प्रतिनिधी
नवी दिल्ली : विरोधी एकजुटीच्या चर्चेदरम्यान काँग्रेस आणि ममता बॅनर्जी यांचा पक्ष टीएमसी आमनेसामने आले आहेत. बुधवारी दोन्ही पक्षांमध्ये वार-पलटवार पाहायला मिळाले. काँग्रेस नेते राहुल गांधी यांनी टीएमसीला मेघालयातील भाजपचा मित्रपक्ष असल्याचे म्हटले. यानंतर लगेचच तृणमूल काँग्रेसचे (टीएमसी) सरचिटणीस अभिषेक बॅनर्जी यांनी त्यांच्यावर जोरदार निशाणा साधला.Congress Vs TMC Abhishek Banerjee’s response to Rahul Gandhi’s allegations of helping BJP
बॅनर्जी म्हणाले, “काँग्रेस भाजपला विरोध करण्यात अपयशी ठरली आहे. असंबद्धता, अकार्यक्षमता आणि असुरक्षिततेने त्यांना उन्मादात टाकले आहे. ते म्हणाले की, मी काँग्रेस नेते राहुल गांधी यांना विनंती करतो की त्यांनी आमच्यावर हल्ला करण्याऐवजी अहंकाराच्या राजकारणाचा पुनर्विचार करावा. आमचा विकास (TMC) पैशाने चालत नाही, लोकांचे प्रेम आम्हाला चालवते.
…मग काँग्रेसने भाजपला मदत केली होती का?
अभिषेक बॅनर्जी म्हणाले की, या तर्काने, 2021 मध्ये बंगाल विधानसभा निवडणुकीत काँग्रेसने 92 जागांवर निवडणूक लढवली, तेव्हा भाजपला त्याचा फायदा झाला का? गेल्या 45 पैकी 40 निवडणुकांमध्ये काँग्रेसचा पराभव झाला असताना तृणमूल काँग्रेसविरोधात राहुल गांधींचे वक्तव्य आले आहे. खरं तर, राहुल गांधींनी मेघालयमधील एका निवडणूक रॅलीत दावा केला होता की TMC भाजपला मदत करण्यासाठी गोव्यात गेली होती.
काय म्हणाले होते राहुल गांधी?
मेघालयातील एका जाहीर सभेला संबोधित करताना राहुल गांधी बुधवारी (22 फेब्रुवारी) म्हणाले की, तुम्हाला टीएमसीचा इतिहास माहिती आहे, तुम्हाला बंगालमधील हिंसाचारही माहिती आहे, ते गोव्यात आले आणि भाजपला मदत करायची होती म्हणून त्यांनी मोठा खर्च केला. मेघालयात भाजपची सत्ता येण्याची खात्री टीएमसीला करायची आहे. येथील लोकांना टीएमसीच्या परंपरा, हिंसाचार आणि पश्चिम बंगालमधील घोटाळे याची माहिती आहे. मेघालय निवडणुकीच्या संदर्भात ममता बॅनर्जी बुधवारी येथे पोहोचल्या होत्या.
काय म्हणाल्या ममता बॅनर्जी?
पश्चिम बंगालच्या मुख्यमंत्री आणि टीएमसी सुप्रीमो ममता बॅनर्जी यांनी भाजपवर हल्ला चढवत म्हटले की, त्यांचा पक्ष बाहेरील लोकांना नागरिकत्व दुरुस्ती कायदा (CAA) आणि राष्ट्रीय नागरिक नोंदणी (NRC) पूर्वोत्तर राज्यातील रहिवाशांवर लादण्याची परवानगी देणार नाही. “बाहेरून येणाऱ्या लोकांना तुमच्यावर CAA, NRC लादू देऊ नका,” असे बॅनर्जी मेघालयातील निवडणूक रॅलीत म्हटले.
2024 च्या लोकसभा निवडणुकांबाबत विरोधी पक्षांच्या एकजुटीची चर्चा आहे, मात्र यादरम्यान तृणमूल आणि काँग्रेसमधील हे आरोप-प्रत्यारोप यामुळे धक्का बसू शकतो. एकीकडे नितीशकुमार प्रयत्न करत आहेत, तर दुसरीकडे केसीआरही विरोधकांना सोबत घेण्यात मग्न आहेत.Congress Vs TMC Abhishek Banerjee’s response to Rahul Gandhi’s allegations of helping BJP
महत्वाच्या बातम्या
- दिल्ली महापौर निवडणुकीनंतर सभागृहात गदारोळ : खुर्च्या फेकल्या, महापौर म्हणाल्या- माझ्यावर हल्ल्याचा प्रयत्न
- शिंदे-फडणवीस सरकारचा महत्त्वाचा निर्णय : गुढीपाडवा, डॉ. बाबासाहेब आंबेडकर जयंतीनिमित्त100 रुपयांत आनंदाचा शिधा
- उद्धव ठाकरेंनी शिवसेनेचा पक्षनिधी एका दिवसात दुसऱ्या खात्यात वळवला : शिंदे गटाचे नेते आमदार संजय शिरसाठ यांचा गंभीर आरोप
- शिवाई सेवा ट्रस्ट नावापुरती; शिवसेना भवनावर मालकी उद्धव ठाकरेंची!!