Coronavirus Cases In India : कोरोना महामारीची दुसरी लाट हळूहळू ओसरू लागल्याचे चित्र आहे. मागच्या 24 तासांत देशात कोरोनाचे 1 लाख 96 हजार 427 नवीन रुग्ण आढळले आहेत. विशेष म्हणजे 13 एप्रिलनंतर पहिल्यांदाच देशात दोन लाखांपेक्षा कमी रुग्णांची नोंद झाली आहे. 13 एप्रिलला देशात 1 लाख 84 हजार रुग्णांची नोंद झाली होती. मागच्या 24 तासांत कोरोनामुळे 3511 जणांचा मृत्यू झाला आहे. दरम्यान, 3 लाख 26 हजार 850 लोक बरे होऊन घरेही गेले आहेत. Coronavirus Cases In India today, Less Than 2 lakh patients Found In Just 24 Hours
विशेष प्रतिनिधी
नवी दिल्ली : कोरोना महामारीची दुसरी लाट हळूहळू ओसरू लागल्याचे चित्र आहे. मागच्या 24 तासांत देशात कोरोनाचे 1 लाख 96 हजार 427 नवीन रुग्ण आढळले आहेत. विशेष म्हणजे 13 एप्रिलनंतर पहिल्यांदाच देशात दोन लाखांपेक्षा कमी रुग्णांची नोंद झाली आहे. 13 एप्रिलला देशात 1 लाख 84 हजार रुग्णांची नोंद झाली होती. मागच्या 24 तासांत कोरोनामुळे 3511 जणांचा मृत्यू झाला आहे. दरम्यान, 3 लाख 26 हजार 850 लोक बरे होऊन घरेही गेले आहेत.
देशातील कोरोनाची सद्य:स्थिती
एकूण रुग्णसंख्या – 2 कोटी 69 लाख 48 हजार 874
एकूण बरे झालेले – 2 कोटी 40 लाख 54 हजार 861
एकूण मृत्यू – 3 लाख 7 हजार 231
एकूण सक्रिय रुग्णसंख्या – 25 लाख 86 हजार 782
एकूण लसीकरण – 19 कोटी 85 लाख 38 हजार 999 रुपये
इंडियन कौन्सिल ऑफ मेडिकल रिसर्चने (आयसीएमआर) म्हटले आहे की, काल भारतात 20 लाख 58 हजार 112 नमुन्यांच्या कोरोना चाचण्या घेण्यात आल्या असून त्यानंतर कालपर्यंत देशात एकूण 33 कोटी 25 लाख 94 हजार 176 नमुन्यांच्या चाचण्या घेण्यात आल्या आहेत.
18 दिवसांपासून कोरोना संसर्गात झपाट्याने घट
केंद्रीय आरोग्य मंत्रालयाने म्हटले आहे की, गेल्या 18 दिवसांपासून भारतात कोरोनाची रुग्णसंख्या झपाट्याने कमी होत आहेत. 18 दिवसांत 3 लाखांहून कमी रुग्णांची नोंद होत आहे. बरे होण्याच्या प्रमाणातही वाढ झाली आहे. तर सक्रिय रुग्णसंख्याही कमी होत आहे. मंत्रालयाने म्हटले आहे की, गेल्या 15 आठवड्यांत नमुन्यांच्या तपासणीत 2.6 पट वाढ झाली आहे, तर गेल्या दोन आठवड्यांपासून साप्ताहिक संसर्गाचे प्रमाण झपाट्याने कमी होत आहे.
Coronavirus Cases In India today, Less Than 2 lakh patients Found In Just 24 Hours
महत्त्वाच्या बातम्या
- YAAS Cyclone : पुढच्या 12 तासांत भीषण होणार यास चक्रीवादळ, उत्तर-पश्चिम दिशेने वाटचाल करणार असल्याची IMDची माहिती
- Inspiring : विराट-अनुष्काने 16 कोटींचे औषध देऊन वाचवले चिमुकल्याचे प्राण, आईवडिलांनी मानले जाहीर आभार
- विधानसभा निवडणुकीत कॉंग्रेसच्या पराभवासाठी जबाबदार कोण? जबाबदारी निश्चित करण्याच्या मागणीने धरला जोर
- CBI चे नवे बॉस कोण? ‘ही’ तीन नावे आघाडीवर, पंतप्रधान मोदींच्या अध्यक्षतेखाली पार पडली बैठक
- हरियाणा सरकारचा मोठा निर्णय : पतंजलीच्या १ लाख कोरोनिल किट कोरोना रुग्णांना मोफत वाटणार