digvijay singh praise amit shah and rss : नर्मदा यात्रेवर लिहिलेल्या पुस्तकाच्या प्रकाशनाप्रसंगी काँग्रेस नेते दिग्विजय सिंह यांनी गृहमंत्री अमित शहा आणि आरएसएसचे कौतुक केले. त्यांनी स्तुती केली आणि म्हणाले की, नर्मदा परिक्रमेदरम्यान त्यांना सरकार आणि संघाचे भरपूर सहकार्य मिळाले होते. दिग्विजय सिंह म्हणाले की, ते अमित शहा आणि संघ या दोघांचे सर्वात मोठे टीकाकार आहेत, परंतु यात्रेदरम्यान दोघांचेही मिळालेले सहकार्य ते विसरू शकत नाहीत. Congress leader digvijay singh praise amit shah and rss For Help in His narmada yatra
प्रतिनिधी
भोपाळ : नर्मदा यात्रेवर लिहिलेल्या पुस्तकाच्या प्रकाशनाप्रसंगी काँग्रेस नेते दिग्विजय सिंह यांनी गृहमंत्री अमित शहा आणि आरएसएसचे कौतुक केले. त्यांनी स्तुती केली आणि म्हणाले की, नर्मदा परिक्रमेदरम्यान त्यांना सरकार आणि संघाचे भरपूर सहकार्य मिळाले होते. दिग्विजय सिंह म्हणाले की, ते अमित शहा आणि संघ या दोघांचे सर्वात मोठे टीकाकार आहेत, परंतु यात्रेदरम्यान दोघांचेही मिळालेले सहकार्य ते विसरू शकत नाहीत.
दिग्विजय सिंह म्हणाले की, त्यांच्या नर्मदा यात्रेदरम्यान अमित शहा यांनी वन अधिकाऱ्यांना विचारून विश्रामगृहात त्यांची व्यवस्था केली होती. मोठा टीकाकार असूनही अमित शहा यांनी याची पूर्ण काळजी घेतली की त्यांच्या नर्मदा यात्रेमध्ये कोणताही अडथळा येऊ नये. दिग्विजय सिंह म्हणाले की, ते अमित शाह यांना समोरासमोर कधीच भेटले नाहीत. पण तरीही त्यांनी या सहकार्यासाठी गृहमंत्र्यांना आभार पत्र पाठवले होते.
दिग्विजय सिंहांकडून अमित शहांचे कौतुक
काँग्रेस नेते दिग्विजय सिंह यांनी पुस्तक प्रकाशनाप्रसंगी म्हणाले की, संघ आणि सरकारची त्यांच्या नर्मदा यात्रेदरम्यान केलेली मदत हा राजकीय सामंजस्याचा पुरावा आहे. ते म्हणाले की, आम्हाला ही गोष्ट कधी कधी आठवत नाही. आपण अनेकदा या गोष्टी विसरतो. काँग्रेस नेते म्हणाले की, प्रखर विरोधी असूनही सरकारने त्यांना यात्रेदरम्यान पूर्ण सहकार्य केले. ते म्हणाले की, त्यांचे विचार संघापेक्षा नेहमीच वेगळे आहेत. पण तरीही प्रवासादरम्यान संघाचे लोक त्यांना भेटायला येत असत.
दिग्विजय सिंह यांची 3,300 किमी लांबीची नर्मदा पदयात्रा
दिग्विजय सिंह म्हणाले की, परस्परविरोधी मते असूनही संघ कार्यकर्त्यांना त्यांना भेटण्याची सूचना देण्यात आली. नर्मदा यात्रेदरम्यान मिळालेल्या सहकार्यासाठी त्यांनी संघ तसेच गृहमंत्री अमित शहा यांचे आभार मानले.
काँग्रेस नेते दिग्विजय सिंह यांनी त्यांच्या पत्नी अमृता सिंह यांच्यासोबत 2018 मध्ये नर्मदा परिक्रमा पदयात्रा केली होती. 192 दिवस चाललेली त्यांची पदयात्रा नरसिंहपूर जिल्ह्यातील बर्मन घाटावर संपली. घाटावर पोहोचल्यावर त्यांनी पत्नीसह प्रार्थना केली. दोघांचा प्रवास सुमारे 3,300 किमी लांबीचा झाला होता.
Congress leader digvijay singh praise amit shah and rss For Help in His narmada yatra
महत्त्वाच्या बातम्या
- फ्रान्सचे माजी राष्ट्रपती सार्कोझी निवडणुकीत ‘अवैध पैसा’ वापरल्याप्रकरणी दोषी, न्यायालयाने सुनावली एक वर्षाची शिक्षा
- Bhawanipur Bypoll : भाजप नेत्याच्या कारवर हल्ला, तृणमूलवर तोडफोडीचे आरोप, बनावट मतदारांवरून गोंधळ, EC ने मागवला अहवाल
- Farmers Protest : शेतकरी आंदोलनावर सर्वोच्च न्यायालयाचे ताशेरे, म्हणाले – ‘महामार्ग कायमचे रोखू शकत नाहीत!’, केंद्राला निर्देश
- Amarinder Singh : कॅप्टन अमरिंदर सिंग काँग्रेस सोडणार, पण भाजपमध्ये आताच प्रवेश नाही, काँग्रेस घसरणीला लागल्याची टीका
- शिवसेनाप्रमुख बाळासाहेब ठाकरे यांना जेल मध्ये टाकण्याचा प्रयत्न करणाऱ्या विरोधात आमची लढाई , भुजबळ यांना पालकमंत्री पदावरून हटवा, शिवसेना आमदार सुहास कांदे यांची मागणी
