Farooq Abdullah : मंगळवारी (30 मार्च 2021) जम्मू-काश्मीरचे माजी मुख्यमंत्री फारुख अब्दुल्ला यांना रुग्णालयात दाखल करण्यात आले आहे. ही माहिती त्यांचे सुपुत्र आणि जम्मू-काश्मीरचे माजी मुख्यमंत्री उमर अब्दुल्ला यांनी ट्विट करून दिली आहे. Corona-infected Farooq Abdullah admitted to hospital for better Treatment, says Omar Abdullah
विशेष प्रतिनिधी
श्रीनगर : मंगळवारी (30 मार्च 2021) जम्मू-काश्मीरचे माजी मुख्यमंत्री फारुख अब्दुल्ला यांना रुग्णालयात दाखल करण्यात आले आहे. ही माहिती त्यांचे सुपुत्र आणि जम्मू-काश्मीरचे माजी मुख्यमंत्री उमर अब्दुल्ला यांनी ट्विट करून दिली आहे.
लस घेतल्यानंतर लागण
कोरोना लसीचा पहिला डोस घेतल्यानंतर सुमारे 28 दिवसांनंतर जम्मू-काश्मीरचे माजी मुख्यमंत्री फारुख अब्दुल्ला यांना कोविड -19चा संसर्ग झाला. त्यानंतरही फारुख अब्दुल्ला यांचे सुपुत्र आणि जम्मू-काश्मीरचे माजी मुख्यमंत्री उमर अब्दुल्ला यांनी ट्विट केले होते. त्यांनी गेल्या काही दिवसांत संपर्कात आलेल्या सर्व लोकांना खबरदारी घेण्याचे आवाहनही केले होते.
ओमर अब्दुल्ला यांचे ट्विट
आज ओमर अब्दुल्ला यांनी ट्विट केले आहे की, ‘माझे वडील फारुख अब्दुल्ला यांना डॉक्टरांच्या सल्ल्यानुसार उत्तम उपचारांसाठी श्रीनगर येथील रुग्णालयात दाखल केले आहे. या संकटाच्या वेळी ज्यांनी संदेश पाठविला व पाठिंबा दर्शविला त्या सर्वांचे आम्ही आभारी आहोत.
अब्दुल्ला कुटुंबीय क्वारंटाइन
फारुख अब्दुल्ला यांना कोरोना संसर्ग झाल्याचे समजल्यावर त्यांच्या कुटुंबातील इतर सदस्यांना होम क्वारंटाइन करण्यात आले आहे. कुटुंबातील सर्व सदस्यांची कोरोना तपासणी झाली असून इतर कोणालाही कोरोना संसर्ग झाल्याचे आढळले नाही. फारुख अब्दुल्ला यांनी 2 मार्च रोजी शेर-ए-काश्मीर इन्स्टिट्यूट ऑफ मेडिकल सायन्सेस, श्रीनगर येथे कोरोना लसीचा पहिला डोस घेतला होता.
Corona-infected Farooq Abdullah admitted to hospital for better Treatment, says Omar Abdullah
महत्त्वाच्या बातम्या
- IPL 2021 : आयपीएलवर कोरोनाचे सावट, वानखेडे स्टेडियमचे 8 ग्राउंड्समन कोरोना पॉझिटिव्ह
- Corona Outbreak : ब्राझीलमध्ये मृतदेह पुरण्यासाठी कमी पडतेय जागा, कबरी रिकाम्या करून दफनविधी
- Lockdown In Bangladesh : बांग्लादेशात कोरोनाचा भयंकर उद्रेक, देशात 5 एप्रिलपासून 7 दिवसांचे लॉकडाऊन
- महागाईचा ठसका; खाद्य तेल, डाळ, तांदळाच्या किमतींनी मोडलं सर्वसामान्यांचं कंबरडं
- सचिन वाझे यांना छातीत वेदना आणि हार्ट ब्लॉकेजचा त्रास, NIA कोर्टाने म्हटले, मेडिकल रिपोर्ट दाखवा..