Hardik Patel father dies due to corona : गुजरात कॉंग्रेसचे कार्यकारी अध्यक्ष हार्दिक पटेल यांच्या वडिलांचे अहमदाबादमधील रुग्णालयात कोरोनाच्या संसर्गामुळे रविवारी निधन झाले. पक्षाच्या एका नेत्याने ही माहिती दिली आहे. निधनाचे वृत्त समजताच गुजरातचे मुख्यमंत्री विजय रूपाणी यांनी पटेल यांच्याशी फोनवर बोलून संवेदना व्यक्त केल्या आहेत. Congress leader Hardik Patel father dies due to corona in Ahmedabad, Chief Minister Vijay Rupani expressed grief
विशेष प्रतिनिधी
अहमदाबाद : गुजरात कॉंग्रेसचे कार्यकारी अध्यक्ष हार्दिक पटेल यांच्या वडिलांचे अहमदाबादमधील रुग्णालयात कोरोनाच्या संसर्गामुळे रविवारी निधन झाले. पक्षाच्या एका नेत्याने ही माहिती दिली आहे. निधनाचे वृत्त समजताच गुजरातचे मुख्यमंत्री विजय रूपाणी यांनी पटेल यांच्याशी फोनवर बोलून संवेदना व्यक्त केल्या आहेत.
भारतीय युवा कॉंग्रेसचे प्रदेश उपाध्यक्ष निखिल सावानी म्हणाले की, “हार्दिक पटेल यांचे वडील भरत पटेल यांचे रविवारी शहरातील यूएन मेहता रुग्णालयात निधन झाले. कोरोना संसर्गानंतर त्यांच्यावर उपचार सुरू होते.”
हार्दिक पटेल हेसुद्धा सध्या कोरोनाग्रस्त आहेत. 2 मे रोजी हार्दिक पटेल यांनी ट्विटद्वारे आपल्याला कोरोनाची लागण झाल्याची माहिती दिली होती. त्यांनी लिहिले होते की, “आज मी कोरोना पॉझिटिव्ह आलो आहे. डॉक्टरांच्या सल्ल्यानुसार घरीच उपचार चालू आहेत. तुमच्या प्रेम व प्रार्थनेने लवकरच बरा होईल.”
गुजरातमध्ये कोरोनामुळे चिंताजनक स्थिती
मागच्या 24 तासांत गुजरातमध्ये कोरोनाचे नवे 11,892 रुग्ण आढळले आहेत. यामुळे राज्यातील एकूण बाधितांचा आकडा हा 6,69,928 वर गेला आहे. याशिवाय आणखी 119 रुग्णांच्या मृत्युमुळे मृतांची एकूण संख्या 8,273 वर गेली आहे. गुजरात आरोग्य विभागाच्या मते, दिवसभरात किमान 14,737 जणांना रुग्णालयातून सुटी देण्यात आली होती. यामुळे राज्यातील 5,18,234 जणांनी आतापर्यंत कोरोनावर मात केली आहे. राज्यात सध्या 1,43,421 रुग्णांवर उपचार सुरू आहेत.
Congress leader Hardik Patel father dies due to corona in Ahmedabad, Chief Minister Vijay Rupani expressed grief
महत्त्वाच्या बातम्या
- भाजपचे ईशान्येतील चाणक्य बनणार आसामचे मुख्यमंत्री; जाणून घ्या हेमंत बिस्वा सरमा यांच्या Unknown Facts
- अभिनेता राहुल वोहराचे कोरोनाने निधन, मृत्युशय्येवर लिहिलेली अखेरची फेसबुक पोस्ट व्हायरल
- संकटातही लाचखोरी : नेदरलँडहून 24 तासांत आले ऑक्सिजन कन्सन्ट्रेटर, मुंबईहून इंदुरात यायला 48 तास लागले, लाच दिल्यानंतरच झाली सुटका
- दिल्लीतील लॉकडाऊन एक आठवड्याने वाढला, उद्यापासून मेट्रोही बंद, सीएम केजरीवालांची घोषणा
- DRDO चे अँटी कोरोना औषध 11 मेपासून होणार उपलब्ध, सुरुवातीला 10 हजार डोस येणार, रेड्डींची माध्यमांना माहिती