Salman Khurshid book : काँग्रेस नेते सलमान खुर्शीद यांच्या नव्या पुस्तकावरून वाद सुरू असतानाच नैनितालमधील रामगढ येथील त्यांच्या घराची तोडफोड करून आग लावण्यात आली आहे. खुद्द सलमान खुर्शीद यांनी फेसबुकवर ही माहिती दिली. घटनेची माहिती मिळताच पोलीस घटनास्थळी दाखल झाले. या घटनेत कोणत्या संघटनेचा हात आहे, याचा तपास सुरू असल्याचे डीआयजी कुमाऊंच्या वतीने सांगण्यात आले. Controversy over Salman Khurshid book vandalism and arson at his house in Nainital
वृत्तसंस्था
नवी दिल्ली : काँग्रेस नेते सलमान खुर्शीद यांच्या नव्या पुस्तकावरून वाद सुरू असतानाच नैनितालमधील रामगढ येथील त्यांच्या घराची तोडफोड करून आग लावण्यात आली आहे. खुद्द सलमान खुर्शीद यांनी फेसबुकवर ही माहिती दिली. घटनेची माहिती मिळताच पोलीस घटनास्थळी दाखल झाले. या घटनेत कोणत्या संघटनेचा हात आहे, याचा तपास सुरू असल्याचे डीआयजी कुमाऊंच्या वतीने सांगण्यात आले.
सलमान खुर्शीद यांनी नुकतेच ‘सनराईज ओव्हर अयोध्या’ नावाचे पुस्तक लिहिले आहे. या पुस्तकात त्यांनी हिंदुत्वाची तुलना इसिस आणि बोको हराम या दहशतवादी संघटनांशी केली आहे. यासोबतच त्यांनी हिंदुत्वाचे राजकारण धोकादायक असल्याचे सांगितले आहे. फेसबुक पोस्टमध्ये सलमान खुर्शीद यांनी लिहिले की, ‘मी अजूनही चूक आहे का? हे हिंदुत्व असू शकते का?” यासोबतच त्यांनी अनेक व्हिडिओही शेअर केले आहेत, ज्यामध्ये काही लोक भाजपचा झेंडा घेऊन धार्मिक घोषणा देताना दिसत आहेत.
दरवाजे आणि खिडक्यांच्या काचा फोडल्या
खुर्शीद दुसर्‍या पोस्टमध्ये म्हणाले, “म्हणून आता अशी चर्चा सुरू आहे. लाज हा अत्यंत कुचकामी शब्द आहे. शिवाय, मला अजूनही आशा आहे की एके दिवशी आपण एकत्र तर्क करू शकू आणि असहमत होण्यास सहमत होऊ.” खुर्शीद यांनी फेसबुकवर शेअर केलेल्या छायाचित्रांमध्ये नैनिताल येथील त्यांच्या निवासस्थानी तुटलेल्या खिडक्या आणि जळालेले दरवाजेही दिसत आहेत.
शशी थरूर यांनी केला निषेध
या घटनेवर प्रतिक्रिया देताना काँग्रेस खासदार शशी थरूर यांनी ट्विटमध्ये म्हटले आहे की, हे लज्जास्पद आहे. सलमान खुर्शीद हे एक राजकारणी आहेत ज्यांनी आंतरराष्ट्रीय मंचांवर भारताचा अभिमान निर्माण केला आहे आणि नेहमी देशाविषयी उदारमतवादी, मध्यवर्ती, सर्वसमावेशक दृष्टिकोन व्यक्त केला आहे. आपल्या राजकारणातील असहिष्णुतेच्या वाढत्या पातळीचा सत्तेत असलेल्यांनी निषेध केला पाहिजे.”
पुस्तकावर बंदी घालण्याची मागणी
रविवारी भाजप आमदार राजा सिंह यांनी केंद्रीय गृहमंत्री अमित शहा यांना पत्र लिहून सलमान खुर्शीद यांच्या नवीन पुस्तकावर बंदी घालण्याची मागणी केली होती. राजा सिंह यांनी काँग्रेस नेत्यावर “हिंदूंची बदनामी” केल्याचा आरोप करत त्यांच्यावर कायदेशीर कारवाई करण्याची मागणीही केली.
Controversy over Salman Khurshid book vandalism and arson at his house in Nainital
महत्त्वाच्या बातम्या
- Amravati Violence : दंगलीच्या निषेधार्थ बंदचे आवाहन करणारे भाजप नेते अनिल बोंडे यांना अटक, शिवसेना नेत्यावर मात्र कारवाई नाही!
- त्रिपुराच्या घटनेनंतर महाराष्ट्रातील दंगलींचा आणि सन २०१६ – १७ च्या फोटोचं संबंध काय? – आशिष शेलार
- चित्रा वाघ यांना विधानपरिषदेची उमेदवारी देण्याचं भाजपच्या राष्ट्रीय कार्यकारिणीत निश्चित
- ३४५ इच्छूकांनी दिल्या मुलाखती , मनपा निवडणुकीच्या रिंगणात राष्ट्रवादीची औरंगाबादेत स्वबळाची चाचपणी
- आठवणी बाबासाहेबांच्या : सावरकर म्हणाले होते, नाशच करायचा असेल तर काबूल पलिकडे जाऊन अब्दालीच्या घराण्याचा करा ना…!!