वृत्तसंस्था
इंदूर : दिल्ली पोलिसांच्या स्पेशल सेलने सुली डील्स अॅपचा निर्माता आणि मास्टरमाइंड ओंकारेश्वर ठाकूरला इंदूरमधून अटक केली. डीसीपी IFSC केपीएस मल्होत्रा यांनी सांगितले की तो एका विशिष्ट समुदायातील महिलांना ट्रोल करण्यासाठी तयार केलेल्या ट्विटरवरील ट्रेड ग्रुपचा सदस्य होता.Controversial App Sulli Deals Creator Omkareshwar Thakur a BCA student arrested from Indore
महिलांना बदनाम करण्याचे षडयंत्र
पोलिसांनी आरोपीला मध्य प्रदेशातील न्यूयॉर्क सिटी टाऊनशिप इंदूर येथून अटक केली. 17 जानेवारी 1996 रोजी जन्मलेल्या ठाकूरने आयपीएस अकादमी इंदूरमधून बीसीए केले आहे. प्राथमिक चौकशीदरम्यान, त्याने कबूल केले की तो ट्विटरवरील ट्रेंड-ग्रुपचा सदस्य होता आणि त्याने समाजातील महिलांना बदनाम करण्याचा आणि ट्रोल करण्याचा कट रचला होता.
त्याने गिटहबवर एक कोड विकसित केला होता. GitHub ग्रुपचा अॅक्सेस सर्व सदस्यांसाठी होता. त्याने हे अॅप त्याच्या ट्विटर अकाउंटवर शेअर केले आहे. महिलांचे फोटो ग्रुप सदस्यांनी अपलोड केले होते.
बुल्ली बाईच्‍या सूत्रधारालाही अटक
यापूर्वी दिल्ली पोलिसांनी बुल्लीबाई अॅपचा निर्माता आणि मास्टरमाइंड नीरज बिश्नोई याला आसाममधून अटक केली होती. त्याला सात दिवसांची पोलिस कोठडी सुनावण्यात आली आहे. पोलीस कोठडीत असताना त्याने दोनदा आत्महत्येचा प्रयत्न केला आहे.
डीसीपी केपीएस मल्होत्रा यांनी सांगितले की, आरोपी वयाच्या १५व्या वर्षापासून हॅकिंग करत आहे. तो भारतासह पाकिस्तानातील शाळा आणि विद्यापीठांच्या साइट्समध्ये फेरफार आणि हॅक करत आहे. शाळांशी संबंधित वेबसाइट हॅक केल्याच्या त्याच्या दाव्याची चौकशी केली जात आहे. त्याने सांगितले की, तो जपानी अॅनिमेशन गेम कॅरेक्टर गियू (GIYU) ने खूप प्रभावित आहे. तो गियूच्या नावाने ट्विटर हँडल बनवत असे. यातूनच त्याने देशातील पोलिसांना स्वत:ला अटक करण्याचे आव्हान दिले होते. परंतु, आता त्याला अटक झाली आहे.