crisis Slums near hill places Navi Mumbai, stone quarrying continues Danger to 60,000 houses under foot
मुसळधार पावसामुळे रायगड, रत्नागिरीमध्ये डोंगराचे भूस्खलन झाल्याने निष्पाप लोकांचे नुकतेच जीव गेले होते. डोंगराखाली वसलेल्या गावांवर दरड पडल्याने गावच्यागावं नामशेष झाली. मुंबईतही अशाच लोकांचा नाहक जीव गेला. अशीच परिस्थिती नवी मुंबई शहरात आहे.
नवी मुंबईच्या पूर्वेस असलेल्या २५-३० किलोमीटरवरील डोंगररांगाच्या पायथ्याशी हजारो झोपडपट्ट्या वसल्या आहेत. ६० हजार गरीब परिवार झोपडपट्ट्यांमध्ये राहत आहेत. जोरदार पाऊस सुरू झाल्यावर झोप येत नसल्याचे येथील लोक सांगतात. कधी डोंगर कोसळेल आणि आमचा जीव जाईल, याची शाश्वती नाही.
महापालिका झोपडपट्टी पुर्नविकास योजना लागू करत नसल्याने डोंगराचा सहारा घ्यावा लागत आहे, असे येथील लोक सांगतात.नवी मुंबईतील पारसिक हिल डोंगर रांगांचे अस्तित्व दगडखाणीने नष्ट करत आणले. संपूर्ण डोंगर पोखरले आहेत. दगडखाणींमुळे मोठ्या प्रमाणात डोंगरांचे नुकसान झाल्याने याचा परिणाम भूस्खलनावर होऊन जीवितहानी होऊ शकते. यामुळे अशा ठिकाणी महानगरपालिकेने झोपडपट्टी न वसवता झाडे लावून डोंगरांची निगा राखावी, अशी मागणी पर्यावरण तज्ञांकडून होत आहे.
नवी मुंबईत १ लाखाच्या वर झोपडपट्यांची संख्या वाढिला महापालिका कारणीभूत आहे. झोपडपट्टी धारकांसाठी एसआरए योजना लागू केली जात नसल्याने गरीब लोकांना डोंगराखाली जीव मुठीत घेऊन राहण्याची वेळ आली असल्याचा आरोप समाजसेवकांनी केला.
Crisis Slums near hill places Navi Mumbai, stone quarrying continues Danger to 60,000 houses under foot
महत्त्वाच्या बातम्या
- ममतांचे कौतुक कशाला? एन. टी. रामाराव, देवीलाल यांनीही केला मिळविला होता विजय, पण प्रादेशिक नेत्यांना देशाने स्वीकारले नाही
- पेगासिस हेरगिरीप्रकरणी सर्वोच्च न्यायालयाच्या देखरेखीखाली चौकशी व्हावी, ज्येष्ठ पत्रकार एन. राम , शशि कुमार यांची याचिका
- मुस्लिम महिलांचे फोटो अपलोड करणाऱ्या सुल्ली अ‍ॅपवर कारवाई करा, कॉँग्रेसचे खासदार मो. जावेद यांनी केली केंद्रीय गृहमंत्री अमित शहा यांना विनंती
- गुजरात केडरचे आयपीएस अधिकारी राकेश आस्थाना दिल्लीच्या पोलीस आयुक्तपदी