Corona Updates In India : कोरोना महामारीच्या दुसऱ्या लाटेचा सामना करणाऱ्या भारतातील सद्य:स्थितीवर केंद्रीय आरोग्य मंत्रालयाने मंगळवारी पत्रकार परिषद घेतली. यादरम्यान मंत्रालयाचे संयुक्त सचिव लव अग्रवाल म्हणाले की, देशातील आठ राज्यांमध्ये एक लाखाहून जास्त संक्रमित आढळले आहेत. 10 राज्यांमध्ये कोरोनाचे रुग्ण 50 हजार ते 1 लाखादरम्यान आहेत. आणि 18 राज्य असे आहेत जेथे सक्रिय रुग्णांची संख्या 50 हजारांहून कमी आहे. Corona Updates In India Record More than 4 lakh Patients Recovered in A day,Central Health Ministry Press Updates
वृत्तसंस्था
नवी दिल्ली : कोरोना महामारीच्या दुसऱ्या लाटेचा सामना करणाऱ्या भारतातील सद्य:स्थितीवर केंद्रीय आरोग्य मंत्रालयाने मंगळवारी पत्रकार परिषद घेतली. यादरम्यान मंत्रालयाचे संयुक्त सचिव लव अग्रवाल म्हणाले की, देशातील आठ राज्यांमध्ये एक लाखाहून जास्त संक्रमित आढळले आहेत. 10 राज्यांमध्ये कोरोनाचे रुग्ण 50 हजार ते 1 लाखादरम्यान आहेत. आणि 18 राज्य असे आहेत जेथे सक्रिय रुग्णांची संख्या 50 हजारांहून कमी आहे.
अग्रवाल म्हणाले की, 3 मे रोजी देशातील कोरोना रिकव्हरी रेट 81.7 टक्के होता, आता तो वाढून 85.6 टक्के झाला आहे. गेल्या 24 तासांत 4 लाख 22 हजार 436 रुग्ण बरे झाले आहेत, हा एका दिवसातला सर्वोच्च आकडा आहे. अग्रवाल म्हणाले की, कोरोना संसर्गातून बरे होण्याचा एक सकारात्मक कल दिसून येत आहे. आज देशातील सकारात्मकतेचे प्रमाण 14.10 टक्क्यांवर आले आहे.
अग्रवाल म्हणाले की, देशातील 199 जिल्हे असे आहेत जिथे गेल्या तीन आठवड्यांपासून नवीन रुग्णसंख्येत आणि पॉझिटिव्हिटी रेटमध्ये सतत घट होत आहे. मंत्रालयाने म्हटले आहे की, आतापर्यंत देशातील एकूण लोकसंख्येपैकी 1.8% लोकांना कोरोना महामारीने गाठले आहे. लोकसंख्येच्या दोन टक्क्यांच्या आत संक्रमणाचा प्रसार रोखण्यात आपण यशस्वी झालो आहोत.
अग्रवाल म्हणाले की, गेल्या 24 तासांत संपूर्ण देशात कोरोनाचे दोन लाख 63 हजारांहून अधिक नवीन रुग्ण दाखल झाले आहेत. 7 मे रोजी एकाच दिवसात देशात सर्वाधिक चार लाख 14 हजार रुग्णांची नोंद झाली होती. त्या तुलनेत आज कोरोना रुग्णसंख्येत 27% घट झाली आहे.
आता उपचारांमध्ये 2-डीजी औषधाचाही समावेश
पत्रकार परिषदेत उपस्थित नीती आयोगाचे सदस्य डॉ. व्ही. के. पॉल यांनी डीआरडीओने विकसित केलेले अँटी कोविड औषध 2-डीजीबाबत सांगितले. डॉ. पॉल म्हणाले की, कोविड-19 नॅशनल टास्क फोर्समध्ये हे औषध ट्रीटमेंट प्रोटोकॉलमध्ये समाविष्ट करण्यासाठी आम्ही त्याची चाचणी घेऊ. ते म्हणाले की, ड्रग कंट्रोलर जनरल ऑफ इंडियाने (डीसीजीआय) या कोविडविरोधी औषधाच्या आपत्कालीन वापरास परवानगी दिली आहे.
डॉ. पॉल म्हणाले की, डीसीजीआयने 2 ते 18 वर्षे वयोगटातील कोव्हॅक्सिन लसीच्या दुसर्‍या / तिसर्‍या टप्प्यातील चाचणीस परवानगी दिली आहे. या चाचण्या पुढील 10 ते 12 दिवसांत सुरू होतील.
राज्यांना 20.78 कोटींपेक्षा जास्त डोसचा पुरवठा
आरोग्य मंत्रालयाने म्हटले की, केंद्र सरकारने आतापर्यंत राज्य आणि केंद्रशासित प्रदेशांना विनामूल्य आणि थेट खरेदीद्वारे लसीचे 20.78 कोटींपेक्षा जास्त डोस पुरवले आहेत. राज्यांकडे अद्याप 1.84 कोटी पेक्षा जास्त डोस शिल्लक आहेत, जे अद्याप वापरलेले नाहीत. एक लाख डोस पाइपलाइनमध्ये आहेत आणि पुढील तीन दिवसांत राज्यांना ते मिळतील.
Corona Updates In India Record More than 4 lakh Patients Recovered in A day, Central Health Ministry Press Updates
महत्त्वाच्या बातम्या
- जगातील सर्वात श्रीमंतांच्या यादीत एलन मस्क यांची तिसऱ्या स्थानावर घसरण, फ्रेंच उद्योगपतीने टाकले मागे
- लसीवरून राजकारणादरम्यान पूनावालांचं निवेदन, म्हणाले- भारतीयांचे जीव पणाला लावून लसीची निर्यात कधीच केली नाही!
- थेट परकीय गुंतवणूक सार्वकालिक उच्च स्तरावर, परकीय गंगाजळीत 100 अब्ज डॉलरहून अधिक वाढ
- India Fights Back : दररोज होणार 45 लाख कोरोना चाचण्या, व्हेरिएंट्सच्या निगराणीसाठी 17 नव्या प्रयोगशाळा
- Kerala Cabinet : पिनरई मंत्रिमंडळात जावयाची वर्णी; पण कोरोना योद्धा केके शैलजांना धक्कादायकरीत्या नारळ